² niho lahiruhutak hojyok cebu hilasira hula obolo nahiruk niho Kristo hula obwoni Colossae. Ikie nangidari obwon niho ite, cebu nayomo niho Najyok Monye hojie. ³ Ohisiarahi ijie najiman owua niho Najyok, Monye ho Hobu hojie Yesu Kristo, cebu ohimojito moji tote. ⁴ Ahitiyir jie nahiruk hote niho KristoYesu ce bu honakwama naja fa ibwoniteretete niho ehule apiahare niho Najyok. ⁵ Ibwoniteretete ho anya kwama nyuo to nagolon howahan na otunahino fa nihote nihide. Itiyirata fate anya hiram najianan howuahan many berien nitarihe hohiram, natianya na odwa, na alotu nihote. ⁶ Anya tianya odwa obwonitere hona hangeri hokiani cebu obu fad nitodo. Ihonito mo anya nihote cebu many toholong fa itiyirineretete ngete hoce bu ijanatate nahiram hongidari ho Najyok nitarihe ⁷ Ngete anya nahutuk na odwa toho ijianata fete ngete niho Epafra, ngete lahegiamani hojie la ohikiamejie, ngete lahegiamani ohiruk Kristo tojie. ⁸ Epaphras isiarahi ijie najianan hkwama hoji nilohailong. ⁹ Nyuo to anya kwama, many tonoholong nohitiyirinere ijie anya abu fabu jie ohitobwoj namojio toji. Ohifiasito mojie iji ojo ohitufutahini hadi iji nolofero noho wahan hongete nigianyan hotonajianan holohailong. ¹⁰ Ohimojitito mojie ojo idahati hadi angida hohobu tonehoiha huja ongidari. Ohimojitito mojie ojo ingijata hadi ite niho nareji ongidari abito abito huja igiamatate ce bu ojo ibolorotote nilofero ho Najyok. ¹¹ Ohimojo ijie ojo ongida kuya iji cebu igolon niho nahigiama toho nahifiring hokwatan hongete niho nahitiringa hohiruk hongete ce bu nadihan. ¹² Ohimojo ijie ojo ongida ite hadi ijimata awua tona kwama bebe niho Lamonye, la fa ohisiarahi ite ibwanata hona hwaran horeji huja obwoni tolaheruhutak hojyok nifangan. ¹³ Ahitalahu ngete ijie tohinefito hedimele hoce bu ihisulahi fa ijie nihang he ha langete loho litaji. ¹⁴ Niho ihalangete, ihobwon ijie hona hinyiahahiso ho reji hari huja ohiwunututo mojie, nahibalahiso hepalita. ¹⁵ Lahito ngete nolohailong ho Najyok na obu oleyo. Ngete nolokang horeji fad huja obieni fa. ¹⁶ Tongete nareji fa fad hona bieniso, ehwe obwoni nihide hohuja fa obwoni nifok, nareji huja oleyiji hohuja obe oleyeji. Kuya nahituongita hohobwok kuya nahinefito fad kuya nahang fad kuya nahifirang hohinefito hohangite, narej fa fad obieni tongete ce bu noho ngete. ¹⁷ Obwon ngete nihatemeni horeji fad, hoce bu niho ngete obwoni nareji fad harabito. ¹⁸ Cebu ngete lohou hokwan, nakelesia. Ngete nolochifot ce bu nolokang tehiji ho ayeyiak, nyuo hati soni ngete hona maji nihji horeji fad. ¹⁹ Toho Najyok okwama fa bebe ojo huja etufutahi ngete ongida omanyie niho ngete, ²⁰ cebu nihitoyom tongete lahito nareji fad nikwan hongete. Ihwanahi Najyok nayomo tonohoto nahite n ikwala hongete. Itoyomohi Najyok nareji fad nikwan hongete, adobu nareji honifok kuya noho nihde. ²¹ Cebu, niho ibwo noholong, fa irahata angejuho niho Najyok hoce bu irahata fa amerok nihosi hote ce bu nihihwana horeji huja iboti. ²² Nyuo hati tahanya ahitoyomohi ngete ite tonakwan hongete tona yeyi. Ihon fa ngete anya ojo ongida ite ibwanata ahula inyilajata, hula ibe ibwanata hebwo nahiram, cebu ilany nahiteliangara nihatemeni hongete, ²³ netiringatite niho nahiruk, nafa ihuhumahino ce bu ogol, obu olo tona genon howahan hohutuk na odwa nofa itiyiru iji. Ngete anya nahutuk n odwa nofa iramahini hiho lati abito abito hula fa obieni inyi nifotir hohide. Ngete anya natianya na odwa nohorihi fane, Paulo, alotu ahegiamani. ²⁴ Tahanya akwamane niniama hone tote. Etufut cebu ne nitiang hone niho nasinge na obu otumohino nihitegiamari ho Kristo tona hiram hokwan hongete, ngete nakelesia. ²⁵ To ngete anya kelesia isiarahinere ne ara ahegiamani, toho nahinefito to Najyok nofa isiarahi niho ne tote, niho nahitufutahinere natianya hojyok. ²⁶ Ngete anya natunahino hotarihe hohiram honitaji nafa idimaru niho laragan holemusak hula ilunyohini. Nyuo hati tahanya itetelehini niho ehule fa iruhi niho ngete. ²⁷ Ora ngete noho ehule owak Najyok sing fa ongida ojieni ojo nanyuo nabara hokwatan noho natuna ho tianya natarihe nihiji holati hula obu orahi Yahud. Ngete na ojo obwon Kristo nihote, lohonitaji homoi nakwatan. ²⁸ Ngete ale lofa ohitianyari ijie. Ohingony ijie lati abito abito, cebu ohitejien ijie lati abito abito tonagianyan fad, ongida ijie ohiramahi lati abito abito niho Kristo. ²⁹ Tanya egiama ne cebu atem toho nahifirang hongete na obwon nimaji hohigiama niho ne nihifirang.