¹ Aha lyimana ko ezyuva lyarwe Nsavata, Maria Magadalena nenyina wa Jakovo, ne Salome nivaka ura minunkiso emirotu yo kutiye vezye nunkise muvili wa Jesu. ² Kemputako hawa ezyuva lye ntanzi munviki, vokuya kuvita aho liñatura zyuva. ³ Kavaka vulitavo beni, Ozyo shaka katuzwisize ecwe kucizyi ce vita ndini? ⁴ Aho vatonda kuwiru, vokuvone cwee silya kokiwako, mi kalili nene. ⁵ Vokukavira mwi bita vokuwana murova azyabere zizyabaro zokutuva, akere kulya malyo, mi niva komokwa. ⁶ Akuvata ye, Mwashatiiyi. Mushake Jesu, wa Nazareta, ozyo napampamwinwa. Navuka! Ahaazya hanu. Mutonde kucivaka oko vana kamulaliki. ⁷ Kono muyende, mukasumwine varutiwa vakwe ne Pita ye aka mihitire havuso kuya kwa Galileya. Oko cwale kamukamuvone, sina aho naamba.'' ⁸ Vokuzwira hanje yevita nivakaya vuvutuka; Kakuli kavatutuma no kukomokwa. Kwazya ozyo nivasumwina kakuli kavatiite. ⁹ Kemputako mwizyuba lye ntanzi, aho sanavuki, akulivonahaza lyentanzi kwa Maria Magadalena, kozyo nazwiswa madimona akwana eanja kaovire. ¹⁰ Maria Magadalena naya kukusumwina abo kavena neye, aho kabakwesi balila . ¹¹ Vokushuwa ye ahara mi navoniwa kwakwe Maria Magadalena, kono kali nivazumina. ¹² Ezo sezi manako, navonahara mu nkarulo zincincana kwavo vovire, aho kavayenda kuzwa munaha. ¹³ Vokuyenda kukasumwina varutiwa vakwe, kono kali nivazyumina. ¹⁴ Aho shekumana Jesu akulivonahazya kuvarutiwa vakwe vekumi kaenke aho kabakere hantafure, akunyaza kokusashuwisisa kwavo ne myoozo yavo emikukutu, kakuli kali kava zyumina kwavo nibamuvona ye naavuka kuvafu. ¹⁵ Akuvata ye, Muyende mufasi lyonshe, mukarute ezywi kuzivumbwantu zonshe. ¹⁶ Ozyo azumina mi nakorovezwa nara hazwa, ozyo kazumini aranyaziwa. ¹⁷ Ezo ezisupo zara yenda navo vazumina: Mwizina lyangu mimbuvo kuzwisa madimona . Nivara amba mishovo miya. ¹⁸ Nivara kutora amazyoka namaanja avo, nivara nywa ezifo kono kali nezivayaye. nibara kukambika maanja habo varwara, mi nivara hozwaa. ¹⁹ Aho sa mana okuamba kwavo Nfumu, na hindiwa kuwiru noka kakara ku anja lye chilyo lya Nyambe. ²⁰ Varutiwa bakwe vokureka nevakaya kutaza ezywi konshe oko vanawani, aho o Nfumu naya vusebeza navo nogoresa ezywi nezisupo ezo kazi yenda navo.