1 Akhir ah, kawan pahari, badoa akan ikei, mangat firman Tuhan tau tasabar dengan kalajun tuntang imulia, kilau je tajadi hung antara ikau, 2 tuntang mangat ikei ilekak bara kakaren uluh je kajam tuntang jahat awi dia uras uluh manempu iman. 3 Tapi, Tuhan te satia. Iye akan manguat tuntang malindung ikau bara je jahat. 4 Ikei manempu kayakinan huang Tuhan tentang ikau lagi manguan tuntang tarus manguan narai je marentah ikei. 5 Sakira Tuhan ma'arah atei muh akan kasih Hatala tuntang akan katabah Kristus. 6 Kawan pahari, metuh tuh ikei marentah akam, huang aran Tuhan itah, Yesus kristus, mangat ikau mangejau arep bara kawan pahari je belum kadian tuntang dia sasuai dengan ajaran je narimam bara ikei. 7 Ikau kabuat mangatawa kanampi ikau harus manaladan ikei awi ikei dia kadian metuh ikei hayak ikau. 8 Ikei kea dia kuman panginan uluh beken tanpa mambayar ah. Sabalik ah ikei dia manjadi pambehat akan eweh bewei hung ketun. 9 Beken gawi ikei dia manempu hak akan taluh te, malain akan manenga arep ikei kabuat manjadi suntu akam akan ikau manumun ah. 10 "Katika ikei masih hayak dengam kea, ikei manenga ikau rentah tuh: "Amun uluh dia hakun bagawi, ela sampai iye kuman." 11 Awi, ikei tege mahining kapire-pire bara ketun je belum kadian, dia handak bagawi, tapi deruh dengan taluh je dia baguna. 12 Uluh je kilau te ikei marentah tuntang ikei manasehat huang aran Tuhan Yesus Kristus akan bagawi dengan tanang tuntang kuman rote ah kabuat. 13 Sadang ikau kawan pahari kuh, ela uyuh manampa kahalap. 14 Amun tege uluh je dia mana'at narai je inyata ikei huang surat tuh, nanda uluh jite tuntang ela hakawal denga mangat iye jadi mahamen. 15 Tapi, ela manampa iye manjadi musuh, tapi ningak sama kilau pahari. 16 Tuhan damai sajahtra sakira manenga ikau damai tiap waktu tuntang huang kare ka'ada'an. Tuhan mampahayak ketun uras. 17 Paulus manyurat salam jituh dengan lenge kuh kabuat manjadi tanda ka'aslin surat kuh. Kilau te kea aku manyurat ah. 18 Anugrah bara Tuhan itah, Yesus Kristus, mampahayak ketun uras.