^{1 2 3} భూమ్ త పొర్రో మనద్ లోను అత్త యిద్ లోను పొడియ ,(శిధిల)నష్టం అత్కేమెండే ,కైదే పడియి అయ్వి దేవుండుత కైదే తోహతదు బేసుట్ మందానాదు అస్సు మంజ్ లోను అస్సు పరలోకంతే మనక్కిన్ మింజో ఇంజో పుత్తాలు. 2.మనలు బండి అయ్వి గిసిడి కేర్తనోడు తోందితల అదింగ్ పరలోకం తింసో వయన్ మనద్ నివాసం ఇదిన్ పొర్రో కేర్ధనాదు ఆశకిస్సోడే ఇదినాగా కేయ్యమింతేలు .. 3.ఈద్ (గుడారం)లోనుతగా మందాన్ మనలు పుతదింగ్ కాంజి కీయ్యమింతేము, ^{4 5} ఇదు టెండి ఎస్సానాద్ ఇంజో అయ్యోకొని (బదిలి అయినాద్)మర్త్యం అత్తదు జీవంత కైదే లోపన్ లేక్కే ఆద్ లోను ఇదిన్ పొర్రో కేర్దానోంక్కిన్ ఆశ కియమిందే . 5.ఇదిన్ మైదే మనక్కిన్ తియడ్ కిత్తాన్నోరు దేవుండే; మెండే ఓరు తనాద్ ఆత్మతింగ్ ఇందాన్ (సహాయం)సంచకరువు మనక్కిన్ ఇస్సుమింతేరు . ^{9 10} అదింగ్ మెందులుతే మత్కేమెండే మెందులుతింగ్ విడాస్కామెండే ఓన్కిన్ మన్ వత్తన్నోడు అస్సు మందానాద్ ఇంజో నెకైయే ఆశ కియమింతేము . 10.బాతంగ్ ఎత్కే తానుక్కిన్ అత్త పడియిదింగ్ పొయిసు అవు నేల్లోతవు అత్కేమెండే ఓప్వవు అత్కేమెండే మెందులుతింగ్ ఆత్త అవిక్కిన్ ఫలంతింగ్ సర్రెతోడు దొరాస్కాన్ లేక్కే మనలు సర్రెతోడు క్రీస్తు న్యాయంత మున్నే తొందానాద్ అత్త . ^{11 12} అదింగ్ మ౦మ్మ ప్రభు విషయంత వెరియితదింగ్ పుంజ్ మన్నెడ్కిన్ కేత్త మింత్తేము మ౦మ్మ దేవుండ్కున్ తొందాతనోము (ఏర్పట్)అత్తనోము మియద్ మన్ త సాక్ష్యంతేయు మెండే ఏర్పట్ అస్సుమింతేము ఇంజో నమ్మ మింతేము. 12.మక్కిన్ మ౦మ్మయే మయద్ మున్నెయే తిడియి మెచ్చనాద్ ఇల్లో కొని ,జీవాతగా వెడ్కా అయ్వి పొర్రోత రూపంతే వెడ్కా అయనోడ్కిన్ (అతిశ)ఉత్తరం ఇయ్యానోంక్కిన్ మిక్కిన్ ఆధారం మందానాద్ ఇంజో మిత్కెన్ విషయంతే మాక్కిన్ అతిశయ కారణం అయమింతేము . ^{13 14 15} బేలేను ఇత్కే మ౦మ్మ భయ అత్తోంకీ దేవుండుతింగ్ మైదే నెల్లత బుద్ది మంధనోడు అత్తోముకీ మియద్ మైదే! 14.క్రీస్తు ప్రేమ మక్కిన్ (బలవంతం)లావుదే కీయమిందే;బేలేను ఇత్కే సర్రెతోడ్కిన్ మైదే ఓయితురు డోలనాదు అదింగ్ సర్రెతోడు డోల్తోరు ఇంజో ! 15.బ్రతికి మంధనోడ్కిన్ పొర్రో తమమైదే అయివా,తమ మైదే డొల్లి అంజ్ తిడియి తేద్త ఓన్కిన్ మైదే బ్రతకనోంక్కిన్ ఓరు సర్రెతోడ్కిన్ మైదే డోల్తోరు ఇంజో నిశ్చయ్ కీయమింత్తేము . ^{16 17} అదింగ్ ఇంజే తింసో మ౦మ్మ మెందులుత లేక్కే బెనోంక్కిన్ అత్కేమెండే పున్నోము మ౦మ్మ క్రీస్తుతింగ్ మెందులుత రితితే పుంజ్ మెండే నాక్కిన్ ఇంజేతింసో ఓన్కిన్ అలేను పున్నోమ్ ! 17.అదింగ్ బేన్నోరు అత్కేమెండే క్రీస్తునవేటే మత్కే ఓరు పునాద్ సృష్టి పాంతవు మయిత్తా ;ఇదు పునాద్ అత్త . ^{18 19} సర్రెతదు దేవుండుత కైదేను అత్త ,ఓరు మనక్కిన్ క్రీస్తు సంగే తనాద్ సంగే సమాధానం కీయనోంక్కిన్ ఆ సమాదానం కీయన్ పరిచర్యతింగ్ మాక్కిన్ ఇత్తోరు . 19.అదు బాతా ,ఇత్కే దేవుండు ఓడ్కినాద్ అపరాధంతింగ్ ఓడ్కిన్ పొర్రో మోయిస్పా కొంసో క్రీస్తు నవేటే లోకంతనాదు సంగే సమాధానం కీయనోంక్కిన్ ఆద్ సమాదానం వాక్యం మాక్కిన్ అప్పకిత్తోరు . ^{20 21} అదింగ్ దేవుండు మయ్ సంగే తాల్కాత లేక్కే మ౦మ్మ క్రీస్తుతింగ్ (రాయబారులం)నడుమకేత్తనోం కోత్వలు అస్సు దేవుండు సంగే సమాదానం అయిమ్ముట్ ఇంజో క్రీస్తు క్రీస్తు పక్కతే మిక్కిన్ బడిమి బియ్యమింతేము . 21.బాతంగ్ ఇత్కే మనలు ఓనాద్ నవేటే దేవుండుత నీతి ఆయన్ లేక్కే పాపంకీవ ఓన్కిన్ మనమైదే పాపంత లేక్కే కిత్తోరు .