¹ Ngete lo fa obwon many to lochifot-na ahitiyir ijie, na ahitel ijie to nohonyehite hojie,na ahitel ijie, cebu atiri nehes hojie-to nahiram ho hisu. ² Eteteleni fa nahisu, ahitel ijie, cebu ohira ahapiahak, cebu ohiramahi nihote nahisu na osio, lo fa obwon niho la Monye, cebu iramahini niho jie. ³ Ngete na ahitel ijie cebu ohitiyir ohiramahi cebu nihote, ongida te iruhisi nihiji hojie,cebu nahilihita hojie ho la Monye, cebu Heha la ngete Yesu Kristo. ⁴ Ohigierehi jie hunya reji nihote ojo ongida nakwama hojie otuhohini. ⁵ Ngete anya natianya na ahitiyir ijie nihongete ohiramahi nihote: Ora Najyok afangan, cebu nihongete obe nidimele. ⁶ Nahijo ijie ohilihita ijie hongete nyuo hati ohidaha nidimele,ohigesem jie cebu obu ohitenyito natarihe. ⁷ Nyuo hati nahidaha jie nifangan to ho odahari ngete nifangan, ohibwonitere jie ho nahilihita nikwanite hojie, cebu nohoto ho Yesu Iha langete ohitinyilany ijie tepalita. ⁸ Nahijo ijie ohibe jie ho nepalita, ohitonononga jie nakwanite hojie, cebu obe natarihe niho jie. ⁹ Nyuo hati nahiwaha jie nipalita ho jie, ongida ngete cebu otirahi nihipalahinere nepalita ho jie, ohitinyilany ijie niho nerohojita. ¹⁰ Nahijo ijie hobu jie ohipalaya, ohitarak ijie ngete ahagesemeni, cebu obe natianya ho ngete niho jie.