^{1 2 3 4} ఇదిన్ మైదే పరలోకంత సంబంధము అత్త కర్తగా బా అత్త పరిశుద్దుడ్కి అత్త తమ్మురు దాదాలోడి ;మనం ఒప్పతధింగ్అఫోస్తులుడు ప్రధాన యాజకుడు అత్త యేసును పొర్రో లక్ష్యం తాసాట్ ! 2.దేవుండు లోహతగా మోషే నమ్మకంతే మత్తలేక్కేయు ;వేరు మెండే తనాకునియము కిత్త నోనికిన్ నమ్మకంతే మత్తోరు. 3-4.ఓండు లోను బేన్నోరు అత్కే మెండే ఓయితును కైదేను తోహిత్తితోడు ;సర్రెతోహతనోరు దేవుండే ;లోహతన్ లెక్కే తాస్కు తోహతన్నోరు నర్గేయు ఘనత పొయితలేక్కే;వేరు మోషేత లెక్కే నర్గే మహిమ మందానోరు లెక్కే ఎంచత్తోడు . ^{5 6} మున్నె కేత్తనవు విషయంతింగ్ సాక్ష్యంతే మోషే పరిచారంకీయన్నోరు అసుమంజ్ ,దేవుండు లోహతగా నమకంతే మత్తోరు. 6.అత్కే క్రీస్తు మర్రు అసు మంజ్ ఓనాద్ లోహ్తగా పోర్రో నమ్మకముతే మత్తోరు వేరియ్వ కొన్సో నిరీక్షణ కైదే వెడ్కాతే మాడేంగు స్తిరంతే కిత్కేయు మనలే ఓనాదు లోను..! ^{7 8} మెండే ఇలేను కేత్తయు మింత్తేరు . 8.నేండు మిడు ఓన్కిన్ లేంగు కేంజ్కే గుప్పతగా శోధన్ దినంతే అల్లం పుట్స్ త లేక్కే మియద్ జీవాంతింగ్ కఠీనం కిమ్ముట్ . ^{9 10 11} 9.నలుబై వాడ్సాయునాయాద్ పడియింగిన్ ఊడి మీ ధాదోడు నాక్కిన్ పరిక్ష కిస్సు శోధన్ కిత్తోడు. 10.అదింగ్ నన్న ఆద్ తర్ధనోడ్కిన్ కైదే అయివి వేడు బేసుట్ మెండేయు తమ జీవాతదు అల్సనాదితే తప్పోమింత్తేడు నాయద్ అర్ధింగ్ పున్నోడు .11.అదింగ్ నన్న అల్లం సంగే ప్రమాణం కిత్త లేక్కేయు ఓడునా విశ్రాంతితగా నెంగా పర్వోడు ఇంజో కేతితాను. ^{12 13} 12.దాదాలోడి జీవమందాన్ దేవుండుతింగ్ విడ్సానసుంత ,విశ్వాసం ఇల్వా ఓప్వజీవా యు మియగా బేన్నోనగా అత్కేమెండే ఓండు సమయతే మింతికీ బాలే ఇంజో నేల్లనే ఊడుడాటు ! 13నెండు మిడు ఓనాద్ లేంగు కేంజ్కేయు అల్లం పెస్పాత్ లేక్కే మియద్ జీవాతింగ్ కఠీనం కీమ్ముట్ ఇంజోయు ఓరు కేత్తోరు అదింగ్ పాపం కైదే దొర్కాను ^{14 15} (భహ్మ)మాముంతకైదే మియగా బేన్నోయు కటినం అయివాలేక్కేయు నేండు ఇందన్ సమయ్ మందానసుట్ సర్రెదినంతేయు ఓయితుంగ్ ఓయితురు బుద్ధి కేల్లాట్టు బేలేను ఇత్కే మొదలుతింసో మనక్కిన్ మందాన్ బేడియ విశ్వాసం మాడేంగ్ అయివా గట్టితేయు పొయిత్కేయు క్రీస్తునగా భాగం అసుమంతాలా! ^{16 17 18 19} 16.కేంజ్ అల్లాం పుట్టాకిత్తనోడు బేన్నోరు ?మోషేకైదేయు నడ్పకేస్సు ఐగుప్తుతగా పెయిస్సు వత్తనోడు సర్రెయే గాదా! 17.బేన్నోను పోర్రో నలుబై ఎండ్కు ఓరు అల్లంతే మత్తోరు ?పాపం కిత్తనోడ్కిన్ పోర్రోయేగాదా ?ఓడ్కిన్ లాస్కుయు గుప్పతగా రాలి అత్తయు! 18.తన విశ్రాంతితే నెంగోడు ఇంజో బేన్నోను మైదే మాటయు ఇత్తోరు కీ ?మాట కేంజ్వానోడ్కిన్ మైదేనే గాదా? 19.అత్కే అవిశ్వాసిడ్కి కైదేయు ఓడు నెంగాయు పర్వోడు ఇంజో పుందామింతేలు .