^{1 2 3 4} 1ಪಂಚಶತ್ತಮನ ಪಂಡುಗ್ ನಲು ವದಪೋದು ಆಗ್ಯದೇರು ಒಂಡು ಸ್ಥಳತ್ಕೊಂಡು ಹೊಂದಯಿ ಸೇರಿಯಿನ್ಚು 2 ಆ ಪೋದು ಆಕಾಶದಿಂಡು ಒಂಡು ಶಬ್ದ ಇದ್ದಪಕ್ಕನೆ ವಂಚು ಬಿರುಗಾಳಿ ಇಸಕೋ ಹಾಗಿರ್ಕನಿಯಿಂಚು ಆ ಶಬ್ದ ಆಗ್ಯ ಉಕೊಂಡಿದ ಉಟ್ಕೊರದಿ ಆ ಶಬ್ದ ಮೆತ್ಕೊಂಡಿಯಿಂಚು . 3 ನೆರ್ಪೂ ಜ್ವಾಲೆತರಯಿಂದ ನಾಲಿಗೆಗ್ಯ ಆಗ್ಯ ಕಂಡುಸ್ನು ಜ್ವಾಲೆಗ್ಯ ರಂಡು ಆಸು ಅಟಿಂಡು ಪ್ರತಿಯೊಂಡು ವ್ಯಕ್ತಿ ಮೇನಿ ನೆಲ್ಸುಸು . 4 ಆಗ್ಯದೆರು ಪವಿಥ್ರತ್ಮಭರಿತನಸ್ನು ಆನ್ಬೇಸಲಿ ವಿವಿದ ಒಕುಕೊರು ವಸೆತಲಿನ್ಚುನು ಪವಿತ್ರತ್ಮ ಆಲ್ಕಿ ಆ ಶಕ್ತಿ ಕುಡ್ಚು. ^{5 6 7} 5 ಶ್ಯನ ದಾರ್ಮಿಕನನ ಶ್ಯನ ಯೋಹೊದ್ಯರು ಆ ಸಮಯತ್ಕೊರು ಜೆರುಸಲೆಮಿಕೊರುಯಿಂಚುನು ಇಲ್ಕೊರು ಪ್ರಪಂಚದ ಪ್ರತಿಯೊಂಡು ನಟಿಂಡು ವಂದ ವರೆಗ್ಯಯಿಂಚು 6 ಈ ಶಬ್ದ ಕೋಟ ವರೆಗ್ಯ ಒಂಡು ಬೇರ್ ಸಮೂಹ ಆಟ್ಗೂ ವಂಚುನು ಅಪೋಸ್ತಲರು ವಸೆತ ಲಿಕ್ರತ ಆಯ್ಯಲ್ತು ಸ್ವಂತ ಒಕುಕೊರು ಕೊಕ್ತಲೀಕ್ರತ ಪಾತು ಆಲ್ಕಿ ಆಶ್ಚಯ ಆಸು 7 ಇತ ಪತ ಯೋಹೊದ್ಯರೆದೆರು ವಿಸ್ಮಯಗೊಂಡುಸ್ನು ಈಂಗು ಸೈಯಿರ್ಕು ಹೆಂಗು ಸಾದ್ಯ ಆಸು ಆಲ್ಕಿ ಅರ್ಥಹಾಗುಲ ಆಗ್ಯ ವಸೆತಲಿಕ್ರಪೋದೆ ಈ ವರೆಗ್ಯ [ಅಪೋಸ್ತಲರು]ಈಗ್ಯ ಗಲಿಲಾಯತಗ್ಯ. ^{8 9 10 11} 8 ಆನೆಕ್ಯ ಈಗ್ಯ ಅಯ್ಯಲ್ತುಸ್ವಂತ ಒಕುಕೊರು ವಸೆತಲಿಕ್ರದು ತೇಲಿ ತಲಿದು ಇದು ಏನ್ಗು ಸಾದ್ಯ ನಾಗ ಬೇರೆ ಬೇರೆ ಉರಗ್ಯ 9 ಪರ್ಥ್ಯರು ಮೆದ್ಯರು ಎಲಾಮಿನವರು ಮೆಸೋಪಟೂಮಿಯ್ತಗ್ಯ ಯೂದಯತಗ್ಯ ಕಪ್ಪದೊಕ್ಯತಗ್ಯ 10 ಪೋಂತ .ಆಸ್ಯ .ಪ್ರುಗ್ಯ . ಪಂಪುಲ್ಯ . ಆನ್ಬೇಸಲಿ ಕುರೆನೆತಗ್ಯ ಮಗ್ಗುಳಲಿಯಿಕ್ರ ಲಿಬ್ಯ ಈ ಸೀಮೆಕೊರು ವಾಸಸೈರಗ್ಯ ರೋಮಪುರದೀನ್ಡು ವಾದ್ಯಿಂಚುನು ಯುಹೊದ್ಯ ಮಾತವಲಬಿತಗ್ಯ ಕ್ಷೆತ್ರತ್ಕೊರು ಅರಬಿದೇಶತಗ್ಯ 11 ಇಪೋ ಇಕ್ರರಂದು ನಗ್ನಟ್ ಒಕುಕೊರು ದೌರುಮಹತ್ವತ ಓಕತೆಯ ಸೋನ್ರತೆಯ ತೊಕುರಿನ್ಡು ಸೋನ್ಗೊಂದುಸ್ನು. ^{12 13} 12 .ಅದ್ಹಿ ಬೆರಗಾಗಿ ಕಳವಳಗೊಂಡು ಇದು ಎಂದ ಅಕ್ದು ಅಂಡು ಕೊಕ್ತ ಇಂಚುನು 13 ಸ್ವಲ್ಪಅಳು -ಆಗ್ಯ ಕರ್ಥನಿ ಕುಡುಸು ಮದ್ಧು ಏರಿದುಅಂಡು ಅಸ್ಯ ಸೇನ್ಚ್ನು. ^{14 15} 14 ಅಪೋದು ಪೇತ್ರ ಪನ್ನೆಡು ಮಂದಿ ಅಪೋಸ್ತಲರ ಸಮೇತ ಅದ್ದಿಂದು ನಿನ್ದ್ರುಜೋರಾದ ದ್ವನಿ ಇಂಡೂ ಅಲ್ಲಿಕಿ ಇನ್ಗೆ ಪ್ರಸಂಗ ಸೇನ್ಚು- ಯೆಹೂದ್ಯರೇ ಯೆರುಸಲೆಮ್ ಕೋರು ವಸವಗಿಕ್ರ ಅಧಿಜನ್ರೆ ಈ ಸಂಗತಿಯು ಎಂದನ್ದ್ದುಗೊಥರ್ಕನಿ ನಂಗ್ಲು ಒಕುಕೋರು ಸೌವ್ವಿಕೂಡಂಗೋ 15 ನಿಂಗ ತಿಳಿಜುಕೊಂಡಕನಿ ಆಗ್ಯ ಮಧು ಏರಿದುಅಲ ಇಪೋದು ನಾಸ್ಕೋಟಿೣ 9ಗಂಟೆ ಅಯಿಂಚು ಅದ್ನೆ ^{16 17} 16.ಅನೇಕೆ ಅದು ಪ್ರವದಿಯನ ಯೋವೇಲ ಮೂಲಕವಾಗಿ ಸೊನ್ನ ಸಂಗತಿ ಅದೆನೆನ್ದಕ್ಕೆ 17ನಲ್ತುಗೊರು ನಾನು ಅದ್ದಿ ಮನುಸ್ಯನ ಮೆನಿ ನನ್ನ ಅತ್ಮತ ಸುರಿಪಿಕ್ಯರೆ ನಿಗ್ಲೆಂಚ್ಲಿ ಇಕ್ಕಿರುವ ಅಮ್ಲಗ್ಯ ಪಂಬ್ಲಾಗ್ಯ ಪ್ರವದಿಸೆಯನು, ನಿಗ್ಲ ಪರೆತಲ್ಕಿ ದಿವ್ಯ ದರ್ಶನ ಅಕ್ಕುದು;ನಿಗ್ಲ ಬೆರಲ್ಕಿಕೆನವು ಬುಗಕು.