Gbutusi 1

1 Ndya bbi kateketa, ndyekioka nandye kitangya, keiso, najibhikesai na kibboko, kumai abhwa lokisa bbuliki, - 2 Ndye bbuliki eyanisana nikitangya dumbbi nikikimpesilya bhukaiso, dumbi kilikatolyako tulisya, mabbulasia inkyabbi bhiya nabha nakweyanisana, - 3 Ndye kitangya nandyekioka, kikinitolya na bbenu, nabbenu abbalikilyage komonyu na bbesu. Nanga imamoti amuli nabha namiki mindyaki Yeso Kilisto. 4 Nakilika andika kimaho, nanga dumbi ddeddelwa ndyasu abbebhei. 5 Makulu ndye kilinaikowaki, andulu ndye kikatolyako, nanga Mambombi alibhemu na subbaikalikita kilimikyaga. 6 Bbikigieti kili naye imamoti, nekilyakuddetilya kakilimaka kilimikyaga, kikaonga ikyaga mbelana bbikikiibha majina. 7 Nonesindye kigbeiddetaga kabhemu, kilika kubbotu bbanaye inamoti Yeso miki mindya akibboibhe sobhi miki mindyaki kaddakyabhe sobbya poni. 8 Bbikigyeti bbikilina nsobhi kikibba nekilika kudimaga bbesu bbakumi majina kabbanakiliku. 9 Bbikyesi kyasikya kusobbya, ndya suye alimajima na ogisasu lukoku poni. 10 Bbikigye tibikilina nsobhi, mbekigiti alinambela ndyaki kali kowasu.