¹ Yesus aben me ibeing Judia otu loile dag Jodan you di nenerig ile, dag tomol, pa-in gugul irinde dise. Haun gom ipeind, u-rat inou ke-me ileg haun inou. ² Farisi diseg i disimeni, ''dodog? Tomol ta inan iwan ibeni inan idus?'' Gom me Tibud i bitinain inei. ³ I iseme, '' Moses dodog ipai? '' ⁴ I dibol, '' Moses ibol, tomol ta inan pa-in ipasi wi tap, i gan ngalek-ngalek sogotek inan ilon ibol ke-me gan igar ibu wi.'' ⁵ Yesus engede ipeind, ''Mosesi i lo mene, igere ke-me inan hundi mata wadan wi, tomol i pa-in dibein wi dinou. ⁶ Sa-in hun lo Tibud tan me inou ibeing. Tibud, tomol, pa-in dinou. ⁷ Me wadan wi, tomol inan tinan taman ibeinp ilap i wan di dimand. ⁸ Me wi, oroibid ing-al ditemeni dimand. ⁹ Me wi, Tibud mata ipou ke tomol ta pasi inan idus te-eh. ¹⁰ Sa-in hamb lo haun disek dimand dag, megalaum gom me wi diseme. ¹¹ Yesus ipeind, ''tomol ta pa-in ibeni tap, i kagin alan inou. Pa-in haun ta ing-ele tap me, orobid kagin alan dinou. ¹² Pa-in ta iwan ibain-ibain tap, tomol haun ing-ele tap me idi kagan alan dinou.'' ¹³ Nanundin ding-ele dile, Yesus i lo gading inound wi dag inou megalaum tomol, pa-in aba me dipesind. ¹⁴ Sa-in kagin me dinou wi, Yesus i ibol, ipik-pik me ibenip nga irinde dise. Mata wi sa-in hangu (kindom) mumunang aben lo usa wi tap, o gan ipik-pik engede hutan sa wi. ¹⁵ Mok mon nga ngipiang de, tomol, pa-in, ipik-pik eng-gede dimand de-eh tap, hngu (kidom) mumunang aben lo didul inan eh. ¹⁶ Ipik-pik inge leing iseg iwondi lat de i-gud. ¹⁷ Sa-in, inan megalaum di, ditor dile dag, tomol ta i-polug iseg Yesus nien lo ibal idu iseme. ''Garek mangiau hu-yan! nga dodog nghoup gan tan hotu lon gaid-gaid nga mand wi? ¹⁸ Yesus, bulig ibol mata wi ga nge-gede piung, tan me lo tomol u-yan ta-eh. Tibud mon. ¹⁹ O lo wi u-long, hangu gom Moses ipanung ke-me. ²⁰ Tomol me haun Yesus ipei,sa-in nga ai mokung lo, inan lo me gugul nguri ke. ²¹ Yesus i wi ilon ibol, ibulig ipei, haun u-mulp u-lap ina ababa gugul pinind, dag gangmalan me di, wair di-mand ke-me pinind. Dap u-rug, dag o ngia didi lat de i-yen wi. ²² Sa-in gom me ilong, ibulig kan-kan u-nig itor ileg, mata wi i aba ri-ela di. ²³ Yesus ibulig inan mumuang abenlo ait ipeind, tan me lo ababa ri-ela ditap, Tibud inan mumunang aben lon dila be-eh. ²⁴ Megalaum me dilong, dirut tarara dibol. Yesus haun ipeind, along! Tibud inan mumunang aben lo ala inan idus te-eh. ²⁵ Kamel nidol inan gogon lo idul inan, ge gang-malan tomol Tibud inan (kidom) mumunang aben lo ile inan idus te-eh. ²⁶ Megalaum me dilong, dirut, gom bala-bala enge de dibol . Menan tap, meit gan sa-in gugul bas engede imand wi.'' ²⁷ Me wi Yesus ibulig ipeind, tomol lo-me aba muru-wan ta-eh. ²⁸ Sa-in Yesus i gom ibol ibeing . Petrus imais ibol, hamb ababa gugul ibeing o u-rind. ²⁹ Dag Yesus ibol mok mon nga bol, tomol ta ina ababa gugul benip nga u-rung hangu gom u-yan me di tator tap. ³⁰ Igan ababa ibeni ke naun ing-al wi, dag di ait nga ilong lo mok nga ngiliung tap, sa-in bas imand wi. ³¹ Me wi, ibol, tomol dimung dimani ke-me, Wadanp i murin de dimand wi dap murin dimand ke dimung dimand wi. ³² Yesus inan megalaum di ditor Jerusalem lo dile. Megalaum idirut inan dige-leg tomol, pa-in idi direr. Yesus inan megalaum iwengeid ileg aben tomol, pa-in eh lo. Ipeind aba wadan itansa inan, me wi. ³³ Nga anai, sa-in Jerusalem lo talap, gan tomol nanun di abip dinoup ager nimendi lo ilap dihuni, imat wi gan gom dipou wi. Dap gan dinoup tomol u-nek inan niman lo gan ila wi. ³⁴ Gom gan silali dipai, naun lo diasu, duhunip ilap imat wi, ge nali toli wadanp lo gan haun imais wi. ³⁵ Jebedi inan nanun Jams, Jon di Yesus disimieni, am oro-bid o asiminan, i abata am wi nou inan idus. ³⁶ Iisimeneid, ang wi abata mok gan nga ngnou ponaug wi? ³⁷ Dag orobid dibol, benip ina gagaun lo gugul, tamand, ta wang lo dag ta nga-sik lo. ³⁸ Ge Yesus ibol, gom ke-me nga along te-eh, idus las nga-nge mug ke-me ang emu ina idus? ³⁹ Orobid, dipei ilong, am idus. Dag, Yesus orobid ipeind . Mok las nge-mu-ke, dag bari nge-ngnou ke-me ang-onou inan idus. Ge Tibud inan gagaun lo amand inan me gan idus te-eh, mata wi me hangu aba eh. ⁴⁰ Ge, nimand wang lo ngasik lo, tamand inan me idus te-eh, me hangu aba eh ke-me wi nga-pang inan eh. ⁴¹ Sa-in, megalaum tua me dilong, Jams, Jon di burundi isa. ⁴² Wadan Yesus inan, megalaum temeneind engede ipeind. Ang enei tomol rie-rie tomol,pa-in ditirini dag ke-me. ⁴³ Ge ang kagin me so onou mon. Ang lulung de, tomolta gaten itansa wi tap, i gan u-rat ai ambas. ⁴⁴ Tomol ta gaten itansa wi tap, ang ilonde i gan u-rt ai ambas. ⁴⁵ Tibud nanun tan lo ise ke-me, ilo dinek u-rat tonou inan eh. Ama aupasek lo imat, dag and alan me idad. ⁴⁶ Sa-in Yesus inan megalaum di Jeriko dibening dile dag, tomol, pa-in gugul di tei dile. Tomol ta mala alan, nien Batamius, Tamaius nanun. I sa-in gugul dal lo imande, tomol, pa-in gangmalan wi simeneidde. ⁴⁷ Sa-in ilong Yesus, Nazareth inan is, awan rie-rie lo ibob-ibob. '' Yesus, Devit nanun!' nga wi ilo ponung. ⁴⁸ Dag tomol, pa-in i wi dingeng, i me wi kan-kan te-eh, i haun ibob-ibob, Yesus, Devit nanun! nga wi ilo ponung. ⁴⁹ Yesus me ilong inge-leg itour ibol, '' tomol me ang--alep asa. Dag tomol, pa-in dipei, o pasak imais, Yesus wingian de. ⁵⁰ Pasak mok imais, ababa biregi Yesus lo ipolug ile. ⁵¹ Yesus, tomol me isimieni, o lo mata ngo-nou wi. Dag ibol, Yesus, molung pin-gi-nip hotu nge-re-rei wi.'' ⁵² Dag Yesus mos i ipei. '' Ula, inan ilo u-yan lo me inoug u-yan u-ttan-sa'' pasak mok, inan u-yan ing-eleg Yesus u-rig dile.