Gbutusi 2

1 Ndya agbokilani sa sikia ndya Nkumasu Yeso Kilisto likilia looki naye kibbusabhia bbanamasu. 2 Kagbokilani kweduelia bbulisako kima mabonga ndye ogbei kolai na kabbongi kweduelia bbako ntwesile kedda ka humala, kedda ka looki , kedda ka balua ndya bbagiyageti akutuka kidyasu nesi kkatolo ndya Nkumasu abbi nala kiddi,. 3 Mpka kala kubbudima ka nesio ndyekina nanga egesa sa mbela akidda kala, andulu bbagiye muluku ntua nsobhi, miki mindya bbula. 4 Ngighu mindyaki na kitelema guylu sa kima pooni ndya bakwekagaeti Amamombi na salamia, doisa ka likaga ka ndabbo ndya Amambombi kwegia eti andiye Amambombi. bukikanili nesio ndye nibbutoliyaga kimanjo, ndye ni bia kindyanu? 5 Na ndindi bbuibhe ndi bbabbagbeio kekadduwembe. 6 Mulimo sa soia atandiki enikanai abhali mundya alinayi abbulagane. 7 Ndya adda addakubbokotiana ntuasobhi Nkumasu Yeso adda kimuhola ka muuhila ndya nanoko na bbulisaki bhika ndyaki. 8 Tolo ndya adda kubotiana ntuasobhi Nkumasu Yeso adda kimuola ka muuhila ndya nanoko na bbulisaki abhisa hika ndyaki. 9 Bhika ndya mio ntua sobbia ali mufano sa kola ndya mulimo na milingo ndyaki pooni sa maani jihililiahe na kima sa tinisa nkili sa mbbela. 10 Na pooni ndibba bbaddanganibhua ka sobhia bbubbula nanga bbakali na bhala na majima sa junibhwa. 11 Dumbi Amamomi na kintika kabbo mani sa mbela anddulu bayeliye ka mbela. 12 Andulu pooni ndibakantombeli ka mazima, noo ndibbagbei ddeddeluwa babbunyegele kaddabbabbugbe. 13 Koa bbesu, kikwesima Amambombi makanga ddueliliya nanga Amambombi akubbuwa tukilia kateketa junibhwa sa nesio sa mulima sa kwesigia ka mazima. 14 Addu nddulu na kibbueka ka njili andulu bbube na nyetisa ndya Nkumasu Yeso Kilisto. 15 Andulu bbanami butuliliye ka mani, na bbugbe kisomo ndye bbusoma ka looki kedda ka bhihandiko . 16 Andiye Nkumasu Yeso Kilisto nkumi na Amambombi abhasu mindya kibhala, mindya akikigbeliaga kobbu sa humuluesga. 17 Humulesa mulima ndyanu na telemisanu kabhuli kima amabbonga.