¹ Bbapka ndi bbabbi kambonolinjo, bbukuli nakima ndye nbbukakabbahi, bbawambusa, bbabbuwandi kiliya. ² Nagabbukuhibhi tolondya nkuma ndya addakubhikabbi chuma kiliya. ³ Ndya bbapka bbakugiyeti: Kasige na likamabboga! naluza nagaa kibbutinisa kili, nesiyo bhusazi ndyalimu ndya alinalimi akibbaga, kadda kubbuddu wanapipi. ⁴ Nobbenu, bbawambusami, bbukulika kilimikiyaga, njo toloyo abbutakana bbiya bbachuma; ⁵ Bbemu na bbaniki ndya tololiyo. Bbikilibbapka ndya kiliya na kilimikiyaga. ⁶ Kololulata tabbi bbeo, no kime oddetagekulugi. ⁷ Nagandi bbakihaga bbakihaga kiliya. ⁸ No bbesu kilibbapka ndya tagali, kiddetaga mabboga, na bbulolonage ngoye ndya ikiliza na bbubhale, na bbulolosabbu ndya kuwesiga ndyegulu. ⁹ Naga Mambombi kakidduliya kiniga, no ngbakusaliya ndya Mambombi, nkuma Yeso Kilisto, ¹⁰ Mindya kuwakabbesu, naga kihage, nayekilike naye mamoti. ¹¹ Bbuhehelisane mulima sobbanu, na bbuhanulilane miyokabbeo. ¹² Nibbukungiya, bbanamami bbuhibhendi bbakukolaga subbanu, mindye kibbuhanunuliyaga kowa nkumasu. ¹³ Bbubhale bbaddanusini, naga bbigendiyo ndyabbo, kibbe na bbuliki mabbogabbesu na bbenu. ¹⁴ Kikubbusabhalisa bbubbutoliye bbeo ndya bbabbaliki subbabbuliki bbinjobbinjo, bbubbuhehelise ndibbalelagiya, nandibbakali na mani, bbugukowabbo poni. ¹⁵ Obbuzibhe bbakala kukoliliya naziddi, kazidi; nobbu kima Mabbonga , su bbanu, na kabbenu poni. ¹⁶ Bbulike na bbuddeddelu. ¹⁷ Bbusabhe makaga duweliliya. ¹⁸ Bbubbe na kisaka kima poni, naga anyagiya bhala ndya Mambombi na Yeso Kilisto. ¹⁹ Kolokulimiya mulima. ²⁰ Kolo kubbugaya bba nabbii. ²¹ No ozibhekese kima poni; obbuwekundya bbogiya; ²² Odduwe kima poni ndya kabbogi. ²³ Amambombi tuwabbuliki mabbonga abuwele nkumi bboponi, na mulima ndyanu poni mawelekana, kakojo, wanu na Mambombi abbundiliye, do isaka bhikisana ndyankumasu Yeso Kilisto! ²⁴ Mindibbu wekaye alituwa mazima, naga andiye mindya ddakikola injo. ²⁵ Bbanamasu, osabhekowasu. ²⁶ Bbubbuholiliyage bbaddasu poni mabboga. ²⁷ Nibbulaisi poni kowankumasu bboponi. ²⁸ Kisa ndya nkumasu Yeso Kilisto abbe na bbenu!