1 Tiyarafenuni anunura' Tepuroni vaya baren orin banta, Pori ano baya uvan man Tiyarafenuni kanta si' ukhein nanin banta Efesasi bain kayo ma' Tepuron ta mumunan iyain kayo vaipa uvaman kain orein baya ino. 2 Goti setin Tifoeni' arakusin nama Tepuroni tarisari ano va' tirema kasen bano. 3 Tetisi Kakan Tepuron afoen ara' kusin nama Tepuroni tarisari ano va' tirema kasen bano. 4 Mavara arai inta' Tiyarafenu tetin ani' Tepuron pin iyami kantasi' eva iya umam banti va' Tiyarafenuni anunu aufasa' ba. 5 Tiyarafenu pefa tetin ani uren tivian Tepuron pin be akhasi' uren be-i kama avu'ava' poke' anunu setin e-mino. 6 Tetin ma' sivi keini ana ma' vain be-i kakan panu akonai tarisari foke bei mana au-anon take iyampon pinkei uren para setin timikhemi. 7 Beni bika'ren avan tein tarisari ma onesin' maen' Tepuroni nare ano tetin ume aruyen tivikemi'. 8 Bei tarisari foke inin afova avaden tetin timikhemi'. 9 Tepuroni kama avu'ava' ma' aupa ba-ein' mai avu'ava'tetin tura bei anunu foke aman amasi' enmi. 10 Mino yana' ma inarura barara ma' vain inire oare yava' Tepuron a'non aranao ovare evare mana va' ba. 11 Tepuron pin tetin tivian pefa beinai ukhenmi' beni ininta ba anunurai mino yana' baren aruen ukhenmi. 12 Tiyarafenu pefa tetinan beina-e tikhemi, maan tukhanti' mino yana' pin teti nare akona inin bare tifera' beni panu akona van muse' teni. 13 E-ima Tepuroni pura vaya ma' iniya mumunan iyante mai ayain baya Kanta aunani akona foke tian dara maen baya ino. 14 Beni panu akona i amusin aupim iye tisin takein danasa bain inaimpa pura sera baran terafu. 15 Mai ana vami' Tepuron pin teima ineruna' tiretinti mumunan mano Tiyarafenuni kantasi ukhein nanin bantafin kanai ukhenmi. 16 Tesi timukim pin Tiyarafenu nama muse tiya tireni nan ina ida taune iyauno. 17 Te-i ma timuki yana Tiyarafenu tetisi bafan Tepuroni panu akona Afoe' maen' Kanta aunani kama afova ba' aupa bain baya va' inin nama aminte mino. 18 Timu kiyakuna' Tiyarafenuni kanta bain nanin bantaii au'on'mano panusintin na' ema' amikhein akona inin afova afokai. 19 Ida ma' tetin ti mumunan pin manai' ukhein akona van' timukin poke inante seya beni kakan doran akona fine. 20 mai akona foke ana Tiyarafenu yoden purim pinke, avoraren avian kain inaru barufin beni ayan kuronpa kumanten mino. 21 Mino e-antakhein akona va' avipinte mam baya yaro e-antaren menanta kumante mino,Tepuro be-i anunu fin manan aviren oriyan inaim ma erin nanin banta fin inain maan intemi. 22 Tiyarafenu mino yana' Tepuron arantan pin kauden ikan ben anonta ina mino mono avu'ava' ina kauken mino. 23 Mono ma vain, ben au'ifo ben pinte' ana-in bike avaninompo ara' nao si' sa'o.