^{1 2} 1.యేసు ఈ మాట కేస్సు మాప్తపెర్కే జరుగాతద్ బాత ఇత్కే ఓరు తనాద్ శిష్యుడ్కిన్ ఊడి 2.రెండు దినా అత్త పెర్కే పస్కా పండుం వత్త ఇంజో,అసుట్ మన్నెత మర్రు సిలువ వాటానోంక్కిన్ అప్పకిత్తోరు ఇంజో మిక్కిన్ తెలియిత ఇంజో కేత్తోరు. ^{3 4 5} 3.ఆద్ సమయ్ తే బుడియోరు యాజకుడు ముల్దా బుడియ్యోరు కయిప ఇందన్ బుడియా యాజకుడుతా మందీరంతగా గుడివాస్సు 4.యేసును మాయమాటను కైదే పోయిసుమెండే ,అవకనాద్ ఇంజో ఓండైయే అస్సు ఆలోచన కీత్తోడు . 5.అత్కే ముల్లు రాంపు అయ్వికొంసో పండుంతగా అయ్యో ఇంజో కేత్తమింతేడు ... ^{6 7 8 9} 6-7.యేసు బేతనియతగా కుష్టిరోగం అసుమందాన్ సిమోనుత లోను మందానసుట్,ఓండు ముత్తే నేక్కైయే విలువ మందన్ (అత్తరుబుడ్డి )నెల్ల గబ్బుమంధన్ నెయ్యి పొయిసు మెండే ఓనాద్ గర్రె వాస్సు ;ఓరు బోజన్ తింగ్ కుద్ధతాంగ్ అదింగ్ ఓనాద్ తలతగా తోస్తా 8.శిష్యుడ్కు ఊడి అల్లం అస్సు -ఈద్ నష్టం బాత్తంగు 9.ఇదింగ్ బుడియా విలువతే(రేట్)వమ్మియు పేధతోడ్కిన్ ఇనేంకు అయ్యోరు గాదా ఇత్తోడు ^{10 11} 10.యేసు ఈద్ విషయం పుంజ్ మెండే ఈద్ ముత్తే నాయద్ విషయ్ తే ఓండు నెల్లత పడియి కీత్త ఈదింగ్ మీడు బేలేను ఉబ్బైయే కీయమింతిడూ 11.వేదాతోడు బేసుట్ మెండే మిసంగ్ మెండే మత్తోడు కొని నన్న బేసుట్ మీసంగ్ మెండే మన్నోను ; ^{12 13} 12.ఈద్ మీద్ అత్తరు నాయద్ మెదుల్ తింగ్ పొర్రో తొస్సి నాయద్ భూమ్ తగా మిస్సనోంక్కిన్ మైదే ఇదింగ్ కేత్త. 13.సర్రెలోకంతే ఈద్ సువార్త బెగ్గాయే ప్రకట్ అత్తయ్యో -అగ్గా ఈద్ కిత్తదూ ఇదింగ్ యాడ్కతే మంత్త ఇంజో మీసంగ్ ఓస్సైయే కేత్తమింతేను ఇంజో ఓడ్కిన్ సంగ్ ఇత్తయ్యు.. ^{14 15 16} 14.అసుట్ పన్నెండు మందితగా ఓయితురు ఇస్కారియోతు యూదా; బుడియా యాజకుడ్కిన్ గర్రె అంజ్ 15.నన్న యోన్ క్కిన్ మిక్కిన్ అప్పకిత్కేయు నాక్కిన్ బాత ఇత్తిడు ఇంజో ఓడ్కిన్ తాల్కొతోడు అదింగ్ ఓడు ముప్పైయే వెండి నాణెం కోల్సి ఓన్కిన్ ఇత్తోడు. 16.ఓరు అసుట్ తింసో ఓన్కిన్ అప్పకియనోడ్కిన్ సుమాడుతద్ సమయ్ ఊడోడే మత్తోడు. ^{17 18 19} 17.పుల్సావాద్ రోట్టినాద్ పండుంతగా మొదలుతద్ దినాంతే; శిష్యుడ్కు యేసును గర్రె వాస్సు -పస్కాతింగ్ తిందానోంకిన్ మ౦మ్మ నిక్కిన్ మైదే బేగ్గా తియడ్ కియమింతేము ఇంజో తాల్కొత్తోడు. 18.అదింగ్ ఓరు మిడు పట్టణంతగా మందాన్ పలాన్ మన్నెతగా గర్రె అంజ్ నాయద్ కాలంతింగ్ గర్రె ఎవస్సు మిందే నాయద్ శిష్యుడ్కిన్ సంగ్ మెండే నీయద్ లోహతగా పస్కా కీయనాద్ మిందే ఇంజో బోదకియాన్ (గురు)కేత్తమింతేరు ఇంజో ఓనాద్ సంగ్ కేల్లాట్ ఇంజో కేత్తోడు .. 19.యేసు-తమక్కిన్ మాట కేత్తలేక్కేను శిష్యుడ్కు కిత్త పస్కాతింగ్ తియడ్ కిత్తోడు. ^{20 21 22} 20.ముల్పే అత్తసుట్ ఓరు పన్నెండు ముల్లు శిష్యుడ్కిన్ సంగే మెండే బోజన్ మైదే కుద్ధిమత్తోడు. 21.ఓడు బోజన్ కియనసుట్ ఓరు మియవుటే ఓయితురు నాక్కిన్ అప్పకిత్తోరు ఇంజో మిసంగ్ నిశ్చయే కేత్తమింతేను ఇత్తోరు , 22.అదింగ్ ఓడు నేక్కైయే దు:ఖం అస్సు సర్రెతోడు -ప్రభు,ననాకీ?ఇంజో ఓన్కిన్ తాల్కొతోడు ^{23 24 25} 23.ఓరు నాసంగ్ మెండే గిన్నేతగా కైయ్యు వాట్తనోడే బేన్నోరు ఓరే నాక్కిన్ అప్పకియానోరు 24.మన్నెత మర్రిన్ మైదేయు రాస్తా లేక్కే ఓరు దాయ మింతేరు కొని,బేన్నోను కైదే మన్నెతమర్రు అప్పకీయమింతేరు ఆద్ మన్నెంగ్ ఓన్కు శ్రమ ఆద్ మన్నెరు పుట్వకొంసో మందానెంక్ మేప అయ్యోరు ఇంజో కేత్తోరు . 25.ఓరు అప్పకిత్త యూదా -బోధకియన్ గురు ననకీ ?ఇంజో తాల్కాతాంగ్ ఓరు నీమ్మ ఇత్తలేక్కే ఇత్తోరు. ²⁶ 26.ఓడు బోజన్ కిసోమంధననసుట్ యేసు ఓండు రొట్టి పోయిసు మెండే అదింగ్ ఆశీర్వాద్ ఇస్సు ఉర్సు తనాద్ శిష్యుడ్కిన్ ఇస్సు మిడు పొయిసు తినుట్ ఇదు నాయద్ మెందులు ఇంజో కేత్తోరు . ^{27 28 29} 27.మెండే ఓరు గిన్నే`పోయిసు మెండే కృత్తజ్ఞాతకీసు ఓడ్కిన్ ఇస్సు ఇదినాగా మిడు సర్రెతోడు ఉన్నుట్! 28.ఇదూ నాయద్ నెత్తురు,ఇత్కే పాపక్షేమకీయనోంక్కిన్ మైదే నర్గేముల్దింగ్ మైదే రాల్సాతద్ పునాద్ నియమ్ తా నెత్తుర్. 29.నాయద్ బాబ్బోనాద్ రాజ్యంతగా మిసంగ్ మెండే నన్న ఈద్ ద్రాక్షరసంతింగ్ మైదే పున్నాద్ ఉందానసోర్ జేలు ;ఇంజే అదింగ్ ఉన్నోను ఇంజో మీసంగ్ కేత్తమింతేను ఇత్తోరు. ^{30 31 32} 30.అసుటు ఓరుపాటపడి ఒలివల మెట్ట తాఅత్తోడు. 31.అసుట్ యేసు ఓడ్కిన్ ఊడి ఈద్ నర్క మిడుసర్రె నాయద్ విషయ్ తే అభ్యంతర్ అత్తిడు బేలేను ఇత్కే గొర్రెన గొల్లను రేతితాన్,మంధతద్ గొర్రే చదిరిత ఇంజో రాసియు మిందే గాదా 32.నన్న తేది పెర్కే మీలేక్కే మున్నే గలిలయతగా దాతను ఇత్తోరు. ^{33 34 35} 33.అదింగ్ పేతురు నీయద్ విషయ్ తే సర్రెతోడు అనుమానం వత్కేమెండే నన్న బేసుట్ అభ్యంతర్ అయ్యోన్ ఇంజో ఓనాద్ సంగ్ కేత్తాంగ్ 34.యేసు ఓన్కిన్ ఊడి ఈద్ నర్క కొర్రు కుస్వాకే మున్నేయే నిమ్మ నాక్కిన్ పున్నోను ఇంజో మూడు దాంక్ కేత్తితిను.ఇంజో నీసంగ్ ఒస్సైయే కేత్తమింతేను ఇత్తోరు 35.పేతురు ఓన్కిన్ ఊడి నన్న నీయద్ సంగ్ మెండే డోలనాద్ వత్కేమెండే నిక్కిన్ పున్నోను ఇంజో కేల్లోన ఇంజో కేత్తోరు అదేలేక్కేతే శిష్యుడ్కు సర్రెతోడు కేత్తోడు .. ^{36 37 38} 36.అసుట్ యేసు ఓడ్కిన్ సంగ్ మెండే గేత్సే ఇందన్ పోడియతగా వాస్సు నన్న అగ్గా అంజ్ ప్రార్ధన కీస్సు వయ్ నసోర్ జేలు మీడు అగ్గయే కుద్ధిమన్నుట్ ఇంజో శిష్యుడ్కిన్సంగ్ కేస్సు . 37.పేతురు జేబెధయి ఇడ్వుడు మర్కు పెర్కేవాటి అంజ్ దు:ఖంతే మందానోంక్కిన్ నేక్కైయే ఆల్సాడ్ తే మందానోంక్కిన్ మొదలు కేత్తోరు . 38.అసుట్ యేసు డోలనాద్ అత్తలేక్కే నాయద్ జీవా నేక్కైయే దు:ఖంతే ముడింది మింతే .మీడు ఇగ్గ నిస్సు నాయద్ సంగ్ మిడు తెల్వినే మన్నుట్ ఇంజో మీసంగ్ కేస్సు . ^{39 40 41} 39.దూడ జుయు నమస్కార్ కిసో నాయద్ బాబ్బో నీక్కిన్ అత్కే ఈద్ గిన్నె నాయగా తింసో అబ్బాడు అన్ని అత్కేమెండే నాయద్ ఇష్టం వత్త లేక్కే అయ్యోయు నీయద్ ఇష్టంత లెక్కే కిమ్ము ఇంజో కేత్తోరు . 40.ఓరు మెండే శిష్యుడ్కునగా గర్రె వాస్సు ఓడు గుడియనాద్ ఊడి ఓండు సమయ్ అత్కేమెండే నాయద్ సంగ్ మెండే తెల్వినే మన్వాపర్విడు కీ 41.మిడు సోదనతగా నెంగ్వాకొంసో మందాన్ లేక్కే తెల్వినే మంజ్ ప్రార్ధాన కీమ్ముట్ ఆత్మ తియాడే కోని మెందులు పర్వో ఇంజో పేతురు కేస్సు . ^{42 43 44} 42.మెండే రెండుదాంక్ అంజ్ నాయద్ బాబ్బో నన్న ఇదిన్ ఊత్కే కోని ఇదూ నాయగా తింసో డెండి ఎస్సానాద్ అయ్యో కొంసో మత్కే నీయద్ మన్ అయికొని ఇంజో ప్రార్ధన కీస్సు . 43.తిడియి వాసు ఓడు మెండే గుడియినాద్ ఊడ్తోరు బేలే ఇత్కే ఓడు కొండ పుత్తలేక్కేనే మత్త. 44.ఓరు ఓడ్కిన్ విడిసి అంజ్ యా మాటయే కేస్సోడే మూడుదాంక్కు ప్రార్ధన కిత్తోరు . ^{45 46} 45.అసుట్ ఓరు తనద్ శిష్యుడు నగా గర్రె వాస్సు మెండే గుడియి అయివుత్తాద్ పుర్తి కీమ్ముట్ ఈద్ ఆద్ సమయ్ వాస్సు మిందే .మన్నేత మర్రు పాపతోడ్కిన్ కైదేనే అప్పకియమింతేడు .. 46.తేదాట్ దాయకాల ఇదూ నాక్కిన్ అప్పకియనోరు గర్రె మింతేరు ఇంజో ఓడ్కిన్ సంగ్ కేత్తోరు . ^{47 48} 47.ఓరు మెండే వేహ్సోడే మందానసుట్ పన్నెండు ముల్ధగా ఓండు కాలు మున్నె యూదా వత్తోరు ఓన్కిన్ సంగ్ మెండే నర్గే ముల్లు కస్సేరి ,గుద్ది మోకు పొయిసు బుడియ యాజకుడ్కినగాతింసో ముల్లుతగా తింసో వాత్తోడు. 48.ఓన్కిన్ అప్పకియన్నోరు -నన్న బెనోంక్కిన్ బుర్రితనుకీ ఓర్రే యేసు -ఓన్కిన్ పోయిమ్ముట్ ఇంజో ఓడ్కిన్ గుర్తు ఇస్సు . ^{49 50} 49.ఉబ్బైయే యేసును గర్రె వాస్సు బోధకుడు (గురు)నిక్కిన్ నెల్లయే (శుభం)ఇంజో కేస్సు ఓన్కిన్ బుర్రుత్తోరు. 50.యేసు జోకాత్తోను నిమ్మ కీయనాదింగ్ కీము ఇంజో ఓన్కిన్ సంగ్ కేత్తాంగ్ ఓడు గర్రె వాస్సు ఓన్కిన్ పొర్రో అడ్సు ఓన్కిన్ పొయిత్తోడు . ^{51 52 53 54} 51.ఇదూ యేసున్ సంగ్ మందానోడ్కినవేటే ఓయితురు కైయు అస్సు కస్సేరు తేస్సు బుడియ యాజకుడ్కుత దాసుతింగ్ రేస్సు ఓడాద్ కేవ్వుతింగ్ తెగ్గాన నడ్కుత్తోడు .. 52.యేసు నీయద్ కస్సేరు (వర్రతగా)జోర్రతగా వాటా ,కస్సేరు పొయితనోడు సర్రెతోడు కస్సేరు సంగే డోల్లిత్తోడు . 53.ఈద్ సమయ్ తే నాయద్ బాబ్బోను తాల్కాపర్వోను ఇంజో తాల్కా ఓరు పన్నెండు సేనక్కిన్ (హ్వాహం)లెక్కే నర్గేముల్దింగ్ దూతక్కిన్ ఇంజే నాక్కిన్ లోహ్తోరు ఇంజో నిమ్మ అల్సామిందేనికీ ? 54.నన్న తాల్కే ఇలేను జరుగానాద్ ఇంజో లేఖనం బేలేను జరిగితా ఇంజో ఓన్కిన్ సంగ్ కేత్తోరు . ^{55 56} 55.ఆద్ సమయ్ తే యేసు (జనం)ముల్దింగ్ ఊడి (జేలుతద్ )అవకాన్ దొంగాలేక్కే వయన్ లెక్కే కస్సేరిన్ సంగే పగ్గకిన్ సంగ్ నాక్కిన్ పోయితనోంక్కి వత్తిడు కీ?నన్న దినాలే దేవుండుత మందీరతగా కుద్ధిమంజ్ బోదకియనసుట్ మీడు నాక్కి పొయితపర్విడు . 56.అత్కే ప్రవక్త లేఖనం జరగన్ లేక్కే ఇదూ సర్రె జరుగుతా ఇంజో కేత్తోరు ఆసుట్ శిష్యుడ్కు ఓన్కిన్ సర్రెతోడు విడిసి మిరత్తోడు. ^{57 58} 57.యేసును పొయితనోడు బుడియ యాజకుడు అత్త కయిప గర్రె ఓన్కిన్ పొయిసు అత్తంగ్ అగ్గ శాస్త్రీడు బుడియ్యోరు కుదిమత్తోడు. 58.పేతురు బుడియ యాజకుడు తింగ్ లోహత దువ్వాడుత్తగా ఎవనా ఓన్కిన్ జుయుతింసో పెర్కే అంజ్ లోప ఉడితన్ ఇంజో (సైనికుడు)బంట్రోతు సంగ్ మెండే కుద్ధిమత్తోరు . ^{59 60 61} 59.బుడియ యాజకుడ్కు మహా సభతోడు సర్రె యేసును అవకానాద్ ఇంజో ఓన్కిన్ ఎరోదుతే గతికియన్ సాక్ష్యం మేహ్కోడే మత్తోడు కొని, 60.గత్తికియన్ సాక్ష్యం నర్గే వత్కేమెండే సాక్ష్యం బాత దొర్కొ మాడెంగ్త్ ఇడ్వుడు మన్నెరు వాస్సు . 61.వెరు దేవుండుత మందితింగ్ కుడ్సు మూడు దినానే అదింగ్ లోహోతితాను ఇంజో కేత్తోరు . ^{62 63 64} 62.బుడియోరు యాజకుడు తేది నిమ్మ ఉత్తరు బాత కెల్విన్ కీ వెడు నీయద్ పొర్రో కెత్తన్ సాక్ష్యం బాత ఇంజో తాల్కాతాంగ్ యేసు కొట్తోమత్తోడు . 63.అదింగ్ బుడియ యాజకుడు ఓన్కిన్ ఊడి నిమ్మ దేవుండుత మర్రిన్ అస్సు క్రీస్తు అత్కే ఆద్ మాట మాసంగ్ కెల్లా ఇంజో జీవం అత్త దేవుండుతింగ్ తోడు ఇంజో నీయద్ పొర్రో వాటా మింతేను ఇంజో కేత్తోరు అదింగ్ యేసు నిమ్మ కేత్తలేక్కే , 64.ఇదు మొదలు తింసో మన్నెత మర్రు సర్వశక్తి తోను తిన్న ప్రక్కతే కుద్దిమందానాద్ ఆకాశంతింసో డిగివయనాద్ మిడు ఊడితిడు ఇంజో కేత్తంగ్ . ^{65 66} 65.బుడియ యాజకుడు తనాద్ గిసిడిక్కిన్ ఇక్కి వేరు దేవుండుతింగ్ దూషణ కిత్తోరు మనక్కిన్ సాక్ష్యం సంగ్ పడియ్ బాత ఇదూ ఈద్ దూషణ మిడు ఇంజే కేంజిత్తిడు . 66.మీక్కిన్ బాత అల్సాడ్ వయమింతే ఇంజో తాల్తోరు అధింగ్ ఓడు వేరు డోలానోంక్కిన్ సుమాడుఅత్త నోరు ఇంజో కేత్తోడు . ^{67 68} 67.అసుట్ ఓడు ఓనాద్ మోకంత పొర్రో ఉస్సి మెండే ఓన్కిన్ ముట్కా రేత్తోడు . 68.దూడతోడు ఓన్కి దాషిడ్ సంగ్ రేస్సు క్రీస్తు నీక్కిన్ రేతనోడు బేన్నోరు ఇంజో ప్రవచన్ కెల్లా ఇత్తోడు ! ^{69 70} 69.పేతురు బయిది దువ్వడుతగా కుద్ధిమత్తాంగ్ ఓండు సుడులద్ ఓనాద్ గర్రె వాస్సు నీమ్మయే మెండే గలిలయతోను అస్సు యేసు సంగ్ మెండే మత్తిను గాదా ! 70.అదింగ్ ఓరు నన్న మన్నోనా నీమ్మ కేత్తను మాట ఇత్తోరు నాన్న పున్నోను ఇంజో సర్రెతోడ్కిన్ మున్నె కేత్తోరు . ^{71 72} 71.ఓరు నడుమతగా అత్తపెర్కే మెండనోండు సుడులద్ ఓన్కిన్ ఊడి వేరు నజరేతుతా అత్త యేసు సంగ్ మెండే మత్తోరు ఇంజో అగ్గతోడ్కి సంగ్ కేత్తంగ్ . 72.ఓరు ఓట్టు వాటి నన్న మన్నోను ఆ మన్నెతింగ్ నన్న పున్నోను ఇంజో మెండే కేత్తోరు . ^{73 74 75} 73.సుడురు జేలుత పెర్కే అగ్గా నిస్సు ఓడ్కినవేటే ఓయితును నీయద్ మాట నీయద్ మైదే సాక్ష్యం కేత్తమింతే ఇంజో ఓన్కిన్ సంగ్ కేత్తోడు . 74.అదింగ్ ఓరు అమన్నెతింగ్ నన్న పున్నోను ఇంజో కేస్సు శాపం కీయనోంక్కిన్ ఓట్టు వాటానోంక్కిను మొదలు కీత్తోరు ఉబ్బైయే కొర్రు కుస్తా . 75.అదింగ్ కొర్రు కోస్వాకీ మున్నెయే నిమ్మ నాక్కిన్ పున్నోను ఇంజో మూడుదాంక్కు కేత్తితిను ఇంజో యేసు తనాద్ సంగ్ కేత్తద్ మాట పేతురు యడ్కా కీస్సు బయిది అంజ్ నేక్కైయే దు:ఖంతే కేయిత్తోరు.