1 Lolohitwahajik niho Gaiu la akwama ne to natarihe. 2 Amojo ne ojo ongida ji ibolo nireji fad cebu ibwanitere ho nanyilaji, toho obolojiere nolohailong hoji. 3 Akwama ne bebe nafwoni hi lasirak cebu narahan ahapiahak niho natarihe ho ji, toho idahari ji nifangan. 4 Abu ne abwonitere ho na kwama na obolo ilany anyani, nihitiyirari ojo odahe lemusak ho ne tanakwama. 5 Itiringati igiama nahiruk nomo negiamati to hilasirak cebu niho lahatomonok, 6 hula ateli nakwama ho ji niha temeni ho kelesia. Ihwani angida nisulajiere sing nidahari niwahitere ho Najyok, 7 nyuo hati tanafure afwe sing niger, na obu iyare ibwo nasinge niho paganoji. 8 Inaha, ohiwak ijie itaniso to ho hule, ongida ba ijie ohira ahaletok lahegiamak to natarihe. 9 Egierehi ne ibwo nasinge niho laheruhok, nyuo hati , Diotrefes, la okwama na bwanan nihatemeni sing, obu ohimoju ijie. 10 Inaha, nomo nalotu ne, ehuyawu ba ne nahigemita hongete huja ihon ngete, tatali ngete otianya nahiramita huja orohoji niho jie. Obu obwon angida niho huja higemita, ngete to nakwan ho ngete obu omoju hilasirak. Itihito ngete lati hula owahi mojiniso cebu orohoyo sing to hiji ho laheruhok. 12 Ora Demetria la otel to nareji fad, to nstarihe. Ahitel cebu jie, ijianatate ojo otir natianya ho jie. 13 Abwon ne ho nahigierehiso nihote nareji huja olwaji, nyuo hati ne awak igierehiso sing nihote tana galam cebu nahari ho ngete. 14 Nyuo hati awak dwo ne tialan ite kerem, cebu ongida ohitianya nolonyihaje. 15 Ikie nayomo obwon nihote. Ohihate ite lamorit. Ihatahisi lamorit tanafureto.