^{1 2 3} 1 ಅಪೋದು ಪೌಲು ಹಿರಿಸಬೇನ ದೃಷ್ಟಿಸಿ ಪಾತು ಅನಾದೇಮಿಮಾರೆ ನಾನು ಈ ಮಾನ್ತನ್ಕ ನಲಮನು ಸಾಕ್ಷಿಯಿಂಡು ದೌರು ಮುನ್ನೇ ನವಕೊಂಡಿರೋ ಅಂಡಸು 2 ಮಹಾಯಾಜಕನ ಅನನನೀ ಅತ್ರು ವಾಯಿ ಮೇನಿ ಮಾತೊಗೋ ಇಂಡು ಪಕ್ಕತ್ಕೊರು ನಿಂಟ್ರಲ್ಕಿ ಅಪ್ಪ ಕುತ್ತಗೂ ಪಾಲು ಅತುಗೂ 3 ಎಲೈ ಸುಣ್ಣಾ ಅಟ್ಟಿಗೊಡಿರ್ರ ಗೋಡೆಯೇ ದೌರು ನೀನಾ ಮಾತಕೂ ನೀನು ಧರ್ಮಗಾಸ್ತನುಸಾರವಾಯಿ ನನ್ನ ವಿಚಾರಣೆ ಸೈಯಿರ್ಕು ಉಕೊಂಡು ಧರ್ಮಶಾಸ್ತ್ರವ ವಿರುದ್ಧವಾಯಿ ನನ್ನ ಮಾತುರ್ಕು ಅಪ್ಪಣೆ ಕೂಡಕರೆಯಾ? ^{4 5} 4 ಪಕ್ಯತ್ಕೋರು. ನಿಂತ್ಡ್ರಿರಾದು ದೌರು ನೇಮಿಸ್ಕರ ಮಹಾಯಾಜಕನ ನೀನೂ ಹೇಯಾಯಾಟ್ಯಾ? ಇಂಡ್ರತ್ಗೂ 5 ಪೌಲ ಅನದೆಮಿಮಾರೆ ಮಹಾಯಜಕಯಿಂಗಿರದು ನಂಕು ಗೊತ್ತಾಗ್ಲಿಲ್ಲಾ ನಿಂಚ್ ವರೆಲ್ಕೊರು ಅಧಿಪತಿಯಾಯಿಕ್ರ ವಿಷಯವಾಯಿ ಕೆಟ್ಟಿತ್ನ ವಸೆತ್ಬಾರದುಯಿನ್ದು ವರ್ಜಿದ್ದು ಅಸ್ಟೇ ಅಂದುಸು ^{6 7 8} 6 ಸಭೇಯಾ ಯಿಕ್ರತ್ಕೊರು ಒಂಡು ಪಾಲು ಸದ್ಭಕಾರ್ಯಕ್ಕೂ ಒಂಡು ಪಾಲು ಫನ್ಗರ್ಯಕ್ಕು ಇಕ್ರಾತ್ ತಿಳಿಸಿಸು ಅನದೆಮ್ಬಿಮಾರೆ ನಾನು ಪರಿಸಾಯತಗ್ಯ ಪರಿಸಾಯನ ವತಾವು ಸತಾಗ್ಯ ನ ನನ್ನ ವಿಚಾರಣೆ ಸೈಯಾರೋ ವಿಂಡು ಸೊನ್ಸು 7 ಇತ ಅದು ಕೋಟಾತ್ಗು ಫರಿಸಾಯರಲ್ಕು ಸದ್ಬುಕಾಯರಿಲ್ಕು ಲಡಾಯಿ ಉಟ್ಟುಸು ಸಭೆಕೋರು ಭೇಧವುನ್ಟಸು 8 ಎಕೊಗೊಯಿoಡೆಕೆ ಪುನರುತ್ತಾನವಾಗೊಟ್ಟು ದೇವಾಮಾತನಗೋಟು ಓಡುಮುಯಿಲ್ಲದೆ ಆತ್ಮಗೊಟ್ಟು ಇಲ್ಲವೆಂದು ಸದ್ಭುಕಾಯರಗಯ್ಯ ಸೋನಂಕ್ನು ಅನೇಕೆ ಈ ರಂದು ಇದುಯಿಂದು ಪರಿಸಾಯರು ಒಪ್ಪಿಗೃಕ್ನು ^{9 10} 9 ಅಪ್ಪೋದು ಕೂಗಾಟವಾಸು ಪರಿಸಾಯರ ಪಕ್ಷದವರಾನ ಶಾಸ್ತ್ರಿಗಳಲ್ಲಿಕುರು ಸ್ವಲ್ಪ ಮಂದಿ ಅದಿಂದ್ದು ಈ ಮನುಷ್ಯನ್ ಕೂರು ನಾಗಲ್ಕೂರು ಕೊಟ್ಟಿದ್ದೇನೆ ಕಾಂಗುದಿಲ್ಲ ಆತ್ಮವಾಗುಟ್ಟು ದೇವಾದುಟನಾಗೋಟ್ಟು ಆತ್ಮಾ ಸಂಗಟ ವಸೆತಕೂನು ಇoಡೆಕು ವಾಸೇತಕುನು ಇoಡು ವಾಗಾದ ಸೆಂಚುನು 10 ಲಾಡಯಿ ಸೈನ ಅನಪೋದು ಆಗ್ಯ ಪೌಲನ ಏಳದಾಡಿ ಚೂರು ಚೂರು ಸೈಯಕ್ನಂಡು ಸಹಗ್ರಾವಿಪತಿಯ ಭಯದಿಂಡು ಸಿಪಾಯಿಲಕುನೀಗ ಹೋಯಿ ಅಲ್ಯ ಮದ್ಯದಿಂಡು ಆತ ಬಲವಂತವಾಯಿ ವುಡುಸ್ಕೊಂಡು ಕೋಟೆವುಳುಗು ಅತ್ಕೊಂಡುವಾಗೋಯಿಂಡು ಆಜ್ಞೆ ಕೊಟ್ಟುಂಡು . ¹¹ 11 ಅಮನು ನಾಮರ್ಲಿ ಕರ್ತನು ಪೌಲನು ಬಿಳಿವಂದು ನಿನ್ದ್ರುಗೊಂಡು ಧೈರ್ಯದಿಂಡುಯಿರು ನೀನು ಯೆರುಗ ಲೇಮಿಕುರು ನಟು ವಿಷಯದಿನು ಸಾಕ್ಷಿ ಸೊಂಕನೆ ರೋಮಪುರತ್ಕೊರು ಸಾಕ್ಷಿ ಸೊಂಟ್ರು ಬೇಕಾಗುದು ಇoಡಸು. ^{12 13} 12 ನೋಸ್ಕೋಟಿಲಿ ಅನ್ಬೇಸಲಿ ಯಹೂದ್ಯ ಒಳಸಂಚು ಸೇದು ನಾಂಗ ಪೌಲನ ಕೊಲ್ಲುಕ್ ತನಕ ಅನ್ನಪಾನಯೆಂದು ಮಟ್ಟುಮಾಟುಯಿಂಡು ಶಪಥ ಸೈಯಿಂಚುನು 13 ಹೀರಿಗೂ ಸೈವಲ್ಕೊರು ನಾಲ್ವತ್ತು ಮಂದಿಗಿಂತ ಜಾಸ್ತಿಯಿಂಚುನು ^{14 15} 14 ಇಗ್ರ ಮಹಾಯಜಕ ಮತ್ತು ಸಭೇಹಿರಿಯರ ಬ್ರಕುಹೋಯಿ ನಾಂಗ ಪೌಲನ ಕೂಲ್ಲೂ ತನಕ ವಾಯಿಕೂರು ಎತೂ ಹೊಂಡುಮಾಟೊಯಿಂಡು ಕಟಿಣ ಗಪಢನ ಸೇಂಚುನು 15 ನೀಗ ಸಭೇಯ ಸಹಿತ ಸಹಸ್ರಾದಿಪತಿಯ ಬಳಿಕೂ ಹೋಯಿ ಪೌಲನ ವಿಷಯದ ಇನ್ನೂ ಸೂಕ್ಷ್ಮವಾಯಿ ವಿಮರ್ಶೆಸೈ ಯಿರ್ರಂ ಸಿವಸೋನಿ ಅತುನ ಕೋಟಿವುಳ್ಳಕು ನೀಗ ಬಳಿಗೂ ಅಗುಸಕೊಂಡು ವರುತನಕ ಸೋನ್ಕ್ರೊಂದು ವಾರಿದಿಂದು ನಾಗನೋಕು ಅಲ್ಯ ಹತ್ತಿರ ಬರುಕ್ಕಿಂತ ಮುಂಚೆಯೇ ಅಲ್ಯಿನ ಕೊಲ್ಲುಕು ಅದ್ದವಾಯಿರು ಅಂಡುಸುನು. ^{16 17} 16 ಆಗ್ಯ ಹೊಂಚು ಸೇನ್ದುಕೊಂಡು ಪಾಲಿ ಸೋದರಳಿಯನ್ನು ಕೊಟ್ಟು ಕೊಂಟಿವುಳುಕು ವಂದು ಪೌಲಕು ಈ ವಾರ್ತೆನ ತಿಳಿಸಿಸುನು 17 ಪೌಲ ಶತಾಧಿಪತಿಗಳಕೊರು ಒಂಡುನ ಅಗ್ಸು ಈ ಯೌವನಸ್ತನನ್ನು ಸಹಾಸ್ರಾಪದಿ ಹಂಚುಗು ಅಗುಸುಕೋoದು ಹೋಯಿ ನೀನು ನನಕು ಈ ಯೌವನಸ್ತನ ನಂಟು ಹಂಚುಗು ಅಗುಸ್ಕೊಂಡು ಹೋಗೋ ಅತಗೂ ತಿಳಿಸ್ಬೇಕಾನ ಒಂಡು ಒಕೂ ಇದು ಹಿಂಡು ಸೋನ್ಸುನು. ^{18 19} 18 ಶತಾಧಿಪತಿ ಆತಾ ಸಹಾಸ್ರಾಧಿಪತಿಯ ಹಂಚುಗೂ ಅಗೂಸ್ಕೊಂಡು ಹೋಯಿ ಸೆರೆಯನ ಪೌಲನ ಅಗೂಸು ಈ ಯೌವನಸ್ತನ ತಂಟು ಹಂಚುಗೂ ಹಗುಸ್ಕೊಂದು ಹೋಗುರುದುಯಿಂಡು ಬೇಡಿಕೊಂಡಸ್ನು ತಗುಲ್ಕು ತಿಲಳಿಸರ್ ಬೇಕಾನ ಎದೋ ಒಂಡು ಓಕು ಇದು ಹಿಂಚು ಸೋನಸು 19 ಸಹಸ್ರಾದಿಪತಿ ಅತ್ರ ಕೈಪುಡುಸು ಒಂಡು ಕಡೆಕಿ ಏಕಾಂತವಾಯಿ ಅಗುಸ್ಕೊಂಡು ಹೋಯಿ ನೀನು ನನಕೂ ಸೋನ್ರುಬೇಕನ ಎದೋ ಇಂದು ಹಿಂಡುಸು. ^{20 21} 20 ಅದು ಯೆಹುದ್ಯರು ಪೌಲನ ವಿಷಯನ ಇನ್ನೂ ಸೂಕ್ಷ್ಮವಾಯಿ ವಿಚಾರ ಗೈರಿಯಿರಿದು ಇಗ್ರ ನೆವ ಸೋನಿನಿಂಗ ತಚಾಲಿ ಹಿರಿಯ ಸಭೆಯ ಮುನುಕು ಹಾಜರು ಸೈಯಿರುದುಹಿಂಡು ಕೊಟುಕ್ಯಿನು 21 ನೀಗ ಅತ್ರು ಒಕೊಕು ಬದ್ದರಾಗಮಾನಗ ಎನ್ಗೂ ಯಿಂಡೆಕೆ ನಾಲ್ವಿತ್ರಕ್ಕಿಂತ ಹೆಚ್ಹು ಮಂದಿ ಯಹುದ್ಯರಗ್ನ ತಂಗ ಆತ ಕೂಲ್ಲುರ್ ತನಕ ಅನ್ನಪಾನವೆಂದು ಮುಟ್ಟುಮಾಟೋ ಹಿಂಡು ಗಪಧನ ಸೇಡ್ಕೊಂಡು ಅತುಗುಗೋಸ್ಕರ ಹೊಂಚಸೇದು ಕೊಂಡು ಇನ್ನೂ ಇಪ್ಪೋದು ಆಗ್ಯ ನೀಟ ಒಪ್ಪಿಗೆನ ಎದುರುಪಾತು ಸಿದ್ದವಾಯಿನು ಅಂಡಸು. ^{22 23 24} 22 ಅಪ್ಪೋದು ಸಹಸ್ರಧಿಪತಿ ಆ ಯೌವನಸ್ತನುಕು ಈ ಸಂಗಾತಿನ ನನಕು ಸೂಚಿಸಿರ್ರತ ನೀನು ಎತ್ತುಗು ಸೊoನುಮಾನ ಇoಡು ಖಂಡಿತವಾಯಿ ಅಪ್ಪಣೆಕೊಟ್ಟು ಅಲ್ಯನ ಅಪೋಸು 23 ಅನ್ಬೇಸಲಿ ಅದು ಶತಾಧಿಪತಿಗಳ್ಕುರು ರಂಡಲಿನ ಅಗಸು ನಾವರ್ಲಿ ವಾಂದಿ ಘಂಟೆಗೆ ಕೈ ಸರೈಯಾದ ತನಕ ಹೋಗೋ ಇಂಡು ಇನ್ನೂರು ಮಂದಿ ಸಿಪಾಯಿಗಳ್ನ ಎಪ್ಪತ್ತು ಮಂದಿ ಕುದುರೆ ಸವಾರರನೂ ಇನ್ನೂರು ಮಂದಿ ಈಟಿ ಇಡಿದ ಸೈನಿಕರನ್ನ ಸಿದ್ದಸೆನ್ಚುನು 24 ಕುದುರೆನ್ಯ ಸಿದ್ದಸೇದು ಪೌಲನ ಹತ್ತಿಹಿಸ್ಚು ಧೇಶಾಧಿಪತಿಯನ ಪೆಲಿಕ್ಸ್ ನ ಹಂಚುಗೂ ಸುರಕ್ಷಿತವಾಯಿ ಅಗುಸ್ಕೊಂಡು ಹೋಗುರ್ದಿಂದು ಅಪ್ಪಣೆ ಕೊಂಡುಚುನು. ^{25 26 27} 25 ಈ ಕೆಳಗಣ ಅಭಿಪ್ರಾಯಾನ ಒಂಡು ಕಾಗದಕೋರು ವರ್ಚುಸು ಎತ್ತಿoಡೇಕೆ 26 ಮಹಾರಾಜರಾಜ ಶ್ರೀ ಧೇಶಾದಿಪತಿಯಾನ ಫೆಲಿಕ್ಸನಿಕೋಕ್ಲದ್ಯಾ ಲೂಸ್ಯನು ಸೈಯಿರ್ ವಂದನೆಗ 27 ಯೆಹುದ್ಯರಗ್ಯ ಈ ಮನುಷ್ಯನ ಪುಡುಸೋ ಕೊಲ್ಲಿಕ್ರುಯಿ ಆತ ರೋಮಪುರದ ಹಕ್ಕುದಾರನೆಂಡು ತಿಳಿದು ಆತ ತಪ್ಪಿಸಿ. ^{28 29 30} 28 ಇದಲ್ಲ್ದೆ ಅತ್ರಂ ಮೇನಿ ತಪ್ಪು ಹೊರಿಸಿನ ಕಾರಣನತ್ನಿಂಚು ಆತ ಅಲ್ಯ ಹಿರಿಯಸಭೆಗೂ ಹಾಗುಸ್ಕೊಂಡು ಹೋನೋ 29 ಆಟಿ ಆಗ್ಯ ಕಂಗೂಟ ಧರ್ಮಶಾಸ್ತ್ರಥ ವಿಷಯನ ಪೋದು ಸುಕೊಂದು ಅತ್ರು ಮೇನಿ ತಪ್ಪು ಹೋರಿಸನೋ ವುಟೆಕೆ ಮರಣದಂಡನೆ ಗಾಗೋಟು ಬೇಡಿಕಾಗೊಟ್ಟು ಅಧಾರವಾನ ಅಪರಾಧನ ಹೊರಿಸಲಿಲ್ಲಯಿಂಡು ನನಕು ಕಂಟು ವಂಚು 30 ಈ ಮನುಷ್ಯನುಕು ವಿರುದ್ಧವಾಯಿ ಒಳಸಂಚುಯಿಂಡುಯಿಂಚು ನನಕು ತಿಲಿದಹಿಂಚುವಂದಪೋದು ನಾನೂ ಆತ ನೀಟಹಂಚುಗೂ ಹಾಮ್ಪಿ ತಪುಹೋರಿಸರ್ಲಿಯಿಲ್ಕಿ ನೀಟ ಮುನೆಯೇ ಅರ್ತುಗು ವಿರುದ್ಧವಾಯಿ ವಾಸೆತುರುಕು ಅಪ್ಪಣೆ ಕೊಟ್ಟಿ ಇಂಗ್ರದೆ. ^{31 32 33} 31 ಸಿಪಾಯಿಗಯ್ಯಾ ತಂಗುಲುಕು ಅಪ್ಪಣೆಯನ್ಕಾಗಿ ನಾಮರ್ಲಿ ಪೌಲನ ಅಂತಿಪ್ರತಿಗು ಹಾಗುಸ್ಕೊಂಡು ಹೋಸುನು 32 ಮರುದಿನ ಅಗ್ರ ಸವಾರನ ಅಲ್ಯಾ ಜೊತೆಕೋರು ಹೋಗುರ್ದು ಹಿಂಡು ಸೇದು ನಾಗತಿರುಗಿವಾಡೊ 33 ಸವಾರರು ಕೈ ಸರೆಯಕ್ಕು ಸೇರಿ ದ್ಹೇಶಾದಿಪತಿಕೂ ಕಾಗಟನ ಒಪ್ಪಿಸ್ ಪೌಲನ ಅಲ್ಯ ಮನತೆ ನಿಪುಚುಸ್ನು. ^{34 35} 34 ದ್ಹೇಶಾಧಿಪತಿಯೂ ಆ ಕಾಗದನ ಓದಿ ಪೌಲ ಎತ್ರು ಸೀಮೆಯಾದು? ಇಂಡು ಕೊಟ್ಟು ಅದು ಕಿಲಿಕ್ಯತದು ಹಿಂಡು ತಿಳಿಚುಸು 35 ನೀಗಲ್ ಮೇನಿ ತಪ್ಪು ಹೋರಿಸ್ ರಂದು ವಂದ ಅನ್ಬೇಸಲಿ ನೀಟ ಕಾರ್ಯಾನ ಪುರ್ಣವಾಯಿ ವಿಚಂಸರೆ ಇಂದು ಸೊನ್ನಿ ಆತ ಹೆರೋದನ ಅರಮನೆಯಿಟ್ಟು ಕಾಯಿರ್ದುಯಿಂಡು ಅಪ್ಪಣೆ ಸೇಂಚುನು.