^{1 2 3} 1 ಗದ್ದಲು ನಿಂಡ್ರು ಅಪೋದು ಪೌಲ ಶಿಷ್ಯರನ್ನ ಒಂಡಾಯಿ ಅಗ್ಸು ಧೈರ್ಯ ಕೊಂತ್ನು ಅಲ್ಬು ಅಪ್ಪಣೆಹರ್ಗೊಂಡು ಮೆಕೆದ್ಯಿನಕು ಹೊಸು 2 ಅ ಸೀಮೇಕೋರು ಸಂಚಾರಸೇಂದು ಅಟಿಕರಲ್ಯ ಆನೇಕೆ ಒಕನಂನ್ಡು ಧೈರ್ಯಪಡಿಚುಸುನು ಗ್ರೀಕ್ ದೇಶೀತಿಂದು ವಂಡು 3 ಅಟ್ಟ ಮೂಡು ಮಾಡು ಅನ್ಬೇಸಲಿ ಸಿರಿಯಾ ದೇಶಿತ್ಗು ಸಮುದ್ರಮಾರ್ಗವಾಯಿ ಹೊಗರ್ಬೆಂಕೀನ್ಚು ಅತ್ಗೂ ವಿರುದ್ದವಾಯಿ ಯಹೂದ್ಯರು ಒಳಸಂಚುಸೇಂದು ಅತ್ಗೂ ತಿಳಿದು ವಂದದಿನಂಡು ಅದು ಮೆಕೆದೊನ್ಯನ ಮಾರ್ಗವಾಯಿ ತಿರ್ಗಿ ಹೋಗುರ್ದುಯಿಂದು ತೀರ್ಮಾನ ಸೇನ್ದುಗೊಂಡಿನಂಚು. ^{4 5 6} 4 ಪುರ್ನ ಮೌವನ ಬೇರೊಂದು ಪತ್ತಣತ ಸೋಮ್ಪತ್ರ ಥೆಸಲೋನಿಕಯಿಕ್ರ ಲಾಟಿಳಿ ಅರಿಸ್ತರ್ಕನು ಸೇಕುಂದನು ದೆರ್ಬೇಪಟ್ಟಣತೆ ಗಾಯನ ತಿಮೊಥಿಯ ಅಸ್ನಸೀಮತೆ ಕುರಿನ್ಕನಲ ತುಬಿಕನು ತುಪ್ರಿಮನು ಅಸ್ನ ಸೀಮೆಯ ವರೆಗೂ ಅತ್ತ ಜೊತೆಕೋರು ಹೋಗ್ ತೈನ್ಚು 5 ಐಗ್ಯ ಮುನ್ನೇ ಹೋಯಿ ನಗ್ಗಕೋಸ್ಕರ ತ್ರೋವತ್ಕೊರು ಕಾಯುತ್ತಿಚ್ನು 6 ಹುಳಿಇಲ್ಲದ ರೊಟ್ಟಿ ಪಂಡುಗ್ನಾಲು ಅನೋಪೊಂದು ನಗ ಪಿಲಿಪ್ಪಿಯಲುಂಟು ಹೋಯಿ ಹಟಗನ ಹತ್ತಿ ಎಂಚುನಾಲು ತ್ರೋವತ್ತ್ಪೋರು ವಂಡು ಅಲೇಟಿ ಸೇಯ್ನೆ ಅಟ್ಟಿ ಹುಗ್ಸಲೂ ಇಂದೇ ^{7 8} 7 ವಾರದ ಮೊದಲುನಾಲು ನಗರೋಟು ಮುಂಕರ ನಿಯಮತ್ ಪ್ರಾಕಾರ ಕೂಡಿ ವಂದಪೋದ್ ಛಾಲಿ ಅಟ್ಟ ನೆಲ್ಸಿಂದ ವಿಶ್ವಾಸಿಕು ಭೋಧನೆ ಸೇಂದು ಮಾರ್ನೆನಾಲು ಹೊಂಗರ್ದಿಂದು ವೆಂಕಯಿಂದ ಪೌಲು ಅಲ್ಯು ಪ್ರಸಂಗಸೆನೆತ್ತ ಮಧ್ಯಾರಾತ್ರಿಕೋರು ಉಪನಯಾಗ ಸೆಂಚು 8 ನಗ ಕೂಡಿಂದ ಮೇಲಂತಸ್ತಿಕುಕರು ಗ್ಯಾನ ದೀಪಾ ಯಿಂಚು. ^{9 10} 9 ಯುತಿಖಾಯಿಗ್ರ ಒಂದೂ ಯೌವನಸ್ತನ ಕಿಟಿಕಿಯಿಂಚಲಿ ಹೋಕುನಂಡು ಗಂಡ ನಿದ್ರೆಯಿಂದು ತುಕದಿಸ್ ರಪೋದು ಪೌಲ ಇನ್ನು ಪ್ರಸಂಗ ಸೈರಪೋದು ಅ ಯೌವನಸ್ತ ನಿದ್ರೆಯಿಂಡು ತೂಕಡಿಸಿ ಮೂರನೇ ಅಂತಸ್ತಿನಿಂಡು ತರ್ಕು ಪೂಗ್ಚು ಆತ ಪೆತಿಪಕರ್ಪೋದು ಸಂತೋ ಯಿಂಚು 10 ಅನೇಕೆ ಸಾಲು ತಕತು ಇನ್ಗಿಚು ಹೋಯಿ ಅತ್ರು ಮೇಲೆ ಬುದ್ದುಗೊಂಡು ಗೋಳಾಡ ಸೈಮಾನಗ ಅದು ಇನ್ನು ಜೀವದಿತಂಡು ಪಗ್ ನೆಂದುಯಿಂಡು ಸೊನ್ಸು. ^{11 12} 11 ಅಪ್ಪೋದು ಅದು ಮನ್ಕು ಹೋಯಿ ರೊಟ್ಟಿ ಮುರ್ಜು ಕಲಿರ್ತ್ನಿರ್ಚು ನೋಸ್ಕೊಟ್ಟಿಲ್ ತನಕ ವಾಸೆತಿ ಹಾಂಗೆ ಹೊಸ್ನು 12 ಅದು ಜೀವನ್ತನಯಿದ ಆ ಹುಡುಗನ ಹಗಸ್ ಕೊಂಡು ವರಲು ಅಲ್ಕೆ ಬಹ್ಯವಾಯಿ ಸಹಾಯವಾಗು ^{13 14} 13 ನಗ್ ಮೊದಲು ಹೋಯಿ ಅಸ್ತೋಣೆ ಕುರು ಪೌಲನು ಹತ್ತಿಸ್ಕೊಳ್ದ್ನ್ರುದು ಅಟ್ಗೂ ಸಮುದ್ರ ಪ್ರಯಾಣ ಸೇದೋ ಪೌಲ ಹಾಗೆಯೇ ನಗಲುಕು ಅಪ್ಪಣೆ ಕೊಟತ್ತು ನಾನು ನಡ್ಗೊಂಟು ಹೋಗುರ್ ಬೇಕೆಂಡು ಮನಸ್ಸು ಸೇನ್ಚಿನು. 14ಅಪ್ಸೋನಾ ಕೋರು ಅದು ನಗತನ ಕೂಡಿಕೊಂಡು ನಂಗ ಅತ್ತತ್ತೆಯ ಅತ್ಹ್ಕೊಂಡು ಮಿತಿಲೆನ್ಕು ಒಂದು. ^{15 16} 15 ಆಟಂದು ಹೋಯಿ ತಚೆಲಿ ಬಿಯಾಸ ದಿಪ್ಕು ಅರ್ದುಕು ತೆಚಲಿ ಸಾಮಾನನೆ ಹತಿರ ಒಂದು ತಾಚಲಿ 16 ಪೌಲ ನಂಗಲ್ಕು ಸಾಧ್ಯವಾಯಿ ಪಂಚಾಗಕ್ತಮ ನಾಲು ಪಂಡುಲುಕು ಯರುಸಳಲೇಮಕೋರು ವಾಯಿ ಯಿಕೆಕೊರರು ಇಕ್ರುದು ಬೇಕಾಯಿಂಚು ಇಂಡ್ದು ಅವಸರಪಡ್ತ್ಹಾ ಆಸ್ಯಸಿಮೇಕೊರು ಕಾಲ ಕಳಿರ್ಕು ಮನಸಿಲ್ಲದೇ ಎಪೆಸ ಪಟ್ಟಣ ವಾಟಾ ವೋಗ್ರದುಂಡು ತಿರ್ಮಾನ ಸೇಯಿದು ಉಂಡು. ^{17 18 19 20 21} 17 ಆಗ್ಯ ಮಿಲೆತ ದಿಂಡು ಎಪೆಸತ್ಗು ಸೋನ್ನಿ ಅಂಪಿ ಆಟ್ಯಕಾರರ ಸಬೇಹಿರಿಯರ ಅತಿ ಹೊಂಡುಚೋಸು 18 ಆಗ್ಯ ಆಲ್ಯ ಬಳಿಗೂ ಒಂದಪ್ದು ಸೊಂಡ್ದ್ರ ತಿಂಡೆಕೆ ನಂಗ ಆಸ್ಯಸಿಮೇಕೊರರು ಕಾಲಿಟ್ಟ ಮೊದಲು ನಾಲಿಂಡು ನಿಂಗ್ಲ ಮದ್ಯ ಆದಿ ಕಾಲತದಲ್ಲಿಯು ಎನಗೂ ನಡ ದಕೊಂದು ನಿನ್ಗರತ ನಿಂಗೆ ಗೊತಿದ್ದು 19 ನಾನು ಗ್ಯಾನ ನಮ್ರತೆಯಿಂಡು ಕಣ್ಣಿರಿನಿಂಡು ಕರ್ತನ ಸೇವೆ ಸೈತಿಂದೋ ಇತ್ಕೊರು ಯಹೂದ್ಯರ ವಳಸಂಚುಯಿಂದ ಸಂಭವಿಸಿದ ಕಷ್ಟ ಸಹಿಸಿಕೊಂದಮ . 20 ನಾನು ನಿಂಗ್ಲಲ್ಕು ಹಿತಕರ ವಾದದಲ್ಲವೆಂಡು ಸೋನ್ನದ್ರಕಗು ಸಬೇಕೊರು ಉಟಉಟವುಳಿ ಉಪದೆಗಿಸಕ್ಕು ಹಿಂತೆಗೆಯಲಿಲ್ಲ . 21 ಈ ಸಂಗತಿ ಆನಕ್ಕೋರು ಪೌಲು ತಾನು ಮೆಕರ್ದೊನ್ಯಕುರು ಅಬಾಯ್ತ್ ಕುರು ಸಂಚಾರ ಸೈದು ಯೆರುಸಲೆಮುಕ್ ಹೋಗ್ಬೇಕಿಂಚು ಮನಸ್ಕೊರು ಯೋಚಿಸಿ ಕೊಂಚು ಅಟ್ಟಿಗೂ ಹೊನಪೋಡು ರೋಮಪುರನ ಸಹ ಸರ್ಕತಿನಡು. ^{22 23 24} 22 ಇಗೋ ನಾನು ಇಪ್ಪೋದು ಅತ್ಮನಿರ್ಬಂದನ ಉಲ್ಲವನಾಯಿ ಯೆರುಸಲೆಮುಕ್ಕು ಹೋಕ್ರೆ ಅಟ್ಟಿನಂಕು ಎಂದು ಸಂಬವಿಸಕ್ಕು ನನ್ಕುಗತ್ತಲ 23 ನಿನ್ಕು ಬೇಡಿಗ್ಯ ಸಂಕಸ್ಟ ಕಾತ್ಕೊಂಡಿದು ಇಂಡು ಪವಿತ್ರಾತ್ಮಾ ಅದ್ದಿಪತ್ತಣತ್ಕೊರು ನಂಕು ಕಂಡಿತವಾಯಿ ಸೊನ್ನಿದು ಇಷ್ಟು ಮಾತ್ರ ನಂಕು ಗೊತ್ತು 24 ಅನೇಕೆ ತ್ರಾಣ ಉಳುಸ್ಕ್ರುದೆ ವಿಶೇಷ ಇಂದು ನಾನು ಏನಿಸ್ಮೇಟೆ ದೌರ್ರ ಕೃಪಾ ವಿಷಯ ಸುವಾರ್ತೆನ ಅಸಕ್ತಿಯಿಂಡು ಪ್ರಕಟಿಸ ಬೇಕಾಯಿದಿಂಡು ಯೇಸುವಿನಿಂಡು ನಾನು ಒಂದಿಕಿರ ಸೇವೆಎಂಬ ಒಟಾನು ಪುರ್ನಗೊಲಿಸುವುದೇ ನಟ ಅಪೇಕ್ಷೆ. ^{25 26 27} 25 ಇಗೋ ಇಷ್ಟು ನಾಲು ನಿಂಗ್ಲೆಂಚಿ ಸಂಚಾರ ಸೇಂದು ದೌರಜ್ಯಾತ ಸಾರಿದವ ನಾನ ನಟು ಮುರ್ಗ್ತಾ ಇನ್ಮೆನಿ ನಿನ್ಗಲ್ಕೊರು ಒನ್ದಾಳು ಪಾಕ್ದನ್ನು ಇoಡು ಗೊತ್ತು 26 ಆ ಕರ್ನತಿಂಡು ನಾನು ಇಪ್ಪೋದು ಪ್ರಮಾನವಾಯಿ ಸೋನ್ನಿರೆ ನಿಂಗ್ಲೆನ್ಚ್ಲಿ ಎದಾದ್ರು ನಾಶವಾನಿಕೆ ಅದು ನಟು ದೋಸವಲ್ಲ 27 ಎನ್ತಿನ್ದಿಕಿ ಒನ್ದನ್ನು ಮರೆ ಸೈದೆ ದೌರ್ರ್ ಸಂಕಲ್ಪನ ನಿಂಗ್ಲ್ಕು ತಿಲ್ಸಿರೆ. ^{28 29 30} 28 ಪ್ರಭು ತನ್ನ ಸ್ವರಕದಿಂಡು ಸಂಪಾದಿಸಿಕೊಂಡ ನಿನ್ನ ದೌರ್ರು ಸಭೇನ ಪರಿಪಾಲಿಸಿಕ್ಕು ಪವಿತ್ರಾತ್ಮಾ ನಿಂಗ್ಲ್ನ ಹಿಂಡನ ಮೇಲ್ವಿಚಾರಕರಾಯಿ ಇಟ್ಟಿಕ್ರತ್ಕು ನಿಂಗಲ್ನ ವಿಷಯ್ತ್ಕೊರು ಅದ್ದಿ ಯಿಂಡಿನ ವಿಷಯ್ಕೊರು ಹೆಚ್ಚರಿಕೆ ಆಯಿರನ್ಗೋ 29 ನಾನು ಹೋನಾ ಮೇನಿ ಕ್ರೋರವಾನ ತೋಳದ ನಿಂಟುರ್ಲಿ ವಾರಕ್ಕೂ ಇನ್ದು ನನ್ಕು ಗೊತ್ತಿದು ಅದು ಇಂಡಿನ ಕನಿಕರ್ಸ್ದಿಲ 30 ಇದಲ್ದೆ ನಿಂಗುಲ್ಕುರೆ ಕೆಲವರು ಬತ್ತ ವಿಶ್ವಸಿಗಳನ್ನ ತಂಗ್ಟು ಕಡಿಕಿ ಸೆಲದುಕರ್ಕು ಅಸಾತ್ಯವಾನ ಭೋಧನೆಯ ಸೇಂದು ಯೇಸುವಿನ ಶಿಷ್ಯರನ್ನ ತಂಟು ಕಡೀಕಿ ಸೆಳೆದ್ರುಕು ಸೇಳಕೊಳ್ಳಕ್ನು. ^{31 32} 31 ನಾನು ಕಣ್ಣಿರು ಸುರಸ್ತ ಮೂಡು ವರ್ಷ ಅಗಳಿರಿಳು ಎಡಬಿಡದೆ ಪ್ರಿಯೊಂದಕು ಬುದ್ಧಿ ಸಂದ್ಗಂಡು ನಿಂಗ ಜ್ನ್ಯಾಪಕ ಸೇನ್ಗೊಂಡು ಹೆಚ್ಚರ ವಾಯಿರಂಗು 32 ನಾನೀಗ ನಿಂಗಲ್ನ ಕರ್ತನಕ್ಕು ಆತನ ಕೃಪಾ ವಾಕ್ಯಾಕ್ಕು ಓಪ್ಪಿಸಿ ಕುಡ್ಕ್ರೋ ಅದು ಲಿಂಗಲ್ ಕೋರು ಭಕ್ತಿ ಹೃದ್ಧಿ ಉಂಟು ಸೈರ್ಕು ಪವಿತ್ರಾರಾದರದ್ದೇರು ನಿಂಗ್ಲ್ಕು ಅಕ್ಕನ ಅನುಗ್ರಹಿಸುರುಕ್ಕು ಸಕ್ತ ನಾಯಿರೆ. ^{33 34 35} 33 ನಾನು ಯಾರ ಬೆಳ್ಳಿ ಬಂಗಾರನ ಹುಡುಗೆ ತೊಡುಗೆನ ಬಯಸು ಮಾಟೆ 34 ಈ ಕೈಗೆ ಇ ಪರಿನ ಸೇನ್ದಿಸ್ನು ನಟ್ಟು ಕೊರತೆನ ನಟ್ಟುಜೊತೆಲಿಕ್ರಲ್ಯ ಕೊರತೆನ ನೀಗಿಕ್ರತ ನಿಂಗಿಲ್ಕೆ ಗೊತ್ತಿದ್ದೂ 35 ಅದ್ದಿ ವಿಶಯತ್ಕೊರು ನಾನು ನಿಂಗ್ಲಕ್ ಮಾದರಿಯಾಯಿ ತೋರ್ಸಿರೆ ನಿಂಗಹಂಗೇ ದುಡಿದು ಬಲ ಹೊಂದಿದವರ ಉಪಕಾರ ಸೈಯನ್ಗೋ ಅನ್ಬೇಸಾಲಿ ಅತ್ಗಿರ್ ಕಿಂತ ಕುದ್ಕ್ರಾದೆ ಎಚ್ಚಿನ ಭಾಗ್ಯಯಿಂಡು ಕರ್ತನಾನ ಯೇಸು ತಾನೇ ಸೋನ್ನಿಕ್ರ ಹೊಕನ್ನ ನೆನ್ಪೋರ್ ಅಚ್ಕೊಂಗೋ ಅನ್ದಸು. ^{36 37 38} 36 ಈ ಹೊಕನ್ನ ಅದು ಸೋನ್ನಿ ಮೈನಿ ಮೊಣಕಾಲೂರಿ ಆಲ್ ಸಂಗಡ ಪ್ರಾರ್ಥನೆ ಸೇಂಚು 37 ಬಳಿಕ ಪೌಲು ನಿಂಗ ಇನ್ಮೆನಿ ನಟು ಮುಗುತ ನೆಪ್ಪೋದು ಪಕ್ಮಾತಂಗ ಇಂಡು ಸೋನ್ನತ್ಗು ಅಗೈದ್ಯರು ಎತೆ ಪಟ್ಟು ದುಕ್ಕ ತಿಂಡು ಅಗತ್ತ ಅತ್ತ ಅಪ್ಪಿಗೊಂಡು ಮುದ್ದಿತ್ಸ್ನು 38 ತರುವಾಯ ಆಗ್ಯ ಅತ್ತಗು ಹದಗಿಕು ಅಂಪೂಸ್ನು.