¹ Poroma, ketamo kutiwirani naqa Ituni anna-nare. Tibaqawama Timotikaq witana Pirimonima ketai kateko anabogaraq iraqo mayai nare. ² Abo, Apiama keti manatae, Akipusima ketai-inare, mira inana monoq wayukamo eni naupaqo, yama kaikuyomma. ³ Itogoma ketibotagaraq Ituma ketamo kutiwirani nakoni arun-naikaraq, kayone aimma kerawate maniye. ⁴ Kema, mate taoqa, Itogomma timuqa kemara-kaune. Kerawaqa nunamumma keti-mati-kaune. ⁵ Kerawati tikai-tikai aikaraq timakakimo ketai anokoma Itu-nopaqo marakeraq monoq wayukamo, miramo otaba-garaq itatuwa-une. ⁶ Keti nunamuma, keroti aikui-yata-karaq tima-kakima akona ke-ena itai yataraq iraqo tataqa ketamo tiwirani nakopi maiye. ⁷ Kema anomma timuqa maraune, kerawati kayone aitaba-garaq tiruno aimo tibaqawa-yumo emo monoqo itara-kayukati yirumo mama auge-nauge kamo otabama. ⁸ Mirai-tabama, kema Itukaq yareq mira-oro-mara-oro teqa kerawaqa ke-tima-timune. ⁹ Akai-aki aitabama, kema Poroma Ituni anna naqa anonuqma kamagune. ¹⁰ Kema ketanima Onisimasi taba keitaune. Kema abowani teni-annamo atau-matikara waqa uraune. ¹¹ Tebaka taoqa wema ekaqa tawigoniq umagu-raine. Mira-imanibo, ebeqa kerataraqa wema iraoniq uraiye. ¹² Kema ibeqa enopaq tima-kaunana wiye, Mina ketirupike niyapo urane. ¹³ Keti ano tuyanama,kete maikae tunae. Mira-inanama, wema kemma kerawa-tabae tena-ramma, kemma tiwaqna tiwana iniye. Matupama monoq aikakene teta teni ana-napomo atauma-tikawaqo maun-nabae. ¹⁴ Mira-imanibo, kema Ima mora yatariq onune, emmo immo kanarare tirenaqa. Emma iraqon nauyana kake tiwaqna inone, emmo araimo kemo tiwaqnamo inoma. ¹⁵ Miran-naitaba biopowana wema nekakama mae-uriye. Mira-ina, wema akaq Emma awire-nana ete-maniye. ¹⁶ Wema, mayaima pamo mayaimo mayateka urai-manibo, wema orika-ena ketai kateko tibaqa wara-uraiye. Kemo wema aonama kateko-uraiye. kera-watopaqa, paa rakaroq, ketai anoko-nopakara, mira-uraiye. ¹⁷ Emo kemo tiwiqma enopariqo emmo Emma mirarauma wemma awiraro. ¹⁸ Emmo tawi aimo umakenabio, enopakemo mora yataqo, matai-nama, kemma tima-timinaraq meyaniq ono. ¹⁹ Kema Poroma keti-yapike man-aubama agayaune. Kema anona-umma mayaniq onune. I'ma Kema teqa, Emo ana-uranama ketopaq maiye ketune. ²⁰ Tibaqawae,anoko-pima ketopariq urenakao, ketiruma Itupima mama augen-nauge ure-nakao. ²¹ Akona auyana-kakemma aama itaao, man-naubama enopaq kaga-yaune, Kema Emma ite-aone uraune, kemo, emmo itanunama, ema kota-maqma mira-inone. ²² Mina-garaqa, morama aumo wai maruqa yoka-uwo, Kema túyáánámmá itau-nama, kerawaqo, nunamumo tiya-tabama Kema yauweqma kera-watopaqa yenune. ²³ Epaparasima, ketemo anna-naupaqo Itukaqo Mai wai-goma inopaq amuq-aima yuwaiye. ²⁴ Mira-inata, makimo, Makimo, Aristakusim, Demasi garaq,Arukuma, ketemo mayaimo mayan-annae. ²⁵ Anomma, Itumo tiwirainaqa, wení arumo-iyatakoma kerawati tiru-niyapogote maniye-araitabae.