^{1 2 3 4} 1.ಅಪೋಸ್ತಲರ್ಗ್ಯ ವರೆಲ್ಕಿ ಉಪದೇಶ ಸೈತ ಸೇತ್ನಗ್ಯ ಪ್ಗಸಿಸಿರಯಿ ಅದಿಕ್ರಗ್ಯ 2 ಇಗ್ರತ ಯೇಸುವಿನ ದೃಷ್ಟಂತದಿಂದ ಸಾರ್ತ ಇದ್ದಕನೆ ಯಾಜಕರು ದೊವ್ರುಗುಡಿಯಾ ಅದಿಪತಿ ಸದ್ದುಕಾಯರುಗ್ಯ ಅಸಮಾದನ ಪಟ್ಟುಸ್ನು 3 ಅಪೋಸ್ತಲರು ವರೆಲೆನ್ಟಿ ವಸೆತ್ರಪೋದು ವಂದು ಆಲ್ಯ ಪುಡ್ಸು ಆಪೋದೆ ಅನ್ಬೇರಿಯಯಿಗ್ರತ್ಕು ತಲ್ರವರೆಗೂ ಕಕ್ತಲಿಕ್ರ್ತನ್ಲಿ ಅಚುಸ್ನು 4 ಆನೆಕ್ಯ ವಾಕ್ಯತೆಯ ಕೊಕ್ರತ್ಕು ಶ್ಯನಲು ನಂಬಿನ್ಚುನು ಅಮ್ಲಲ್ ಸಂಖೆ ಶ್ಯನ ನಲಿಂಚು ^{5 6 7} 5 ತಾಲರಿ ದಿನ್ಕುರು ಯಹೊದ್ಯರ ಅದಿಕರುತ್ಕೊರು ಬೇರೆಗ್ಯ ಶಸ್ತ್ರಿಗ್ಯ ಯೆರೆಸಲೆಮಿಕಿ ಕೂಡಿವಂಚುನು ಆನನ್ಯಯಿಂಗ್ರ 6 ಮಹಯಾಜಕ ಕಯಾಫನ, ಯೋಹನ ,ಅಲೆಕ್ಸಂದ್ರನ್ ಮಾಹಯಾಜಕನ ಸಮದಿಕ್ರುಯಿಂಚುನು 7ಇಗ್ಯ ಪೇತ್ರ ಯೋಹನರನ ನಡುಕುನಿಪ್ಚು ನಿಂಗ ಎಂತ ಶಕ್ತಿಯಿಂಡು ಇಗ್ಯದಿ ಎಂತ ಪೆರುಂಡು ಇತತೆಯ ಸೇದಿಕ್ರದು ಇಂಡು . ^{8 9 10} 8 ಕೊಕ್ರತ್ಗು ಪೇತ್ರ ಪವಿತ್ರತ್ಮಭಾರಿತನಯಿ ಆಲ್ಕಿ ವರೆಲೆ ಅದಿಕಾರಿಲೆ ಬೇರೆಲೇ 9.ಒಂಡು ಅಂಗವಿಕಲನುಕು ಅತ್ಗು ಉಪಕಾರ ಸೇದ ವಷಯತ್ಕುರು ಆತ್ಗು ಎತಿಂಡು ಸರಿಯಾಸು ಇಗ್ರತ ನಗ್ಲಚ್ಲಿ ಇಮನು ವಿಚಾರಣೆ ಸೇಯಿರ್ ಕಂಡಿಕೆ 10ನಿಗುಲ್ಕು ಆಡೇಕೆ ಇಸ್ರೇಲ್ ವರೆಲ್ಕು ತಿಳ್ಸಲೆಬೇಕನೇಕೆ ನಿಗ ಶಿಲುಬೇಕೂ ಓಡಿಚ್ಕರತ ಅನ್ಬೇಸಲಿ ದೌರು ಸೇತ್ತು ಆದಿಂದಿಕ್ರ ನಜರೆತಿನ ಯೇಸುಕ್ರಿಸ್ತುವಿನ ಪೆರಿಂಡು ಈ ಮನುಷ್ಯ ನಿಗ್ಲ್ ಮುನ್ನಿ ವಾಸಿಯಾಯಿ. ^{11 12} 11 ನಿಂಡ್ರಿದು ಉಟ್ಕಟ್ಟರಪೋದು ಹೀನಯಿಸಿದ ಕೇಲ್ಲೂ ಆದೇ ಮುಖ್ಯವಾದ ಕೇಲ್ಲೂ ಆಸು. 12ವರ್ಬೇಕನ ರಕ್ಷಣೆಯ .ಏತನ್ಚಿಲಿ ಸಿಕ್ದಿಲ ಆ ಪೆರುಂಡೆ ಆಕಾಶ ತರ್ಗಿಲಿ ಮನುಷ್ಯರುಲ್ಲಿ ತಂತಿಕ್ರ ಬೇರೆ ಎದು ಪೆರಿಂಡು ನಗ್ಲುಕು ರಕ್ಷಣೆಯಾಗ್ದಿಲ ಎಂಡು ಸೊಂಸು ^{13 14} 13 ಪೇತ್ರ ಯೋಹನ ದೈರ್ಯದಿಂಡು ವಸೆತ್ರತ ಆ ಸಬೇತಗ್ಯ ಆಲ್ಯ ಶಾಸ್ತ್ರಅಬ್ಯಾಸ್ತಗ್ಯ ಸಾದಾರಣ ತಿಳ್ಜು ಆಶ್ಚರ್ಯ ಪಟ್ಟುಸ್ನು 14 ಈಗ್ಯ ಯೇಸು ಜೋತೆಕುರು ಇನ್ದಗ್ಯ್ ಇಂಡು ಗುರ್ತ್ ಪುಡ್ಚುಸ್ನು ಅನ್ಬೇಸಲಿ ನಲ್ಗಂದ ಅ ಮನುಷ್ಯನ ಆಲ್ ಮದ್ಯೇ ಅದು ನಿಂಡ್ರಿಚು ಅತ್ತ ಪಾತು ತಿರ್ಗಿಸಿ ಎಂತು ಸೈಯಿರ್ಕಗ್ದೆ ಇನ್ಚುನು. ^{15 16 17 18} 15.ಅನ್ಬೇಸಲಿ ಸಬೆ ಇಂಡು ಸ್ವಲ್ಪ ದುರತ್ಕುರು ಒಂಗೋ ಇಂಡು ಅಲ್ಕಿ ಅಪ್ಪಣೆಕುದ್ಚುಸ್ನು. 16.ಅ ಮಂದಿರ್ಕ್ಕಿ ನನ್ಗೆಂತು ಸಯ್ಯಮು ಪ್ರಸಿದ್ದವಾನ ಹೊಂಡು ಅದ್ಬುತ ಕಾರ್ಯಾಂಗ ಇಲ್ಲ್ಯಮುನ್ನಿಡು ನಡತಇಂಚು ಇಂಗ್ರಥ ಯರುಸಲೆಮ್ಕುರು ಇಕ್ರಲದರ್ಕು ಗೊತಾಇನ್ಚುಸ್ಸು ಅಸ್ಟೇ. 17ಅದು ಅಗ್ದುಲಇಂಗ್ರದು ಅನೇಕ ವರೆಳ್ಕೊರು ಪಂಡುಗು ಮುನ್ನೆ ಅ ಪೆರ್ನ ಪೆಚ್ಚಿ ಎತರ್ ಜೊತೆ ವಸೇತ್ಬರ್ದು ಇಂಡು ಅಲ್ಯ ಬೇದ್ರ್ಸುಸ್ನು ಒಂಡಲೊಂಡಲ್ ಸೇರ್ಬರ್ದು ಇಂಡು ಆಲೋಚನೆ ಸೇನ್ದ್ಗೊಂದು ಅಲ್ನ್ಯ ಅಗ್ಸುಸ್ನು 18 ಯೇಸು ಪೆರ್ ತೆಚ್ಚಿ ಏನ್ಗು ವಸ್ತ್ಬರ್ದು ಉಪದೇಶ ಸೈಲುಬರ್ದು ಇಂಡು ಅಲ್ಕಿ ಖಂಡಿತವಾಹಿ ಅಪ್ಪನೆಕುದುಚು. ^{19 20} 19 ಅತ್ಗು ಪೇತ್ರ, ಯೋಹನಗ್ಯ ದೌರು ಒಕ್ಕನ ಕೊಕ್ರ್ತಗಿಂತ ನಿಂಟ್ ಓಕು ಕೊಕ್ರದು ದೌರು ಮುನ್ನಿ ನ್ಯಾಯಾನ ಎಂದೋ ನಿಂಗೆ ತಿರ್ಮಾನದ್ ಗೊಂಗೋ 20 ನನತ್ತು ಪಾತು ಕೋಟತ ಸೋನರದೆ ಇಕ್ಮಾಟೀ. ^{21 22} 21ಉತ್ತರ ಕುಡ್ಚುಸ್ನು ನಾಡ್ದಕಾರ್ಯತಕು ವರೆಗ್ಯದೆರು ಆಲ್ಯನ್ ದೌರು ಕೊಂಡಡುಸ್ನು ಈ ಕಾರಣಕು ಆಲಿಂಡು ಸಬೇತಗ್ಯ ಅಪೊಸ್ತಲರಗ್ಯ ಖಂಡಿಸ್ತಕ ಉಪಯ ಕಂದೇ ಆಲ್ಯನ್ ಬೆದರಿಸಿ ಉಟ್ಟುಸ್ನು 22 ಈ ಅದ್ಬುತ ಕಾರ್ಯದಿಂಡು ಗುಣವಾದ ವ್ಯಕ್ತಿ ನಾಲ್ವತು ವರುಷಕಿಂನ ಶ್ಯನ ವಯಸ್ಸಯಿಂಚು. ^{23 24 25} 23 ಇಗ್ಯ ಬಿಡುಗಡೆ ಹೊಂದಿ ತಗ್ಲ ವರ್ಲ್ಲೆಟಿ ಹೋಯಿ ಮಾಹಯಜಕನು ಹಿರಿಯಗ್ಯ ನಗ್ಗುಲಕು 24 ಸೋನ ಒಕ್ರದಿ ತಿಲಿಪಡ್ಸುಸ್ನು ಆಗ್ಯ ಕೋಟು ಒಂದೇ ಮನಸಿಂಡು ದೌರಾನ ಗಟ್ಟಿ ದ್ವನಿಯಿಂಡು ಏನ್ಗು ಪ್ರಾರ್ಥನೆ ಸೇರ್ಚುನು ಒಡೆಯಾನೆ ಭೂಮ್ಯಾಕಾಶ ಸಮುದ್ರ ಆತ್ಕೊಲಿಕ್ರ ಸಮಸ್ತ ಅದಿನು ಸೃಷ್ಟಿಸೇದ 25 ನೀನು ಪವಿತ್ರತ್ಮ ಮುಲಕವಾಯಿ ನಿಟ್ಟು ಸೇವಕಯಾದ ನಗಲ್ ಪಿತೃಯಾದ ದಾವೀದ ವಯಿಂಡು ಆನ್ಯ ವರೆಗ್ಯ ಎಂತ್ಗು ರೆಗುಸ್ನು ಜನಾಂಗ ವ್ಯರ್ಥ ಕಾರ್ಯತ ಎನ್ತುಗು ಯೋಚಿಸಕ್ಕ್ನು. ²⁶ 26ಕರ್ತನಿಗು ಅದು ಆಬಿಷೆಕಿಸಿದವನಿಕು ವಿರುದ್ದ ವಾಯಿ ಬುಪತಿಗ್ಯ ಸಿದ್ದಯಯಿ ನಿಂಡ್ರುಸುನು ಆಡಿಕಾರಿಗ್ಯ ಒಂಡೇಮನಸಿಂಡು ಉಕೊನ್ದುಸ್ನು ಇಂಡೂ ಸೋನಿದ್ತಾನೆ. ^{27 28} 27 ಇ ಒಕುಕು ಅನುಸರವಯಿ ಈ ಪಟ್ಟಣದ ಹೇರೋದ ,ಪೊಂತ್ಯ .ಪಿಲಾತನ ನೀನು ಅಬಿಷೆಕಿಸಿಕ್ರ ನಿನ ಪವಿತ್ರ ಸೇವಕನಾನ ಯೇಸುಕು ವಿರೋದ್ದವಾಯಿ ಆನ್ಯ ವರೆಗ್ಯ ಅನ್ಬೇಸಲಿ ಇಸ್ರಯೇಲ್ ವರೆಗ್ಯ ಆಗ್ಯದಿ ಹೊಂಡಯಿ 28 ನಿಟ್ಟು ಕೈಯಿ ನಿಟ್ಟು ಸಂಕಲ್ಪ ಮುನ್ನಿ ನೆಮಿಸಿಕ್ರಕನೆ ನಡ್ಸಿನ್ ಇಂಚು. ^{29 30 31} 29 ಕರ್ತನು ಇಪೋದು ನೀನು ಆಲ್ಯತೆಯ ಬೆದರಿಕೆ ಪಾತು ನಿಟ್ಟ ಪವಿತ್ರ ಸೇವಕನಾದ ಯೇಸು ಪೆರುಂಡು ಮುಲಕವಾಯಿ ರೋಗು ಪರಿಹಾರ ಆಸು ಸೂಚಕ ಕಾರ್ಯಾಂಗ ಆದ್ಬುತ ಕಾರ್ಯಾಂಗ 30 ನಿಟ್ಟು ಕೈನಿಟ್ಟು ಸೇವಕರ ನಿಟ್ಟು ವಾಕ್ಯ ದೈರ್ಯದಿಂಡು ಸೊಂಡ್ರುಕನಿ ಸಹಾಯ ಸೈಯಿ ಇನ್ಗು ಪ್ರಾರ್ಥನೆ ಸೇದಪೋದು ಆಗ್ಯ ಕೊಡಿಕ್ರ ಜಾಗ ನಡುಗುಸು 31ಆಗ್ಯದೇರು ಪವಿತ್ರತ್ಮಭಾರಿತವಾಯಿ ದೌರ ವಾಕ್ಯತೆಯ ದೈರ್ಯತಿಂಡು ಸೊಂಡ್ರುಕನಿ ಆಸ್ನು ^{32 33} 32 ನಂಬುನ ಮಂಡಳಿತಗ್ಯ ಹೃದಯ ಪ್ರಾಣ ಹೊಂಡಯಿಂಚು ಇದಲದೆ ತಂಕಿಕ್ರ ಆಸ್ತಿಕುರು ಯೇದುಸ್ವನ್ತದಲ್ಲಯಿಂಡು ಸೋನುಲ್ಲ ಆದಿ ಆಲ್ಯಕಿ ಹುದುವಾಯಿಂಚುನು 33 ಆನ್ಬೇಸಲಿ ಕರ್ತನಾದ ದೌರು ಪಗ್ಸು ಹಾದಿಂದು ಇಕ್ರತ್ಗು ಆಪೋಸ್ತಲರು ಬಲವಾಯಿ ಸಕ್ಷಿತ ಸೋನುತಯಿಂಚು ಶ್ಯನ ದಯೇ ಆಲ್ಯದಿ ಮೆನಿಯಿಂಚು. ^{34 35} 34 ಆಲ್ಕುರು ಕೊರತೆ ಪಟಗ್ಯ ಒಂಡೋಯಿಕಿಲ್ಲ ಏನ್ ಗಿನ್ಡಿಕೆ ಕೊಲ್ಲ ಉಡುಯಿಕ್ರಗ್ಯ ಆಥತೆಯ ಹೀಚು 35 ವಂದ ದುಡ್ಲ ಅತ್ಕೊಡುವದು ಅಪೊಸ್ತಲರ ಪಾದುತಂಚಿಲಿ ಆತತೆಯ ಪ್ರತಿಯೊಂಡುಕು ಅಲ್ಯಲ್ ಅವಶ್ಯಕತೆ ಇಕಿರ್ಕನಿ ಪಂಚಿಕುಡ್ತಾಯಿಂಚು. ^{36 37} 36 ಈ ಪ್ರಕಾರ ಸೇರಲಂಚಿ ಕುಪ್ರದ್ವಿಪತ್ಕುರು ಪರ್ದ ಲೆವಿಯನ ಯೋಸೆಫ್ ಇಂಡಿಕ್ರದು ಒಂಡು ಆತ್ಗು ಅಪೋಸ್ತಲನಾದ ಬಾರ್ನಬ ಇಡೆಕೆ ದೈರ್ಯವಾತ ಇಂದು ಪೆರ್ಯಿತಿಂಚುನು 37 ಆದು ತಂಕಿಕ್ರ ಭುಮಿಯತೆಯ ಇಚೋಟ್ಟುವಂದ ದುಡ್ಲತೆ ಅತೆಂದು ಅಪೊಸ್ತಲರ ಕಾಲಂಚಿಲಿ ಇಟ್ಟುಸ್ನು.