^{1 2 3} 1 ಪ್ರದಾನ ಯಾಜಕ ಸ್ತ್ಹೆವನಿಕ ಈ ಸಂಗಥಿಕರಾನ ಅಂಡು ಕೊಟ್ಸು 2 ಪ್ರತ್ಯುತ್ಥರವಾಯಿ ಅದು ಇನಗಂಡಿಸ ನನ್ನ ಯೇಹೊದ್ಯ ಅವಂಧಿರೆ ಅಣ್ಣಂದಿರೆ ನನ್ನ ಸೋವ್ವಿಕೋಡಂಗು ನಂಗ ಅವಅನ ಅಬ್ರಹಾಮ ನಂಗ್ಲ ಪ್ರಭಾವ ಸ್ವರೂಪ ಅನ ದೌವ್ರು ಕನಿಸಿಕೊಂಡ್ಸ್ ಅಬ್ರಹಾಮ ಅರಾನಿಕೊ ವಾಸ್ಸೆರ್ತೆನ್ಕ್ಕಿಂಥ ಮುಂಚೆ ಮೇಸ ಪೋಟೋಮಿಯಾತ್ಕೊರು ಇಂಚು 3ಸ್ವರೋಪ ಅನಾ ದೋವ್ರು ಅಲ್ಕಿ ಕಂಡುಸ್ಸು ನಿಂಗ್ಲ ಸ್ವದೇಶ್ ತಿರುಗಿ ನಿಂಗ್ಲ ಬಂದುಬಳಗ ತಾಗ್ಯ ಊಚ್ಕೊಟ್ಟು ನಾನು ಕಾಟ್ರ ದೇಶಥ್ಗು ಒ ಅಂಡು ಸೋನ್ಸ್. ^{4 5} 4 ಅಪೋದು ಅದು ಕಸ್ಪಿಯರ್ ನಟ್ಯಿಡುಹೋಯಿ ಲರಾನಿನಲ್ಲಿ ವವಾಯಿಚ್ಚುಅಲ್ಯ ಅವ್ವ ಸೇತೋನೆ ಮೇಲೆ 'ದೋವ್ರು ಅತ್ತ ಅ ಟಿಂಡು ನಿಂಗ ಇಪೋದು ವಾಸಗಿರುವ ಅ ದೇಶಕ್ಕೆ ಅಗ್ಸೋಸು 5 ಅನೇಕ ದೊವ್ವ್ರು ಅಬ್ರಹಾಮಕ್ಕು ಇಟ್ಟಿ ಎ ಭೊಮಿ ಕೊಡುಕುಲ ದೋವ್ರು ಅತ್ತುಗು ಒಂಡು ಅಡಿ ಜಾಗತ್ತಾ ಕೊಡುಕ್ಲ ಅನೇಕ ಮುಂಕಾಲ್ತ್ಕೊರು ಈ ನಾಟ ಅತ್ತುಗು ತಿರುಗಿ ಅತ್ರ ಮುಕುಲ್ಕ ಕೋ ಡು ಕ್ರದಾಯಿ ದೋವ್ರು ಅಬ್ರಹಾಮುಕು ವಾಗ್ದಾನ ಸೆಂಚು ಅಬ್ರಹಾಮುಕು ಮಕ್ಯ ಇಲ್ಲದಿಪೋದು ಇದು ಅಸು. ^{6 7 8} 6 ದೋವ್ರು ಅತ್ತುಗೋ ನಿಟ್ಟ ಸಂತಾನ ಬೀರೊಂಡು ದೇಶಲ್ ಕೋರ್ ವಾಸಿಸಾಕನು ಆಗ್ಯ ಪರದೇಶಿ ಅಯಿಕ್ರಗ್ಯ ಅಚಿ ಇಕ್ರ ಮಂದಿ ಆಗ್ಯ ಗುಲಾಮ ರಾಯಿ ಸೇಡುಗೊಂದು ನಾನೋರು ವತಗಲವರೆಅಲ್ಕಿ ಕೇಡನ್ನು ಸೈಯೋಕನ್ನು 7 ಅನೇಕ ಅಲ್ಯ ಗುಲಾಮ ನನ್ನಾಗಿ ಸೇನದ್ಗೊಂಡ ಮಂದಿ ಅನ್ನು ನಾನು ದಂಡಿಸಾರೆ ಅಂಡು ಸೋನಸು ಇದಲ್ದ ದೇವ್ರು ಅತುಗು ಅ ಒಪೊಂದು ನಿಂಗ್ಲ ಮಂದಿ ಅ ನಾಲ್ ತಿಂಡು ಬೈಲ್ಕಿ ವಂದು ನನ್ನ ಈ ಸ್ತಳಕೊತ್ಕೊರು ಅರಾದನ ಸೈಯೋಕು ಅಂಡು ಸೋನ್ಸ್ 8 ದೋವ್ರು ಅಬ್ರಹಾಮ ನೆಚಿ ಒಂಡು ಒಡಂಬಡಿಕೆ ಸೇನ್ದುಗೊದ್ಸು ಅತ್ಹ್ಗು ಗುವತಾಯಿ ಸುನ್ನತಿ ನೆಮಸುಸು ಅದ್ಕ್ಕುತ್ತನ್ನು ಅಬ್ರಹಾಮು ಇಸಾಕನನ್ನ ಪಡೆಚು ಆತನೇ ಎನತ್ಕುರು ಅಂತ್ಗು ಸುನಂತಿಇಸಾಕನನ್ನಪಡೆಚು ಆಟನೆಎನತ್ಕೊರು ಅಡ್ಸು ಸುನಂತಿ ಸೇಚು ಮುಕ್ಕು ಇಸಾಯಕು ಯೋಕಬನನ್ನ ಪಡೆಚು ಯೋಬುಕ ಪನ್ನೆಂಡು ಮಂದಿ ಮೊಲ ಅವ್ವಗಿಲ್ಲ ಪಡಿಚ್ಚು. ^{9 10} 9 ಮೋಲಪಿತೃಗ ಹೊಟ್ಟೆಕಿಚ್ಚು ಇಂಡು ಯೂಸೆಫನ ಐಗುಪ್ತ ದೇಶಕ್ ಇಚುಸುನು 10 ಅಬಾ ದೇವ್ರು ಅತ್ರ ಅತೆಂಡೆ ಇಂದು ಅತ್ಗು ವಂದ ಆದಿ ಕಷ್ಟ ಲೆಂಡು ಅತ್ತ ಊಡಿಚ್ಚು ಐ ಅಗುಪ್ತದೇಶ ರಾಜ ಅನಾ ಪರೋಫನ ಸಮುಕ್ತ್ಕೊರು ದಯಾಪಾತ್ರನು ಜ್ಞಾನವುಳ್ಳದು ಅಗಿರ್ವ ಅನುಗ್ರಹ ಸೂಸು ಪರೋಹನ ಅತ ಐಗುಪ್ತದೇಶಕ್ಕೂ ಮುಲು ತನ್ನ ಅರಮನೆ ಮೆನಿ ಆತ್ರ ಅದಿಕಾರಿ ಆಯಿ ಇಬುಸ್ಸು. ^{11 12 13} 11.ಅಪೋಮ ಐ ಗುಪ್ತ ಮತು ಕಾನನ್ ದೇಶಳ್ಕೊರು ಎಟ್ ಎಟ್ ಬರಗಳುವವ್ಚು ಜಥ್ ಕೋರ್ ಬೇರೆ ಸಂಕಟ ಯಮ್ಬಯಿಸು ಅಪೋದು ಅಲ್ಲ ಪಿತೃಕ್ಕು ಕಲಿ ಸಿಕ್ಕುಲ್ಲ 12 ಅನೇಕ ಐ ಗುಪ್ತ ದೇಶಕ್ಕೊರು ದವಸ ದಾನ್ಯ ಇಕ್ರಾತ ಯಕೊಬನು ಕೊಟ್ಟು ತಂಗ್ಲ ಅವ್ವಗಿನ್ಕ್ಕು ಪಸ್ಟು ಬಂಡು ಸಾಲಿ ಅಪೋಸು 13 ಆಗ್ಯ ಎಂಡನೆ ಸಾರಿ ವಂದಪೋದು ಯೋಸೆಪನ್ ಅನಾ ತೆಂಬಕ್ಕಿ ಅತ್ರ ಗುರುತು ಸಿಕ್ರುಕನಿ ಸೋದ್ಸು ತಿರುಗಿ ಯೋಸೆಪನ ವಂಶಂಗ ಪರೋಹನನಿಕು ತಿಲಿಜು ವಂಚು. ^{14 15 16} 14 ಅಮೇನಿ ಯೋಸೆಪು ಅತ್ರ ಅವ್ವ ಅನಾ ಯೋಬನ ಅನ್ನು ತಿರುಗಿ ಅತ್ರ ಬಂದು ಬಂಳಗವನ್ನು ಬಾಬ್ಬಿಗೆ ಗುರುಕತ್ತು ಅಂಜು ಐ ಗುಪ್ತ ದೇಶತ್ಕ ಅಗುಸ್ಗೊಂಡು ವಂಚು ಬಸ್ಸು. 15 ಯಕೊಬನು ಐ ಗುಪ್ತ ದೇಶತ್ಗುಸಗುರ್ ತಿನ್ನರ ಅದು ತಿರುಗಿ ಅವನ ಪಿತೃಗ ಅಟ್ಟಿ ಇಚುನು. 16 ಆಗ್ಯ ಶೆಕೆಯಿಕ್ಕು ಅತುಗೊಂಡು ಹೋಯಿ ಅಟ್ಟೆ ಹವೆರನ ಮಕ್ಲಿಂಡು ಅಬ್ರಹಾಮ ಎಲ್ಲಿ ಕುಡುತ್ತು ಅತ್ಗೊಂಡಿಂದ ಸಮದಿಕೊರು ಅಚ್ಚುಸುನು. ^{17 18 19} 17 ಅನೇಕ ದೋವ್ರು ಅಬ್ರಹಾಮುಕು ವಾಗ್ದಾನ ಸೇಂದಕಾಳುಕಿಟುಗೊರು ವರುರಪೋದುನಂಗ್ಲ ಮಂದಿ ಐಗುಪ್ತ ದೇಶತ್ಕೊರೋರು ಹೆಚ್ಚಿ ಬೇರು ಗುಂಪು ಅಸನ್ನು 18 ಕಡೆಕಿ ಯೋಸೆಪು ನನ್ನ ತೆಲಿಯದ ಬೇರೆಂಡ್ ರಾಜು ಅಳ್ವಿಕ್ ಸೈಯಿರ್ಕು ವಂಚು 19 ಅ ಅರಸು ನಂಗ್ಲ ಅವ್ವಗಿನುಕ್ಕು ಕುಯುಕ್ತಿಯನು ಗೆನ್ಸಿ ಅಲ್ಯ ಮಲ್ಕನ್ನು ಜಿವದಿಂಡು ಊಳಿಸುದಂಚುಅಂಡು ಬೈಲ್ಕಿ ಹೆಂಬು ನಂಗ್ಲ ಅವ್ವಗಿನಲ್ಲ ಕ್ರೋರವಯಿ ನಡಪಚುಸು. ^{20 21} 20 ಆ ಸಮಯತ್ಕೊರು ಮೋಶೆ ಹುಬೇಚು ಅದು ದಿವ್ಯ ಸುಂದರ ನಾಗಿಚ್ಚು ತಿರುಗಿ ಅವುತ್ ಹುಬ್ಬುಗೊರು ಮೂಡು ಮದು ವಲ್ಜುಸು 21 ಅ ಮೇನಿ ಅತ ಬೈಲಿಕ ಹೊಂಬಾಪೋದು ಪರೋಹನ ಮಗ್ಲ ಅತ ಪೆನ್ಚಿಕೊಂಡು ಹೋಯಿ ಆತ್ರ ವಾತ ಆಯಿ ವಲ್ತುಸು ^{22 23 24 25} 22 ಐಗುಪ್ತ ದೇಶತಾಲ್ಯ ಅದೀ ವಿದ್ಯೇಕೊರು ಉಪದೇಸ ಹೊಂದಿಗೊಂಡು ಒಕುಕೋರುಕಾರ್ಯತ್ಕೊರು ಸಮರ್ತ ಆಸ್ಸು 23ಅತುಗೂ ನಲ್ದ್ರುಕಪೋತು (40) ವರ್ಷ ವಯಸ್ಸು ತುಮ್ರಪೋದು .ಇಸ್ರಾಯೇಲ್ ವಂಶಸ್ಥ ಅನ್ನಾ ಅತ್ರ ಅಣ್ಣ ತೇಮ್ಬಿಯರನು ಒಯಿ ಪಾಕುರುದು ಅಂಡು ಆಶೆ ಹೃದಯಕೋರು ಹುಟ್ಟುಸು 24.ಅಲ್ಲಿಕೋರು ಒಂಡುಕೂ ಅನ್ಯಾಯ ಅಗ್ರತ ಅದು ಪಾತು ಅತ್ಗು ಅಶ್ರೆಯ ಕುಡುತು ಕುಡುಕ್ರ ಐಗುಪ್ತನನ್ನು ಮತ್ತಿಯೋಟು ಮುಯ್ಯಿಗೆ ಮುಯ್ಯಿ ತಿರ್ಸುಸು 25.ದವ್ರು ಅತ್ರ ಕೈಯಿಂಡುಬಿಡುಗಡೆ ಸೈಯಾಕು ಅಗ್ರದು ಅತ್ರ್ಹ ಅನ ತೆಮ್ಬಿಮರ್ಕು ಗೊತಕ್ದು ಅನ್ದುಗೊಂಡ್ಸು ಅನೇಕೆ ಆಗ್ಯ ಆ ರೀತಿ ತಿಳುಜುಗ್ಲ ^{26 27 28} 26.ಮೂನು ನಲು ಆಗ್ಯ ಆಗೇ ಮತಿಗಡಿಕ್ರಪೋದು ಅದು ಅದ್ರುಕು ವದು ಮಂದಿಗೆ ,ನಿಗ್ಗ ಅನ್ನಾ ತೆಮ್ಬಿ ಅಲ್ಯ,ನಿಂಗು ಯತುಗೂ ಒಡಲ್ಕಿಒಂಡುಅನ್ಯಾಯ ಸೈಯರಂಗ ಅಂಡು ಸೋನ್ನಿ ಅಲ್ಯ ಸಮಾದಾನ ಸೈಯಿರ್ದು ಅಂಡುಗೊಂಡ. 27.ಅನ್ನೇಕೆ ಅತ್ರ ಅಲ್ತು ಕುಲ್ತಲ್ಕಿ ಅನ್ಯಾಯ ಸೈರದು ನಿನ್ನಾ ನಗ್ಲಮೆನಿ ಅದಿಕಾರಿ ಆಯಿ ನ್ಯಾಯದಿಪತಿ ಆಯಿ ಅಚ್ಚದು ಏದು. 28ನೇಸು ಅ ಐಗುಪ್ತ ನನ್ನು ಕೊಟ್ರಂತೆ ನನ್ನ ಕೊಂಡ್ರು ಡ್ರುದು ಅಂಡಿರ್ಯ ಅಂಡು ಅತ್ತ ನೋಕ್ಯ್ಯುಡಸ್. ^{29 30} 29 ಈ ಒಕ್ಕು ಕೋಟು ಮೋಶೇ ಓಡಿಹೋಯಿ ಮಿದ್ಯನ್ ದೇಶತ್ ಕೋರು ಪ್ರವಾಸಿ ಅಸು ಅಟೀ ರಂಡು ಅಮ್ಲು ಮಕಿಲ್ಯ ಪಡೆಚ್ಚು 30 ನಲ್ರು ಕಪೋತು ವರ್ಷ ಅನಾಪೋದು ದೇವದೊತು ಸಿನಾಯಿ ಬೆಟ್ಟದ ಅಡಿಕೊರು ಮುಲು ಪೋದೇಕೊರೋ ಅಂಟಿದ ನೆರಪಕೊರು ಅತ್ಗು ಕನಿಸಿಕೊಡ್ಸು. ^{31 32} 31 ಮೋಶೆ ಅತ ಪಾತು ಅ ನೋಟಕ್ಕೆ ಐಶ್ವರ್ಯ ಪಟ್ಟು ನಲ್ಗೂ ಪಕುರ ದ್ದು ಅಂಡು ಮುನ್ಕು ವರುಕು 32 ನಾನು ನಿಗ್ಲ ಅವ್ವಗಿನುಕ್ಕು ಅಬಹಾಮ ಇಸಾಕ ಮೋಶೆ ನಾಡ ಗುತ್ತಾ ಸ್ದಿರವಯಿ ಪಕ್ರತಗು ದೈರ್ಯ ಇಲ್ಲದ್ದು ಅಸು ^{33 34} 33 ತಿರುಗಿ ಕರ್ತನು ಅತುಗು ನಿಟ್ಟ ಸೇರುಪು ವಾಗ ನೀನು ನಿವ್ರಕ್ರ ಸ್ತಳ ಪರಿಶುದ್ದ ಅನಾದು. 34 ಐ ಗುಪ್ತ ದೇಶತ್ಕೊರು ಇಕ್ರಾ ನಾನ್ನ ಮಂದಿಯ ದುರಸ್ತೆ ಪಾತೆ ಪಾತ್ತಿರೆ ಅಲ್ತ ಮೊರೆಕೊಟ್ಟು ಅಲ್ಯ ಊದಿಪಿಕ್ರತಗು ಇಗಿಜ್ಜು ವಂದ್ದಿರೆ ಇಪೊಂದು ನಿನ್ನಾ ಐಗುಪ್ತ ನಲ್ತಗು ಹಂಪರೆ ವಾ ಅಂಡು ಸೋನ್ಸು. ^{35 36 37} 35 ಆಗ್ಯ ಯಾವ ಮೊಷೆಯನ್ನು ನಿರಾಕರಿಸಿ ಮಾನ ಅಂಡುಸ್ನು'ನಿನಾದಿಕಾರಿ ನಿನ್ನಾ ಆದಿಕರಿ ಆಯಿ ನ್ಯಯಾದಿಪತಿ ಆಯಿ ಇ ಬ್ಬಾಗ್ಯ ಎದು ?ಅಂಡು ಸೊಸ್ನು ಅತುಗ ದೋವ್ರು ಪೋದೆಕೊರು ಕಾಣಿಸಿಕೊಂಡ ದುತನ ಕೈಯಿಂಡು ಅದಿಕಾರಿ ಆಯಿ ಬಿಡುಗಡೆ ಸೈರತ ಆಗಿಯೂ ನೆಮ್ಸೋಸು 36 ಅದೇ ಐಗುಪ್ತ ದೇಶತ್ಕೊರು ಕೆಂಪು ಸಮುದ್ರಕೊರು ನಲ್ದ್ರಕ ಪೊತ್ತು 40ವರ್ಷ ಅಡವಿಕೋರು ಅದ್ಬುತ ಕಾರ್ಯತ ಸೂಚಕ ಕಾರ್ಯತ ಸೈಯುತಾ ಅಲ್ಯ ನಡೆಪುಚುಕೊಂಡು ವಂದದ್ದು 37 ಅಮೊಶಯ -ದೌವ್ರು ನನ್ನ ಅದಿಪೆಚಿಸು ನಿಂಗ್ಲ ಅನ ತೆಮ್ಬಿಕಕೊರು ಇನೊಂದು ಪ್ರವಾದಿಯನ್ನ ನಿಂಗ್ಗುಲ್ಲಿ ಅಡಿಪ್ಕ್ಯರೆ ಅಂಡು ಇಸ್ರಯೇಲ ಜನ್ದ್ರಕ್ಕು ಸೋನ್ನದು ^{38 39 40} 38 ಅದೆ ಸಿನಾಯಿ ಬೆಟದಕೋರು ಅತ್ತೊಡನೆ ವಸ್ಕಾಂತ್ ದೊತನಿಕೋ ನಂಗ್ಲ ಅವಗಿಂತ್ ಅದವಿಕೊರಿಂದ ಸಬ್ಬೆಕೊರು ಮದ್ಯಸ್ತಾಅಯಿಂದ ಜಿವಕರವಾದ ದೈವಕ್ತಿ ಬಾದಿ ನಂಗ್ಗಕ್ ತಂದಾದ 39 ಅನೇಕೆ ನಂಗ್ಗ ಪಿತೃಗಳು ಅವಗಿಂದ್ಲು ಅತ್ರ ಒಕೊತ್ತಾ ಕೊಕ್ರತ್ತು ಮನಸಿಲ್ಲದೇ ಅತ್ತ ದೊಕೆಟು ತಿರುಗಿ ಐ ಗುಪ್ತದೇಶದ ಕಡೆ ಮನಸೀಟ್ಟ 40 ಆಗ್ಯ ಅರೆನಕ ಐಗುಪ್ತದೇಶದಿಂಡ ನಂಗ್ಲ ಅಗಸಕೊಂಡ ಒಂದು ಅ ಮೋಶೆ ಎ೦ದಾಸು ಗೊತ್ತಲ್ಲ ನಂಗ್ಲ ಮುನಂಚೆ ಒಗ್ರತ್ತ ದೊವ್ವ್ರು ನಂಗ್ಲಕ ಸಂದುತಾ ಅಂದು ಕೊಟ್ಟನು. ^{41 42} 41 ಅ ನಾಲ್ತಗುರು ಅಗ್ಯೊಂಡು ಬಸವನನ್ನು ಸೆಂದು ಆ ವಿಗ್ರಹಕ್ಕೆ ಬಲಿ ಅರ್ಪಸಿಸ್ಕು ಅಲ್ಯ ಕೈಯಿಂದ ಸೇಂದ ವಸ್ತುಕೊರು ಊಲ್ಲಾಸ ಪಟ್ಟನೋ 42 ಅನೇಕ ದೌವ್ರು ಅಲ್ಕಿ ವಿಮುಖಆಯಿ ಆಕಶದನಕ್ಷತ್ರವನ್ನು ಪುಜಿಸ್ಕತ್ಕ ಅಲ್ಯ ಒಪಿಸಿ ವುತ್ತ್ಶ್ ಪ್ರವಾಧಿಗಳು ಗ್ರಂಥತ್ಕೊರು ವೆರೆಜಿಕ್ರದು ಎಂದು ಎಂಡಕೆ ಎಸ್ರಯೇಲ ವಂಶ ತಂಗ ನಿಂಗ ಅರಣ್ಯ ತ್ಕೊರಿಂದ ನಲ್ರಕಪತ್ತು ವರ್ಷ ನನಕು ಯಜ್ಞಗಳನ್ನು ಬಲಿಗಳನ್ನು ಅರ್ಪಿಸನಂಗ್ ?ಎಲ್ಲಯೇ. ⁴³ 43 ಅತ್ಗು ಬದಲಾಯಿ ನಿಂಗ ಪೂಜಿಸಿರುದು ಅಂಡು ಸೇದ್ಗೊಂಡ ಮೂರ್ತಿಗಳನ್ನು ಅಂಡೆಕೆ ಮೊಲೋಕನ ಉಡು ,ರೂಪ ದೇವತೆಯ ನಕ್ಷತ್ರರುಪ ,ಪೆಚುಕ್ಕೊಂಡು ಹೊನ್ನಂಗ .ಅತ್ರಂಡ ನಾನು ನಿಂಗ್ಲನ ಬಾಬೇಲಿನ ಮುನ್ಕು ಗಡಿಪಾರು ಶೆಯಾರೆ ಅಂಗ್ರದ. ^{44 45 46} 44 ದೇವದರ್ಶನ ಗುಡಾರ ಅದವಿಕೊರು ನಂಗ್ಲ ಆವಂದಿರ ಬಳಿ ಇಂಚು ಮೋಶೆ ಸಂಗಡ ವಾಸ್ನಾದು -ನಿಂಗ ಪಾತ ಮಾದರಿಯ ಪ್ರಕಾರವೆ ಅತ್ತ ಸೇಯಿರ್ದ ಅಂಡ ನೆಮಸಿಸ್ಸು 45 ನಂಗ್ಲ ಬೆರಾಗ್ಯ ಅತ್ತ ಅಲ್ಲ್ಯ ತಂದೆಯಿಂದ ವಂದುಸ್ನು ಆಗ್ಯ ಯಹೊಶವನ ಪರ್ಗಿ ವಂದು ದೌವ್ರು ನಂಬ್ರ ಮುನ್ನು ಅಂಪ್ನ ಅನ್ಯಜನಾಂಗಗಳ ದೇಶವನ್ನುಸ್ವಾದಿನ ಸೆಂದುಗೊಂಡ ಅಪ್ರೋದು ಆ ಗುಡಾರವನ್ನು ಅತ್ತರಜೊತೆ ಅತ್ತೆಂಚ್ನು ಆದು ದಾವಿದನ ಕಾಲವರೆಗೂ ಇಟ್ಟೆ ಇಂಚು 46 ದಾವಿದ ದೌವ್ರು ಸನ್ನಿದಾನಥ್ಕೊರು ಕೃಪೆ ಒಂದಿ ಯಾಕೊಬನ ವoಶಆಯಿದ್ಕ ದೌವ್ರು ಆಲಯ ಕತ್ತಿಕಿರ್ಕ ಅಪ್ಪನೆಆಗುರ್ದ ಅಂಡು ಕೊಟಕೊಂಡ್ಸು. ^{47 48 49 50} 47 ಆನೇಕೆ ದೌವ್ರು ಕೊಸ್ಕರ ಉಟು ಕತ್ತಟ್ಟಿಸ್ನಾದ ಸೋಲೋಮನನು 48 ಪರಾತ್ಪರನು ಮನುಷ್ರು ಕೈಯಿಂದ ಕಟ್ನಾ ಉಟಗೊರು ವಸಸೆಯಿರವನಲ್ಲಾ . 49 ಆಕಾಶವು ನಾನ್ಕ ಸಿಂಹಾಸನ .ಭೂಮಿಯೂ ನಾನ್ಕ ಪಾದಪಿಟ ನಿಂಗ ನಾನ್ಕ ಎಂಥ ಉಟ ಕಟ್ಟಿರಂಗ ?ನಾನ್ಕ ವಿಶ್ರಾಂತಿಕ ತಕ್ಕ ಜಾಗ ಎದ 50 ಇತ್ತದಿ ನನ್ನ ಕೈಯೇ ನಿರ್ಮಿಸ್ನೆ ಅಲ್ಯ ಇಂಗ್ರಥ್ಗಾಯಿ ಕರ್ತನು ಸೋನ್ನಾಕು ಅಂಡು ಪ್ರವಾದಿ ಸೋನ್ನದು. ^{51 52 53} 51 ಹಠಮಾರಿಗಳೇ ಮನಶುದ್ದಿ ಕರ್ನಶುದ್ದಿ ಇಲ್ಲರಗೆ ನಿಂಗ್ಲ ಪಿತೃಗ ಎನ್ಗೋ ಅನ್ಗೆ ನಿಂಗ ಯಪ್ಪೋದು ಪವಿತ್ರಾತ್ಹ್ಮನನ್ನ ಬಿಥಕಟ್ಟಿಕರಂಗ ಆಯಿರಂಗ 52 ಪ್ರವಾಕೊರು ನಿಂಗ್ಲ ಪಿತೃಗಳು ಹಿಂಶೆಪಡಿಸನಾಗ್ಯ ಎದಿದು ? ಆಗ್ಯ ಆ ನಿತಿಸ್ವರೂಪನ ಆಗಮನತ್ತ ವಿಷಯತ್ಕೊರು ಮೂನ್ನಿ ಸೋನ್ನಾಲ್ನಾ ಕೊಂಡ್ರುಸು ನಿಂಗ ಇಪೋದು ಅತ್ತ ಪುದ್ಸಕೂಡ್ತ್ತ ಕೊಂಡ್ರಗ್ಯ ಆನಂಗ 53 ದೇವದೂತ್ರ ಮೂಲ್ಕ ನೆಮಕವಾನ ದರ್ಮಶಾಸ್ತ್ರವನ್ನ ನಿಂಗ ಹೊಂದಿದವರಾಣಿಕು ಅತ್ತ ಅನುಸರ್ಸಮಾಟoಗ ಅಂಡು ಸೋನ್ಸ .ಸ್ತ್ಹೆಪನನ ಮೆನಿ ಕೆಲ್ಲುಪೆಟ್ನಾಂಗ. ^{54 55 56} 54 ಈ ಒಕು ಕೊಟ್ಟು ಆಗ್ಯ ರೌದ್ರ ಮನಸ್ಸುಳ್ಳವ ಆಯಿ ಅತ್ತರ ಮೇಲೆ ಪೆಲ್ಲು ಕೆಡೆಸುಸ್ನು 55 ಆನೇಕೆ ಆಗ್ಯ ಪವಿತ್ರಾತ್ಮ ಬರಿತರಾಯಿ ಆಕಾಶ ಜಯಕಿದ್ರುಸ್ಟಿಸಿ ಪಾಕ್ತ ದೌವ್ರು ಪ್ರಭಾವುತ ದೌವ್ರು ವುನಗೈ ಜಯಕಿ ನಿಂಡ್ರಿಂದ ಯೇಸುವನ್ನು ಪಾತು 56 ಅದೋ ಆಕಾಶ ವಂಗಿಕ್ರತ್ತ ಮನುಷಕುಮಾರನ ದೌವ್ರು ಉನಗೈಕೊರು ನಿಂಡ್ರಿಕ್ರತ್ತ ಪಕಾರೇ ಅಂಡು ಸೋನ್ಸ. ^{57 58} 57 ಆನೇಕೆ ಆಗ್ಯ ಮಹಾದ್ವನಿಇಂಡ ಕೂಗಿ ಸೌವಿ ಮುಚಿಕೊಂಡು ವಂಡಾಯಿ ಅತ್ರಮೇಲೆ ಬೂದು 58 ಅತ್ತ ಉರಪರ್ಕ ನೊಕೊಂಡು ವಯಿ ಕೊಲ್ರುಕ್ಕು ಕೆಲ್ಲುಪೆಟ್ಟುಸ್ನು ಸಾಕ್ಷಿಗ್ಯ ತೆಂಗ್ಲ ಪಟ್ಲ ವನ್ಗಿಸೌಲಎಂಬ ವಂಡು ಯೌವನಸ್ತನ ಕಾಲಂಚ್ಕು ಇಟ್ಸನು . ^{59 60} 59 ಆಗ್ಯ ಸ್ತೆಪಾನನ ಮೆನಿ ಕಲ್ಲು ಪೆಟ್ತಾ ಇಂದಪೋದು 60 ಅದು ಕರ್ತನ ಪೇರು ಸೊನ್ನಿ -ಯೇಸುಸ್ವಾಮಿಯೇ ನಟುಆತ್ಮತ ಸೆರಿಸ್ಕೋ ಅಂಡು ಪ್ರಾರ್ಥಿಸಿ ಮೊನಕಾಲುರಿ -ಕರ್ತನೆ ಈ ಪಾಪತ್ತ ಆಗ್ಯ ಮೆನ್ಕ್ ಒರ್ಸಿಮನ ಅಂಡು ಮಹಾಧನಿ ಇಂಡ ಕೂಗ್ಸು ಇತ್ತ ಸೊನ್ನಿ ದೌವ್ರುಕೊರು ವರ್ಕತ್ಗು ಓಸ್ನು.