¹ Paulo, na Silawano, na Timote, ka kanisa ndya ka tessalonika, ndya ali ndya Mambombi abhasu na kindya Yeso Kristo nkumasu: nkisa na kasinge abbe na bbenu! ² Kigbei kughiza toloponi Amambombi ka bbenu bboponi na tuanu ka sabha ndiasu, ³ Na bbiki bbusukani mulimo ndya bbenu sa ikiliza, na mwenabbusu ndianu sa gonja, na kuebbuwa sa kuesiga ndiasu ndya nkumasu Yeso Kilisto, na musa sa Mambombi abhasu. ⁴ Kiibhia, bbanamani ndibba Mambombi abhalia abhalia, nesi bbabbubbua kala, ⁵ Tebheza ndiasu kabbi tebheza sa pibbo ukaka, noo imamoti na bhutoki, imamoti na mulima mawelikana, imamoti na godissa kigambo sinisini; nanga bbukukubbusukana nesi kibbueyanisa bbinjo kabbenu, nanga bbenu. ⁶ Nabbenu bbakumi, bbuenya nisanemi na ndibba nkumasu, na pata kighambo sobbe na bbonabbona mamadda, imamoti na ddeddelua ndya mulima mawelikana, ⁷ Kamulingo bbuludoi sajibhi liabhe ka bbapka poni ndibba bbamuibhio Amambombi ndibbaka makedonia na ka akaya. ⁸ Kiligyeti, kigambo ndya nkumasu ali kindiabbenu bbokaka ka Makedonia na ka akaya, noo ikiliza ndya bbenu kindia Mambombi aibhikani kambamba poni, satangilia ibhe bbikili na hamusahongi. ⁹ Nanga kikiongaga, ka mualoki ndyasu andi bbalisana seke ndye kilinai kabbenu, na bbuesikiaku bbenu kindia Mambombi, na ddua, bhiasasani na kolilia Amambombi mindiali likio na mindia mazima, ¹⁰ Na kabbundilia kindiabbo miki mindia Mambombi, mindia humbuka kakuwa, Yeso, mindia kikibbua kakiniga ndya kubhika.