¹ Paulusi ne Timoteya, bataanga ba Jesu Keresite, tuñorera barumelyi bonshe mwa filipi, abo bena kwa Jesu Keresite: ² Muwane cishemo ne nkoozo kwa Nyambe shwetu ne Nfumu Jesu Keresite. ³ Ndilyi tumera kwa Nyambe wangu handisimi aazyara. ⁴ Bulyaho muntapero zangu ndikwesi ndi miraperera, nendipanga bulyaho nke ntabo. ⁵ Ndilyi tumera koburaperi bwenu kezywi kuzwa kwizyuba lyentanzi kureta hanu. ⁶ Kokurukuruha kwangu kweci, ye ozyo natanga omusebivi murotu mbwa zwire habuso aumanikize kutwara kwi zyuba lya Jesu Keresite. ⁷ Mburotu kwangu kulyi shuwa mweyi njira kakuti ndina nenwe mu moozyo wangu. Kakulyi mwenshe kamwina neme mucishemo mane nomwi ntorongo mane namukurwira ezywi kulyi goresa. ⁸ Nyambe njimpaki yangu, kabulyaho ndina nenwe koku kopanera mucishemo ca Jesu Keresite ⁹ Mindirapera ye: elato lyenu lyi ekezehe kobungi mwi nziboyenu nomu kushuwisisa kwenu. ¹⁰ Ndirapera bulyaho ye mulyike no kusharura zintu ziyerere. Ndirapera hape ye mulyi kokobebeze nekureke kuba namafosisa mwizyuba lya Keresite. ¹¹ Hape ye mubumbilizwe kokuruka oko kukezya ka Jesu Keresite, ke nkanya nentumbo ya Nyambe. ¹² Hanu ndimisumwina bakwangu ye, eco capangahalyi kwangu ca ekezi hawa kwizywi lya Nyambe. ¹³ Mi kabulyaho, amawenge angu ka kiresite neya zyibahara hawa mwinjuo ye cirena kwanineni ¹⁴ mi bana bungi bwa bakwangu ku Nfumu banawani okugoreswa nokuamba ezywi bakenisa okushu minwa kwangu nikwaazya entiya. ¹⁵ Bamwi baamba Keresite kokukanana, mi bamwi nike myoozo mibbi. ¹⁶ abo cware bapanga kerato bazyi ye ninda bikiwa hamusebezi kuzyimanina ezywi. ¹⁷ Kono abo baamba Keresite kenyama noku shalikokobeza, bahupwire kuekeza kukushuminwa kwangu. ¹⁸ Ncinji hape? kapa kokulihoma kapa keniti, Keresite aambwa, mi mweci ndiboterwa! ee, ndira boterwa. ¹⁹ Eci ndizyi ye ciraba okuhazwa kwangu, Eci cira pangahara kebaka lye ntapero zenu ni kentuso yo moya wa Jesu Keresite. ²⁰ Kokuamana neco ndizyumina nokukorwa kaco ye kalyi shaka nendiswabiswa. Kabulyaho, kokususuwezwa, sinara ho nikwaba mi nahanu, ndihupurera Keresite ye ahare mumubili wangu, kokuhara kwangu kapa mukufwa kwangu ²¹ Eme oku hara ndi kiresite, mikufwa kuwana. ²² Kono haiba kuhara ke nyama kureta misero izwa mabote, kabulyaho ka kandizyi co shaka ndikete. ²³ Kakulyi ndikakatizwe co shaka ndikete. Ndina entakazo yo kuta ye ndibe ne Keresite, co butokwa hawa! ²⁴ Kono kusiyara munyama nkobutokwa kwako we mwini. ²⁵ Sina ho ndilyishuwisisa kuamana neci, ndizyi ye mbondisiyare no kuzwera piri nenwe mwenshe, kokuzwera piri kwenu ne ntabo mwi ntumero. ²⁶ Ko bulyaho o kulitemba kwenu, ka Jesu kiresite, kebaka lyangu kumisimina nomukuba ko kwa ngu. ²⁷ Kabulyaho mubike buharo bwenu munjira ya mazywi a Kiresite. Mutende bulyaho, kapa ndikezya kumibona kapa kandakezyi, kono ndika shuwa omo muzyimanine kokugora hantu honke mucimoya. ndishka okashuwa oko muzyimanine hantu honke ko muzya oke kuyereka kusebeza hantu honke ketumero yamazwi ²⁸ Mi mwasa nyunganiswa kweco cipaniwa kuzira zenu. Eci ncicabo cisupo ce nsinyeho. Kono kwenu ncisupo co kuhazwa, mi eci kwa Nyambe cizwa. ²⁹ Kakulyi kwenu ni yabikiwa ye, kebaka lya Keresite, kali kuzumina bulyo kwakwe, kono nokushandiswa ka kwe. ³⁰ Cware musikwesi ndwa iswana neyo nimwa bona kwangu, mi neco nimwashuwa cina neme hanu.