^{1 2} 1. ಯೇಸು ಕ್ರಿಸ್ತನ ಅಪೊಸ್ತಲನಾದ ಪೇತ್ರನು ಪೊಂತ ಗಲಾತ್ಯ ಕಪ್ಪದೋಕ್ಯ ಆಸ್ಯ ಬಿಥೂನ್ಯ ಇಂಗ್ರ ಸೀಮೆಕೊರು ಚದರಿರಿಕ್ರ ಪ್ರವಾಸಿಗಾನ ದವ್ರು ಮಂದಿಲ್ಕಿ ಇಂಡೆಕೆ 2. ಪವಿತ್ರಾತ್ಮತಿಂಡು ಪ್ರತಿಷ್ಟಿಸಲ್ಪಟವರಾಯಿ ದವ್ರ್ಕು ವಿಧೇಯರಾಗ್ರುಕು ಯೇಸು ಕ್ರಿಸ್ತನ ರಕ್ತತಿಂಡು ಪ್ರೋಕ್ಷಿತ ರಾಗ್ರುಕು ತಂದೆ ಅನಾ ದವ್ರ ಭವಿಷ್ಯದ್ ಜ್ಞಾನನು ಸಾರವಾಯಿ ಆರಿಸಿಗೊಂಡಲ್ಕಿ ವರಿರಾದು ಎಂದ ಇಂಡೆಕ್ಯ ನಿಂಗ್ಲಕು ಕೃಪೆವು ಶಾಂತಿಗೂ ಹೆಚ್ಚೆಚ್ಚಾಯಿ ದೊರ್ಕೋಟು . ^{3 4 5} 3 ನಂಗ್ಲ ಕರ್ತ ಅನಾ ಯೇಸು ಕ್ರಿಸ್ತನ ತಂದೆಯೂ ದವ್ರು ಐಕ್ರತ್ಗು ಸ್ತೋತ್ರ ಅಗೋಟು .ಅದು ಯೇಸು ಕ್ರಿಸ್ತನನು ಸೇತ್ತತುಲ್ಲಿಂಡು ಅದ್ದಿಪಿಚ್ನತ್ಗೊರು ತಟ ಮಹಾ ಕರುಣಾನು ಸಾರವಾಯಿ ನಂಗ್ಲತ್ತೆಯ ತಿರ್ಗಿ ಜೀವಿಸ್ರುಕನಿ ಸೆಂದು ಜೀವಕರ ಅನಾ ನಿರೀಕ್ಷೆಯತ್ತೆಯ 4 ನಂಗ್ಲುಲಿ ಪರ್ಪ್ಚು ನಂಗ್ಲತ್ತೆಯ ಲಯ ಕಳಂಕ ಕ್ಷಯ ಇಲ್ದೆಯಿಕ್ರ ಭಾದ್ಯತೆಯತ್ತೆಯ ಅದ್ರುಕು ಪಾಕ್ರಲ್ ತರ ಸೆಂಚು .ಆ ಭಾದ್ಯತ್ತೆಯು ನಿಂಗ್ಲುಕಾಯಿ ಪರಲೋಕುತ್ಗೊರು ಅಚ್ಚಿಕ್ಯಾಕು . 5 ಅಂತ್ಯಕಾಲುತ್ಗೋರು ಪ್ರತ್ಯಕ್ಷ ಅಗ್ರುಕು ಸಿದ್ದಆಯಿಕ್ರ ರಕ್ಷಣೆಯು ನಂಬ್ರಗಾನ ನಿಂಗ್ಲುಕು ಸಿಕ್ಕುರ್ದುಯಿಂಡು ದವ್ರು ನಿಂಗ್ಲತ್ತೆಯ ತಟ ಬಲತಿಂಡು ಕಕಾಕು . ^{6 7} 6 ನಿಂಗ ಸದ್ಯತ್ಗು ಅಳುದ್ನು ನಾಲು ದವ್ರ ಚಿತ್ತಾನುಸಾರ ನಾನಾ ಕಷ್ಟುತ್ಗೊರುಯಿಂದು ಅಗ್ರಗಾಯಿ೦ಚ್ನು ಆ ಪದವಿಯತ್ತೆಯ ಆಲೋಚನೆಸೆಂದೂ ಹರ್ಷಿಸ್ರಗ್ಯ(ಸಿರಿಕ್ರಾಗ್ಯ )ಹೈರಂಗ . 7 ಬಂಗಾರ ನಾಶ ಆಗ್ರದು ಸೈನ್ದೆಕು ಅತ್ತತ್ತೆಯ ನೆರ್ಪುಗೋರು ಪುಟಾ ಹೋಟು ಸೋದಿಸಾಕ್ನುಅದ್ನೇ .ಬಂಗಾರಕ್ಕಿಂತ ಅಮೂಲ್ಯವಾಯಿಕ್ರ ನಿಂಗ್ಲ ನಂಬಿಕೆಯೂ ಈ ಕಷ್ಟತ್ತಿಂಡು ಶೋದಿತವಾಯಿ ಯೇಸು ಕ್ರಿಸ್ತನು ಪ್ರತ್ಯಕ್ಷ ಅಗ್ರಪೋದು ನಿಂಗ್ಲುಕು ಕೀರ್ತಿ ಪ್ರಬಾವ ಮಾನತ್ತೆಯ ಉಂಟುಸೈರದೂ. ^{11 12} 11 ತಂಗ್ಲೆಂಚ್ಲಿಂದ ಕ್ರಿಸ್ತನ ಆತ್ಮವು ಕ್ರಿಸ್ತನ್ಕು ವರ್ರಬೇಕೈಂದ ಭಾದೆಯಾತ್ತೆಯ ಐಲ್ಯತ್ತೆಯ ಅನ್ಬೇಸಲಿ ಆಗ್ರಾ ಪ್ರಭಾವತ್ತೆಯ ಮೂನ್ನೇ ತಿಲ್ ಸ್ನಾಪೋದು ಅದು ಎ ಕಾಲತ್ತೆಯ ಇಲ್ದೆ ಎಂಥ ಕಾಲ ತ್ತೆಯ ಸೂಚಿಸಾಕುಯಿಂಡು ಐಗ್ಯ ಪರಿಶೋದನೆ ಸೆಂಚ್ನು . 12 ಈ ಸಂಗತಿಲ್ಲತ್ತೆಯ ಮುನ್ನೇ ತಿಳುಸ್ರಾತ್ಗೋರು ತಂಗ್ಲುಕಾಯಿಅಲ್ಲ ನಿಂಗ್ಲುಕಾಯಿ ಸೇವೆ ಸೈರಗ್ಯ ಅಯಿದ್ನುಯಿಂಡು ಅಲ್ಕಿ ಪ್ರಕಟಹಾಸು . ಐಗ್ಯ ಮುನ್ನಾಯಿ ಸೋನ್ನ ಸಂಗತಿಲೇ ಇಪೋದು ಸಂಭವಿಸುಸೂ ಇಂಗ್ರ ವರ್ತಮಾನಯೂ ಪರಲೋಕುತಿಂಡು ಅಂಪಿಂದ ಪವಿತ್ರಾತ್ಮನ ಬಲತಿಂಡು ನಿಂಗ್ಲುಕು ಸುವಾರ್ತೆಯಾತ್ತೆಯ ಸಾರ್ನತ್ ಮೂಲ್ಕ ನಿಂಗ್ಲುಕು ಪ್ರಸಿದ್ದಿ ಸೇನ್ದಿದೂ ದೇವದೂತ್ರುಕು ಈ ಸಂಗತಿಲ್ಲತ್ತೆಯ ಲಕ್ಷ್ಯ ಅಚ್ಚು ಪಕುರ್ದುಯಿಂಗ್ರ ಅಪೇಕ್ಷೆ ಇದೂ. ^{13 14} 13 ಅತಿಂಡು ನಿಂಗ ಮನಸ್ಸಿನ ನಡತ್ತೆಯ ಕಟ್ಗೊಂಡು ಸ್ವಸ್ಥಚಿತ್ತರಯಿಂದೂ ಯೇಸು ಕ್ರಿಸ್ತನು ಪ್ರತ್ಯಕ್ಷ ಅಗ್ರಪೋದು ನಿಂಗ್ಲುಕು ದೊರಕ್ರ ಭಾಗ್ಯತ ಮೇನಿ ನಿಂಗ್ಲ ನಿರೀಷ್ಕೆಯತ್ತೆಯ ಸಂಪೂರ್ಣವಾಯಿ ಐಯಂಗೋ . 14 ನಿಂಗ ಮುನ್ನೆ ಅಜ್ಞಾನಿಗ್ಯ ಐ೦ದಪೋದು ನಿಂಗ್ಲುಕುಯಿಂದ ದುರಾಶೆಯಾತ್ತೆಯ ಅನುಸರ್ಸಿ ನಡುಕ್ರಗ್ಯ ಆಯಿಕ್ದೆ. ^{15 16 17} 15 ನಿಂಗ್ಲತ್ತೆಯ ಅಗ್ಸದೂ ಪರಿಶುದ್ದಆಯಿಕ್ರ ಪ್ರಕಾರವೇ ನಿಂಗ ವಿಧೇಯರ್ಕು ತಕುನ್ತರ ನಿಂಗ್ಲ ಅದ್ದಿ ನಡವಳಿಕೆಕೋರು ಪರಿಶುದ್ದರಾಯಿರಂಗೋ . 16 ನಾನು ಪರಿಶುದ್ದನಯಿಕ್ರತಿಂಡು ನಿಂಗ ಪರಿಶುದ್ದರಾಯಿಕ್ರುದು ಇಂಡು ವರ್ಜಿದುಅಲ್ಯ . 17 ಪ್ರತಿಯೊಂಡು ಪನ್ನಿಯಾತ್ತೆಯ ಪಾತು ಪಕ್ಷಪಾತಯಿಲ್ದೆ ತೀರ್ಪುಸೈರತ್ತ ನಿಂಗ ಅವಿಂಡು ಅಕಿರಾಗ್ಯಹೈಕ್ರಗಾಯಿ ಈ ಲೋಕುತ್ಗೋರು ನಿಂಗ್ಲ ಪ್ರವಾಸಕಾಲತ್ತೆಯ ಭಯಭಕ್ತಿಯುಳ್ಳಾವರಾಗಿ ಕಳಿಯಂಗೋ ^{18 19} 18 ನಿಂಗ ಬೆರಾಗ್ಯ ಕೆಪ್ಪಿಚು ತಂದ ವ್ಯರ್ಥ ಅನಾ ನಡವಳಿಕೆಯಿಂಡು ನಿಂಗ್ಲಕು ಬಿಡುಗಡೆ ಅನಾದೂ ಬೆಳ್ಳಿಬಂಗಾರ ನಶಿಸಿಹೋಗ್ರ ವಸ್ತುತಿಂಡಲ್ಲ , 19 ಪೂರ್ಣಾ೦ಗಅನಾ ನಿಷ್ಕಳಂಕ ಯಜ್ಞದ ಕುರಿಯ ರಕ್ತತಿಂಡೋ ಇಂಗ್ರುತರ ಕ್ರಿಸ್ತನ ಅಮೂಲ್ಯಅನಾ ರಕ್ತತಿಂಡೆ ಇಂಡು ಗೋತಿದುಅಲ್ಯ. ^{20 21} 20 ಅದು ಜಗದುತ್ಪತ್ತಿಗೆ ಮುನ್ನೆ ಗೊತ್ತು ಸೆಂದ ಅಂತ್ಯಕಾಲತ್ಗೋರು ನಿಂಗ್ಲುಕಾಯಿ ಪ್ರತ್ಯಕ್ಷ ಹಾಸು . 21 ಆತ್ತತ್ತೆಯ ಸೆತ್ತತುಲ್ಲಿಂಡು ಅದ್ದಿಪ್ಚು ಅತ್ಗು ಪ್ರಭಾವತ್ತೆಯ ಕುಡ್ತಾ ದವ್ರುಲ್ಲಿ ನಿಂಗ ಅತ್ರ ಮೂಲಕ ನಂಬಿಕೆಅಚ್ಚಗ್ಯಾ ಐರಂಗ ಅದ್ನೇ .ಹಿನ್ಗಿಕ್ರತ್ಗು ನಿಂಗ್ಲ ನಂಬಿಕೆಯೂ ನಿರೀಕ್ಷೆಯು ದವ್ರುಲ್ಲೇ ನೆಲೆಗೊಂಡಿದೂ. ^{24 25} 24 ನರಜಾತಿ ಅದ್ದಿ ಪುಲ್ಲುತರ ಹಿದೂ ,ಅತ್ರ ಪ್ರಬಾವ ಅದ್ದಿ ಪುಲ್ತ ಪೂವುತರಯಿದೂ .ಪುಲ್ಲು ಒಣಗಿಹೋಕ್ದು .ಪುವ್ವೂ ಉದ್ರಿ ಹೋಕ್ದು ; 25 ಕರ್ತನ ಒಕೋ ಸದಾಕಾಲ ಇಕ್ಯಾಕು ಇಂಡು ಸೋನ್ನಿದು ಅದ್ನೇ .ಆ ಓಕೂ ಎ೦ದಯಿಂಡೆಕ್ಯ ನಿಂಗ್ಲಕು ಸಾರಲ್ಪಟ್ಟ ಸುವಾರ್ತೆವಾಕ್ಯ.