¹ Kumanikiza ba kwangu , Muboterwa mwi zina lyo Nfumu. E me kumiñora zinu zintu kali kutaye nimikwangise, kono izi zintu zimi tusa ye muhare mukusirerezwa. ² Mumamera aba mbwa, mumamele aba beleki be chibi noku mupato owo kawina nenja. ³ Kakuli ndiswe o mupato.Ndiswe tu lapela mu ruho rwa Nyambe, Ndiswe tuli kumusa kuli kora mwi zina lya Jesu Kelesite mi katwina e nsepo mwi nyame. ⁴ Noko kwina bulyaho,kandi wola kuba ne nsepo mwi nyama , kapa zyumi kawola kuba ne nsepo munyama kono hamwi ndimu hita. ⁵ Ninda kabila mumupato we zyuba lyobu 8. we chicaba cha Isilaele ni we sika lya Benjamine, muheberu wa ba heberu , omu falisi. ⁶ Ninda sehekesa e keleke ke baka lyokuluka ko mulawo kono kali ninda nyanswa, ⁷ noko kuti zintu zonshe ka zina ntuso kwangu. Ninda ziluza ke baka lya kerelesite. ⁸ Kobuniti , e chintu ne chintu chaazya kubambanya no koku zyiba ke zina lya Jesu Keresite Nfumwangu. Ka kwe ninda takula e zintu zonshe. Ninda zibona kuba za masila oku taye ndi boorerwa Jesu Keresite hape. ⁹ Mi ninda muwana hape. Kandina oku luka kwangu ndemwini kunje yo mulawo. kono, ndina okuluka ke ntumelo ko kuruka kwa Keresite, Oku ruka kuzwa kwa Nyambe ke ntumelo. ¹⁰ Kabulyaho ndishaka oku muzyiba na manta zakwe oku boozekezwa no burapeli mumashando akwe. Ndi shaka oku chinchwa no ku bonahara mu rufu rwakwe ¹¹ no kutiye imwi nako ndoku remuha amanta oku boozwa kwa bafu oku zwa ku rufu. ¹² Kali njiniti oku taye ezi zintu shini nda ziwana zonshe, kapa ye shendi zywire. Kono ndi kakatize oku taye ndiwane echi ninda waninwa kwa Jesu keresite. ¹³ Bayawe kandi zumini ye shini nda chiwana. Kono kwina chintu chonke. Ndizibere echi china kumashara noku shaka echi chi kezya kubuso. ¹⁴ Kono ndi shaka okuwana o mupuzo oku kuwiwa kwa Nyambe ka Jesu Keresite. ¹⁵ Twenshe eswe tu kulite tunahane keyo e njira , kono haiba o nahanina mungi Nyambe mbwa i bonahaze kwako. ¹⁶ Kabulyaho chonshe echi twa huli hacho, tu chi kumarere. ¹⁷ Mundi likanise bayawe . mi mutondese aba ba lika oku yenda mu njila iyi tu yenda mwa yo. ¹⁸ Bangi momo ba yenda aba ni nda sukurwirwa , nenwe shendi sukurwira hanu ke chinsozi- enwe muzimbite chifapano cha Keresite. ¹⁹ A mamanikizo abo nji nsinyeho kakuli nyambe wabo mabumo abo, O muikumuso wabo kashwahu kabo. Ba nahana bulyo zahanshi. ²⁰ Kono kwetu nku wiru oku tulindire omuhazi Nfumu Jesu Keresite oku tiye na kazwe. ²¹ Na ra chinca mubili yetu kuzwa omu ifwanina kui twala omu ufwanina wakwe omu rotu kaubooli. mi usunda ye ezintu zonshe zina munkotela yakwe.