1 Kawan pahari, ikau kabuat katawan bahawa pandumah ikei guang ketun dia sia-sia. 2 Aluh ikei manyarenan kapehe sahelu ah, kilau je katawan ketun, inyiksa tintang ihina huang Filipi, ikei manempu kahanyi intu huang Hatala akan mambarita Injil Hatala akam hung bentuk kakare panolakan. 3 Awi, tingak ikei dia ba'asal bara kasasat, je dia murni, atawa bara kapalsu, 4 tapi kialu ampin ikei jadi inyatuju Hatala mangat impercaya Injil, kalute kea ikei bapander, dia akan manyanang kalunen, kabalik ah akan manyanang Hatala je mauji atei ikei. 5 Ikei dia puji dumah mahapan kakare pander je mangantau, kilau je ikau katawa, atawa mahapan lasan akan kasarakah -- Hatala Iyete saksin ikei. 6 Ikei kea dia manggau tara bara kalunen, dia kea bara ikau atawa bara uluh je beken, aluh je sabagai kare rasul Kristus, ikei tau manuntut ah bara ikau. 7 Kabalik ah, ikei basikap lamah lambut intu bentuk ketun, kilau ije biti indu je mian tuntang maharagu kakaren anak ah kabuat. 8 Jadi, huang asi sinta je hai akam, ikei handak manenga akam dia baya Injil Hatala, tapi kea pambelum ikei kabuat awi ikau jadi puna ingasih ikei. 9 Awi, ikau ingat, kawan pahari, usaha tuntang gawin ikei je karas, kilen ampin ieki bagawi handau tuntang hamalem mangat ikei dia manjadi beban akam pandehan ikei mambrita Injil Hatala akam. 10 Ikau iye te kare saksi, tuntang kea Hatala, kilen ampin kasucim, kabujur tuntang jatun ati kacacat pambelum ikei intu bentuk ketun je parcaya. 11 Kilau je katawam, ikei maningak, mahibur, manyuhu ikau kabuat-kabuat, kialu ije biti bapa dengan kakare anak kabuat ah, 12 mangat ikau belum tumun dengan kahandak Hatala, je mantehau ikau tame huang karajaan tuntang kamuliaaan-Ah kabuat. 13 Ikei kea halajur manyewut syukur akan Hatala akan kakaren taluh tuh, bahawa metuh ikau manarima auh Htala, je hining-muh bara ikei, ikau manarima beken kilau pander kalunen, tapi kilau sabujur ah, yete pander Hatala, je metuh bagawi hung bentuk ketun, kakare uluh je parcaya. 14 Kawan pahari, ikau jadi manjadi kakaren uluh je manaladan kakare jamaat Hatala huang Yesus Kristus je tege hung Yudea awi ikau kea jadi mangkeme kapehe je sama, je bara kakaren uluh ije bangsam kabuat, kilau je ewen keme bara kakare uluh Yahudi 15 je jadi mampatei Tuhan Yesus tuntang kea kakare nabi, hayak mausir ikei. Ewen dia manyanang Hatala tuntang mamusuh uras uluh. 16 Ewen mahalang ikei bapander dengan kakaren uluh je beken Yahudi mangat ewen tau inyalamat. Kute ih ewen tarus manguntep dosan ewen, tapi kasingi jadi muhun hunjun ewen sakuntep ah. 17 Kawan pahari, limbas apandehan katika ikei imisah bara ikau -- kilau biti bereng, dia je sakilau roh -- ikei manyangit angat kataharu tuntang handak hasupa dengam. 18 Awi, ikei handak dumah guang ikau, mahi je aku, Paulus, jadi kapire-pire kali, tapi Iblis mahalang ikei. 19 Awi, eweh kaharap, kahanjak atawa mahkota kabangga ikei intu taharep Tuhan Yesus melai pandumah-Ah kareh? Amun dia ikau? 20 Ikau ih kamuliaan tuntang kahanjak ikei.