¹ Sa-in me lon, tomol pa-in dag megalaum gar di kurum mok, haun disek ge ya-nek aben ta i ya-nek inan, Yesus inan megalaum gar i-ving ipeind. ² Aba haun ta worou mene nge pitininind wi, atawi i nali toli mug mo, ge demand. ³ I ma eh, inan din hamb ke-tei-ketei lon dilap tap dal lo soborot unind wi. Rehela i dal malain mok dise. ⁴ Inan megalaum gar dimais dibol, dom de ta ma idus tangal wi? aben kararak mane lon, tomol, pa-in ilon din idus wi. ⁵ Yesus imais iseme, sapalang pi, abide? dimis dibol nimanta-kukun oru. ⁶ Tomolpa-in ipeind, tan lo dimand. Sapalang me lo igud, ing-eleg i boheteg inan megalaum gar ipinind. Diwaig tomol, pa-in gugul pikpik dieni. ⁷ Inan megalaum, i-ya maka-maka di me wi ingeleg gading inoug, ipininddiwai idu. ⁸ Dienig lu-andi didig, ma ri-ela haun imul, dingeleg sareg lo haun dinou, niman-oru kukun oru itansa. ⁹ Tomol, pa-in diseg ke-me kurum mok. Ge gugul luandi didig, Yesus inound haun dimul. ¹⁰ Pasak mok didug, wang ilonde, inan megalaum gar di, dipodoug Dalmanuta hotu lon dile. ¹¹ Farisi gar diseg ide gom dibol ileg ise, tibitinai wi disimieni, didi lat inan kobul ta hu-noup anai. ¹² Nge diseme, ke-me wi ibol, sa-in mereme lo kobul ta itansa bahe. ¹³ Haun, tomol, pa-in me, ibinind you lotpai de ile. ¹⁴ Sa-in me lo, inan megalaum gar, sapalang ta wang ilonde dinou te-eh. Sapalang ketei mon wang ilonde i-yan. ¹⁵ Yesus, inan megalaum gar ipeind, ang ibum wi dob onou, Farisi dag Herod wi, molum ererei mok. ¹⁶ Megalaum gar ibendin dikas ileg ise, i , gom me ibol ke-me inan hun me, heind sapalang ta-eh. ¹⁷ Yesus i, mug ilong, mata dibol ke-me, Yesus ibol sapalang eh ke-me wi abol? Ang idus te-eh tob? O ang kankan eh tob? ¹⁸ Ang molumpatun di, ge ang enei te-eh tob? Ang tingila di, ge along inan eh tob? O me wi kankan onou te-eh tob? ¹⁹ Sa-in nga sapalang niman-ketei, tomol, pa-in kurum lo ngetrepele ke-me. Sapalang sareg pi itansa? Dag eng dipei, niman-oru kukun-oru. ²⁰ Sa-in sapalang nimanta nga boheteg mandaing ilonde awai ke-me, sareg pi haun imul? Dimais dibol niman ta kukun-oru. ²¹ Ang me wi along te-eh? Yesus iseme. ²² Betsida de diseg, tomol, pa-in, tomol malan eh tap dingeleg diseg, Yesus, inei wi dingeleg dise. ²³ Yesus, tomol me niman yebig aban me dibenig dileg, malan lo i-yasu, niman gaten lo inoug, tomol me isimieni, abta nai inan idus? ²⁴ 26 Malan po ibol, imais ibol, tomol, pa-in gar nganei, ge ai ababa me ditor engede nge nei. ²⁵ Wadang imais, malan lo niman inoug, malan po ibol, ababa inei u-yan mok. ²⁶ Yesus, bang de inoug ile, ipei haun haben ri-an lo so mok udul mon. ²⁷ Wadang, Yesus i inan megalaum gar di, dimais Sisaria Pilipi lon dile, dal l, inan megalaum isemeneid? Tomol, pa-in diniung ke-me dodog nga wi kankan dingele? ²⁸ Dimais dibol, tua dibol o Jon baptais inan, tua dibol o Ilaija dag worou tua dibol o Tibud inan hurat tomol. ²⁹ I mais isimeneind, ge ang abol nga ait mok? Dag, Petrus imais ibol o Yesus. ³⁰ Yesus imais ibol, so mok angu niung wi abol. Nga dodog-dodog. ³¹ Imais, mangau ipinind ibol tomol nanun gan muruan kurum ilonde ila wi, gaten gar, kibiaing gaten, Farisi i wi dimui wi, diabip duhunip imat wi, ge nali toli wadanplo imais wi. ³² Bangat inou, Yesus, Petrus ingeleg ileg da-wain lo ipai. ³³ Yesus, ibuleg inan megalaum ineind, Yesus, petrus ipeleg ibol o tomol saren(satan), o murig lo usa, Tibud wi dobonon d e-eh, ge tomol, pa-in andin me wi mon. ³⁴ Wadanp, inan megalaum gar iwengin dise, tomol, pa-in gar di ipeind ait ta u-rung wi tap, ababa gugul benip, ina yakabarek yawarep u-sop nga u-rung. ³⁵ Ait i, iben wi inou tap me ambas ila wi, ge ait i nga wi imat tap, i sa-in gugul imand wi. ³⁶ Didinek dodog gan tomol ta ing-al wi, sa-in tan me inan ababa gugul ilon lo tap, dag iben ileg ibenig, dag di malan? ³⁷ Mata inoup gan i, iben ing-la wi? ³⁸ Mait nga wi mimiai dap, sa-in me lo angu gom mimiai dap, Tibud nanun, di gan ang wi mimiai inou wi. Sa-in angu mam inan aben lo dise tap.