^{1 2 3} 1 ಪೆಸ್ತ ಸೀಮೆಯ ಕಾರ್ಯಭಾಗನ ಮುಗಿಸಿಕೊಂಡು ಮೂಡು ನಾಲು ಅನ್ಬೇಸಲಿ ತರುವಾಯ ಕೈಸರೈಯಡಿಂಡು ಯೆರೆಸಲೇಮಿಕಿ ಹೋಸು 2 ಅಟ್ಟಿ ಮಹಾಯಾಜಕ ಯಹೂದ್ಯರತ್ಕೊರು ಪ್ರಮುಕರು ಪೌಲನ ಮೇನಿ ದೂರು ಸೋನಿ 3 ನೀನು ದಯಸೇದು ಆತ ಯೆರುಸಲೇಮಿಕು ಹಾಕಿ ಉದಿಕಿರುದುಯಿಂಡು ಪೌಲನ ಕೇಡಿಕು ಬಲವನ ಬಿನ್ನಹ ಸೇಂಚುನು ಮಾರ್ಗತ್ಕೋರು ಆತಾ ಕೊಲ್ಲುನ್ದ್ರುಕು ಹೊಂಚುಸೇದುಕೊಂಡಿರಿಕಿನು. ^{4 5} 4 ಫೆಸ ಅಲ್ಯ – ಪೌಲ ಕೈಸೆರೆಕೂರು ಸೆರೆ ಉಟ್ಟುಕುರುಯಿಂಡು ನಾನೇ ಅಟ್ಟುಗು ದೂಡು ಹೊಂಗುರ್ದುಯಿಂಡು ಯಿರೇ 5 ಅತ್ಯೆಯೇ ನಿಗುಲ್ಕೋರು ಪ್ರಮೂಖರು ನಾಗ್ಲೋಟಿ ವಂದು ಆ ಮನುಷ್ಯನ ಅಪವಾದ ಎದನಯಿದೆಕ್ಯೇ ಅತ್ರು ಮೇನಿ ತಪ್ಪು ಹೋರಿಸೋಟ್ನು ಇಂಡು ಸೋನುಸು. ^{6 7 8} 6 ಅದು ಯೆರುಸಲೇಮಿಕುರು ಹಂಟು ಪತ್ರುಕ್ಕಿOತ ಶ್ಯಾನ ನಾಲು ನಿಕೀದಿ ಕೈಸರೈಕಿ ಹೋಯಿ ಮರ್ನಾಡೆ ನ್ಯಾಸ್ತಾನತ್ಕೋರು ಉಕೊಂಡು ಪೌಲನ ಹಗೂಸ್ಗೊಂದವರುದು ಯಿಂಡು ಅಪ್ಪಣೆ ಸೇಂಚು 7 ಅದು ವಂದಬೇಸಲಿ ಯೆರುಸಲೇಮಿಯಿಂಡು ವಂದಿಕ್ರ ಯೆಹೂದ್ಯರ ಅತ್ರು ಸುತ್ತಾಲು ನಿಂಡ್ರುಕೊಂಡು ತಾಂಗ ಸ್ಥಾಪಿಸಲಾರನಾದ ಬೇರು ಬೇರೂ ತಪ್ಪುನ ಹೋರಿಸ್ ತಯಿತ್ರಪೋದು 8 ಅಪೋದು ಪೌಲ ಯೆಹೂದ್ಯರ ಧರ್ಮಶಾಸ್ತ್ರದ ವಿಷಯತ್ ಕೋರುಗೊಟ್ಟು ಚಕ್ರವರ್ತಿಯ ವಿಷಯತ್ ಕೂರಗೋಟು ನಾನು ಎತು ತಪ್ಪು ಸೈಯಿಲ್ಲ ಯಿಂಡು ಪ್ರತ್ಯುತ್ತರ ಸೊನ್ಸು . ^{9 10} 9 ಅನೇಕೆ ಪ್ಹೇಸ್ತ ಯೆಹೂದ್ಯರ ಪ್ರೀತಿನ ಸಂಪಾದಿಸಿಕೊಳ್ಳದ್ರುOದುಯಿಂಡು ಪೌಲ ಈ ಕಾರ್ಯಯತ ವಿಷಯವಾಯಿ ನಾಟು ಮುನ್ನಿ ವಿಚಾರಿಸಲ್ಪಡುರುದುಕು ನಿಂಕು ಇಷ್ಟಾ ಯಿಂದೋ ಇಂಡು ಕೋಟು ಪೌಲನ 10 ನಾನು ಕ್ರೈಸ್ತರ ಚಕ್ರವರ್ತಿಯಾ ನ್ಯಾಯಸ್ಥಾನ ಮುನ್ನಿ ನಿಂಡ್ರೀಕಿ ಇಟ್ಟಿ ನಾಟ್ಟು ವಿಚಾರಣೆಯಾಕುದು ಯೆದ್ರೂರಿಕು ನಾನು ಅನ್ಯಾಯ ಎಂತೂ ಸೈಯಿಲ್ಲ ಅದು ನಿಂಕು ಚೆನ್ನಾಯಿ ತಿಲಿಚೆ ಇದು. ^{11 12} 11 ನಾನು ಅನ್ಯಾಯ ಸೇದವನಾಯಿ ಮರಣದಂಡನೆಕು ಕಾರಣವಾನ ಎಂತನ ಸೇನ್ದಿದೇಕೆ ಮರಣದಂಡನೆಯನ್ನಾಬೆದಯಿಕ್ಮಾಟ ಅನೇಕೆ ಇಗ್ರ ನನ್ನ ಓಪ್ಪಿಸಿಕೊಂಡುರ್ಕು ಒಂಡಲ್ಕು ಅಧಿಕಾರಯಿಲ್ಲ ನಾನು ಚಕ್ರವರ್ತಿಯ ಮುನ್ನಿ ಕೊಟ್ಟಗರೇ ಸೇನತ್ಗು 12 ಫೇಸ್ತ ತನ್ನ ಸಭೆಯ ಸಂಗಡ ಆಲೋಚನೆಸೇಂದು ಪೌಲನುಕು ಕ್ರೈಸ್ತರ ಚಕ್ರವರ್ತಿಯಾ ಮುನ್ನಿ ಕೊಟ್ಟಗರೇಯಿಂಡು ಸೋನೆಯಲ್ಲಾ ಚಕ್ರವರ್ತಿಯಾ ಮುನ್ನಿ ಕೊಟ್ಟುಗರೇಯಿಂಡು ಸೋನೆಯಿಲ್ಲ ಬಳಿಗೂ ಹೋಗುರ್ದುಯಿಂಡು ಸೋನುಸು. ^{13 14 15 16} 13 ಸ್ವಲ್ಪ ನಾಟ್ ಅನ್ಬೇಸಲಿ ಅಗ್ರಿಪ್ಪರಾಜ ಬೆರ್ನಿತೆ ರಾಣಿ ಫೆಸ್ತನ ಭೆತಿಯಾಗುರ್ಕು ಕೈಸರಯಕ್ಕೆ ವಂಚುನು 14 ಅಗ್ರ ಅನೇಕ ನಾಲು ಅವೆ ನಿಂತಿರಲಾಯಿ ಪೆಸ್ತ ಪೌಲನ ಸಂಗತಿಯನ ರಾಜನಿಕ್ಕೂ ತಿಳಿಸಿ ಸೋನದಿನ್ಡೆಕೆ ಪೇಲಿಕ್ ಹೊಟ್ಟೋ ಹೋನ ಒಂಡು ಸೇರೆಯಾದುಯಿದು 15 ನಾನು ಯೆರುಸಲೆಮಿಕೂರುಯಿಂದ ಪೋದು ಯೆಹುದ್ಯರ ಮಹಾಯಾಜಕರೂ ಸಭೇಹಿರಿಯಾರಗ್ಯಯ ಅತ್ರು ವಿಷಯವಾಯಿ ನನುಕು ದೂರಸೋನಿ ಅತುಗು ವಿರುದ್ಧವಾಯಿ ತೀರ್ಪು ಅಗುರ್ದಿಂಡು ಬೆಡಿಕೊಂಡಸುನು 16 ನಾನು ಅತುಗೂ ಪ್ರತಿವಾದಿ ವಾದಿಕು ಮುಖಾಮುಖಿಯಾಯಿ ನಿಂಡ್ರು ನಾಟು ಮೇನಿ ಅರೋಪಿಸಿಗ್ರ ದೋಷತ ವಿಷಯತ್ ಕೂರು ಪ್ರತಿವಾದ ಸೈಯಿರ್ಕು ಆಸ್ಪದಕೊಂದುಕ್ದೆ ಆತ ಒಪ್ಪಿಸಿ ಹೊಟ್ಟುರದು ರೋಮತಲ್ಯ ಪದ್ಧತಿಯಲ್ಲಿಂಡು ಸೋನೆ. ^{17 18 19 20} 17 ಅಗ್ರ ಅಟ್ಟುಗು ಕೂಡಿವಂತಪೋದು ನಾನು ಸ್ವಲ್ಪವಾನೆಕು ತಡಸೈಯದೆ ಮರ್ನಾಡೆ ನ್ಯಾಯಾಸ್ಥಾನದ ಮೇನಿ ಹುಕೊಂಡು ಆ ಮನುಷ್ಯನ ಹಗುಸ್ಕೊಂಡು ವರ್ದುಯಿಂಡು ಅಪ್ಪಣೆ ಕೂಟುಂಚು 18 ತಪ್ಪು ಹೊರಿಸರಗ್ಯಾ ನಿಂಡ್ರುಕೊಂಡು ನಾನು ಭಾವಿಸಿದ್ದ ಅಪರಾಧತ್ಕೋರು ಒಂಡನೇಕು ಅತ್ರು ಮೇನಿ ಹೊರಿಸದೆ 19 ಅಲ್ಯ ಮತದ ವಿಷಯನೇಕು ಸೇತುಹೋನ ಯೇಸಯಿಂಗಿರ ವಿಷಯತ್ಕೋರು ಯಿಂಡು ಅತ್ರುಮೇನಿ ವಿವಾದದ ಒಕುನತೆಂಚುನು ಆ ಯೇಸು ಪಗ್ಸಿದುಯಿಂಡು ಪೌಲ ಸೋನಿದು 20 ಇಂದ ಕಾರ್ಯನಾದಿನು ಎನುಗೂ ವಿಚಾರಣೆ ಸೈಯಿರುರುಂದು ನಾಂಕು ಗೊತ್ತಾಗ್ದೆ ನೀನು ಯೆರುಸಲೇಮಿಕು ಹೋಯಿ ಅಟ್ಟಿ ಅತ್ರು ವಿಷಯವಾಯಿ ವಿಚಾರಣೆಹೊಂದುರುಕು ನಿಂಕು ಮನಸ್ಸಿದೋ ? ^{21 22} 21 ಇಂಡು ನಾನು ಕೊಟ್ಟಿತ್ಯು ಪೌಲ ಚಕ್ರವರ್ತಿಯ ಮುನ್ನಿ ಕೊಟ್ಟುಗ್ರತನಕ ತನ ಕಾಯಿರ್ದಿಂಡು ಕೊಟ್ಗೊಂದಪೋದು ನಾನು ಚಕ್ರವರ್ತಿಯ ಅಂಚುಗು ಹಂಪುರ್ತತ ಆತ ಕಾಯುರುಕು ಅಪ್ಪಣೆಕೊಟ್ಟಚಯಿಂಡು ಸೊನುಸು 22 ಅತುಗು ಅಗ್ರಿಪ್ಪ – ಆ ಮನುಷ್ಯ ಕೊಟ್ಟುಗ್ರುತ ಕೊರ್ಕುಕು ನಾನುಕು ಮನಸ್ಸಿದು ಯಿಂಡು ಸೋನತ್ಕು ಫೇಸ – ತಾಜಲಿ ಕೊಕ್ ಬಹುದು ಇಂಡುಸು ಅಗ್ರಿಪ್ಪನ ಮುನ್ನಿ ಪೌಲ. ^{23 24} 23 ತಾಜಲೆ ಅಗ್ರಿಪ್ಪ ರಾಜ ಬೆರ್ನಿರಾಣಿ ಬಹು ಆಡಂಬರದಿಂಡು ವಂದು ಸಹಸ್ರಾಪತಿಗ್ರೆ ಪಟ್ಟಣದ ಮುಖಂಡರ ಸಂಗಡ ಸಭಾಸ್ಥಾನತ್ಕೋರು ಸೇರ್ನ ಪೋದು ಪೆಸ್ತೆ ಅಪ್ಪಣೆ ಕೊಟ್ತ್ರಗು ಪೌಲನ ಅಗುಸ್ನು 24 ಅಪೋದು ಪೇಸ್ತ ಅಗ್ರಿಪ್ಪ ರಾಜನೇ ನಾಂಟು ಮುನ್ನಿವಂದಿಕ್ರ ಪೋದು ಆದಿ ಜನರೇ ಈ ಮನುಷ್ಯನ ಪಾಕರಂಗಯೇ ಇತ್ರು ವಿಷಯತ್ಕೋರು ಯೆಹೂದ್ಯರದೆ ಇದು ಇನೂ ಮುನ್ನಿ ಪಕಿಬಾರದುಯಿಂಡು ವದ್ರುತ ಯೆರುಸಲೇಮಿಕುರು ಇಟ್ಟಿಗೂ ನನ್ನ ಭೇಡಿ ಕೊಂಡುಸ್ನು ^{25 26 27} 25 ಇದು ಮರನದOಡನೆಕೂ ಕಾರಣಾವದೆತೇನು ಸೈಯಿಲ್ಲ ಯಿಂಡು ನನಕು ಗೊತ್ತಾಸು ನಾನೇ ಚಕ್ರವರ್ತಿಕು ವಿಜ್ಞಾಪಿಸಿಕೊಂಡಿಯಿಂಡು ಇತ ಕಳೆಯಿಸ್ಸುರುಕು ತೀರ್ಮಾನ ಸೇOದಿರೋ 26ಅನೇಕೆ ಇತ್ರು ವಿಶಯತ್ಕೋರು ಚಕರವರ್ತಿಕು ಆರೋಪಿಸಿಕ್ರ ದೋಷನ ಸೂಚಿಸ್ದೇ ಆತನು ಅಂಡ್ರುದು ನಾಲಾದಲ್ಲಯಿOಡು ನನಕು ಗೊತಾಕುದು 27 ವಿಚಾರಣೆಯಾನ ಬೇಸಲಿ ವರಿರ್ಕು ಎತ್ತಾನ ಸಿಕ್ಕಕೊಯಿಂಡು ಇತ ನಿಗ್ಲ ಮುನ್ನಿ ಮುಖ್ಯವಾಯಿ ಅಗ್ರಿಪ್ಪ ರಾಜನೇ ನಿಂಟು ಮುನ್ನಿ ಹಾಕಿ ವಿಡಿಚೆರೆಯಿಡುಸು.