Kanu mana-u Aifin

1 Se'i Pori sireti ena anan nanin banta tiamiya uno. Yisas Kraisini yoran mano se-in tirantan tiyan dame mino. 2 Sireti ena anan nanin banta, sei Pori sirenan iniya uno. Tiyarafenu ni sarisari ma dafisinona sirena barano sire ten timi khene. 3 Tei aupa baya tisimi inire vompon uvaman kae uno. Aupa ma pura vaya bain, mana a'ara vompon uwaman ame uno. 4 Ema yankhfinte kanai'e uwantein vompon avovai inono. Yisasin pima pura vaya aupa bain. 5 Maan tukhan mai pura vaya ano ida dako en mino, pema orein nanibantafin. Kanta aunamano ma dako e mino. Baya ma varen orin bantafinte ba sakhanampa vanta va doran ma mana mana amein. 6 Pura vaya ma aupa barein man amaen mino. Ena anan naninbanta va Yutan kayo va tare mana antu mino. Ukhan Tepuroma pe ma mono baya fima be'uh dai'me tian ba're ei-mino. 7 Bei akona fo Tiyarafenu nin tarisarifin amusin timire, tei emante mono baya vare uno. 8 Se'i Pori Tiyarafenunin mono nanin banta kipan muno, tarisari amire ma tia me uno, ena anan nanibanta Yisasini in tikhakhein i yose ren baya. 9 Tema sena mono vaya ano ena anan nanin banta va Yutan kayo va avian pura sikhe inta kainte mino. Mai vaya maen Tiyarafenu ano ma, ma varara ma arai ein uwarein mai aupa baya ma ben pin barein baya ino. 10 Be'i mono namun mai vaya sian kaein mino. Ma'an ukhantin inarufa ma vain dafisin kayo va akona ma pakakhein kayo ano afovai intemino, uvama'an dana ba Tiyarafenu bei inin ma tian ama-en. 11 I kipa inin ma ama'ein, pema Yisasinta ma tian kain ba're eim mino. 12 Tana vara na ma ifera nama mai setisi mumunan mano ma tinti Tepuro pinte ba'na te uno. 13 Ma'an ukha iyo se inae iva sa ara uman bano ,tema ina uman-o yosi yauno main eni kama van mino. 14 Mai ana va maen, Tifoe vaipa tei tiron konkon uve iyo timuke uno. 15 Inarufa bain antun kayo va' mavarara ma bain kayo avi ma dakhein Tiyarafenu ano ino. 16 Inan tekun inti khakein panu akona te-in timen mi' mai akona kanta aunan pinke si' uvaren aminten mino,ena ma baine. 17 Eni mumunanta, sei timuki yakun Tepuro bei anunu timinti mantan akona onte. 18 Mai anunu ano ma akona aminti afovai inono, mono baya ma inire ma dakhafin kayo. Nai fina asika vana,aya banafi dan amen banafino. 19 Ma'-an ukhantin Yisasini anunu afovai inono, mai anunu ano setin timen esanta khein mino,ukhanti Tirafenuni mino dana tetin bin bikan temino. 20 Be-i ano kanai-en inian tetin ina orenta safi iniya rafo beni akona ma setin pin yori yain. 21 Yisasin pin ma erin nain nanin banta ano mono namum pin na Tepuron amose no. Pura.