1 Paulo, ntua nkomo mindia Yeso Kilisto, na namaa Timote, mindia Filimoni, mindye kimbalio na nkoli mulimo imamoti na bbesu, 2 Kindia namami nkaliaki Apia, na Arkipo mbuddu imamoti nabbesu, na kakanisa ndiali kandabbo ndiako. 3 Nkisa na kasinge abbe kuanu ndya Mambombi Abhasu na nkumasu Yeso Kilisto! 4 Nikimpesia Mambombi nkisa toloponi, na kaniliaki ka sabha, 5 Nanga bbanitolia ikiliza ndiako kindia nkumasu Yeso, na bhala mpka ndibbe bbawe lekania. 6 Nikinkunga abbe imamoti na ikiliza abbe kulungi kindia Kristo, kaibhisa su, poni ndya bbongia. 7 Nanga kili na ddeddelua sini na hekelisa nanga gonja ndyako; nanga koako, namami, mbuka mulima ndiabba pka ndibbabba welikanio atekania. 8 Nakabba ninili na mani kindia Kilisto nilina bhutoki sa handikakako ndie abbongia, 9 Alinanga ka inasa gonja nikikubbisaga ka Sabha nesi niliyo, Paulo, ngama, na bbatuankomo ndibba Yeso Kilisto. 10 Nikikukunga koa miki mindiamo, nesi nibbokota ninili kabbokotiana, ndya onesimu, 11 Ani kindye tolo abbi ndye kagbokyani, noo endindi a gbokyanio na kindyako na kindiamo. 12 Nikukutikiliaki ndya ketolo, ndiakasoo ndiamo. 13 Nibbikubbasa gbaaki bbia emi, andulu ani koliliye katolo ndiako, kambono ndye nili kabbokotiana sa kigambo. 14 Ndietolo yekibhali kola makanga bbalako, nanga bhala ndiako kalakubba bbyeti bbalikakoli sakokima ndye kobhali noo atuke kindiako wee nkumi. 15 Keedde agabhana newe ka mbono motibbiyo, andulu opate katolondiada kusiabhe, 16 Kakabbe bbya musiana, noo bbya mindia aligulu ka musiana, bbya namako mindiya bhalio, emi nkumi, na kindiako oikisia, keedde kakozo, keedde ka nkumasu. 17 Andulu konitangia bbya dako, ongbe bbyeti onitangi emi. 18 Kabba naku sobbililia akabba nali na munda ndiako, oniibhise bheemi. 19 Emi Paulo, nihandikiya kakibboko ndiamo eminkumi, -nikulipa kako, nanga koloku gyeti anduwe mindye weeboiya kowemi. 20 Hee, namami, nipate kindiako mugaso, kindia nkumasu; ddakise mbuka mulima ndimo kindya kilisto. 21 Nikuhandikilia nanga pesia bbapka kitinisa, kaibhai okukola ndya kolimenjo. 22 Kambono yoo obhalekami mbamba siami, nanganihibhia nkisa alika sabha ndiabbenu. 23 Epaforuto, ntelemili sami kindya Yeso Kilisto, 24 Ibha Mambombi ndiako na Maliko, Alistalko, Dema, Luka, bbakoli imamoti nemi. 25 Na nkisa ndya nkumasu Yeso Kilisto abbe imamoti na mulima mawelikana ndya bbenu!