¹ Paulo, lejifiteni ho Kristo Yesu to na wahan ho Najyok, ce bu Timateo hilasi hojie, nikelesia ho Najyok na obwon Korin, ce bu niho lamojok ho hang ho Achaia: ² Ikie namehino ce bu nayomo niho Najyok Monye hojie ce bu Lohobu Yesu Kristo obwon nihote. ³ Ikie Najyok cebu Monye ho Lohobu hojie Yesu Kristo itokwati. Ora ngete Amonye ho mehino cebu Najyok la itotoso fad. ⁴ Ohitotoso ije Najyok niho nediahita hojie fad, ongida ijie otoyomo hula obwoni ho nediahita, tona yomo na okialare na itoyomorete nohotehi hoji to Najyok. ⁵ Toho nahipadata ho Kristo na obolo noho ngidari ho jie, cebu lahetotosoni la obolo na olotu to Kristo. ⁶ Nyuo hati hetedehi ije, ngete noho nayomo ce bu natuna. kuya na yomo je, noho yomo ho ji, ani higiama na idikiji ingagara niho nitaban na okialare na cebu hetabani je. ⁷ ce bu nangidari hoje nihoji otirahi, ajen ojo toho ita ngarari ji nahitaban. itangara cebu ji nayomo. ⁸ Obu jie ohiwak ite ibe ijianata, hilasira, ho nahitegiama na ohihorihi jie Asia: ohitegemi fa ijie bebe many olang nadihan hojie, many ohigigilo jie ojo obu hadi jie ohisu. ⁹ Tarihe, obwonitere fa jie nangoto ho yeyi nihojie. Nyuo hati obu fa ene otum ohisiarahi ijie obu ohiyanahi nakwanite hojie, nyuo hati niho Najyok, la itubuhunita lahayeyi. ¹⁰ Ahilwahu ijie toyeyi horohoji, cebu olwahu ba ijie hari. Ahiyanahi jie nahiruk hojie niho ngete ojo hari, ohitalahu ba ngete ijie. ¹¹ Igiem hadi ngete anya toho ilwahariti te ijie to namojo hote. Olwaji hadi lati hula isieri na awa tojie to namehinita na isiarahite nihojie nimojita holohoi. ¹² Ohipufa ijie tanya: nahitelehiso ho higigilita hojie. Ora tana nyilaji ho wahan cebu natarihe ho Najyok ojo ahigem ijie nakwanitr hojie nifok. Ahigem ijie anya singe hote,cebu obu lora to nolofero, nyuo hati to namehino ho Najyok. ¹³ Obu jie ohigierehi ibwo nasinge na obu te ikianata kuya obu ijianata. Abwon ne ho nahiruk ¹⁴ toho ejianatate ijie nigati, ojo niholong ho ho Lohobu hojie Yesu, ohira hadi ijie atianya ho pufa hote, to ho irahiterete hadi te nihojie. ¹⁵ Tananyuo ajien fa ne to anyani, awak fa ne lotiniso nihote berien, ojo ongida ite ihorihiso nangidari ho waja harik. ¹⁶ Ehuhumahino ne nawaja ite lomo nadaha ne to ho Makedonia, cebu hari nadaha ne to Makedonia, ongida te inyamahisi ne nihoi ho ne Yudea. ¹⁷ Lo fa negigilo ne anya hoi, edaya fa ne? kuya he huhuma ne nareji toho ihuhumariti lati,ho ojo, ongida ne atianya ''Ee, ee'' cebu ''Obu, obu'' niholong na okialare? ¹⁸ Nyuo hati toho iruhutari Najyok, obu jie ohijo ''Ee'' cebu ''Obu.'' ¹⁹ To Lahito ho Najyok, Yesu Kristo, niho Silfanus, Timateo ce bu atianya ne nihiji hote, obu ''Ee'' ce bu ''obu,'' nyuo hati tihitik ''Ee.'' ²⁰ Nahitinita ho Najyok fad sing ''Ee'' niho ngete. Tinya cebu niho ngete ohijo ijie ''Amen'' niho nakwatan ho Najyok. ²¹ Tahanya Najyok lohitobwojihi ijie niho Kristo, ce bu ohisulahi ijie. ²² Itohum ijie himuhohi ijie ce bu isiarahi Nolohailong nitajio ho jie na ahiteniafahiso nisinge na ba olotu ngete isiarahiso nihojie nihalu. ²³ Ati angele ne Najyok ongida ora ahapiahani ho ne obu ne alotu iji Korin ojo ongida ne alotu isisio ite. ²⁴ Obu ora tohoja to nanyuo owahiwak ijie tunan tatali nahiruk hote otum obwon. Ati ohigiama ijie hote to nakwama hote, nomo nebotiatite nihiruk.