1 కాబట్టి వేరాయులకు తీర్పు తీర్చురు నేను యతుకైనా సరే నిన్న నిను సమర్దించుసు అత్తు విసయంకోరు మున్నె అత్తుకు తీర్పు తీర్చక్కిరో అత్తు విషయంకోరు నీనే ధోశిండు తీర్పు తీర్చింగిక్కిరా అంతుకిండీకే నీను ఏ పనులు విషయంకోరు తీర్పు తీర్చక్కిరో అయిలునే నీను కూడా చెయ్యిక్కిరా అల్లే 2 ఆ పనులు చేయిరాయ మెనే దేవురి తీర్పు న్యాయమానదే ఇందు నంబురుకు తెలువు 3 ఆ పనులు చేయిరాయ తీర్పు తీర్చిగాట అయిలునే చేయక్కిరా ఒండు మోంచో దేవురి తీర్పు నీనేన తప్పించుంగార 4 దేవురి కటాక్షం నిన్న మారి మనస్సుకు ప్రేరేపిస్తున్నత తెలియక ఆయన నల్లతన్నం ఇంగురు ఐశ్వర్యత సహనత దీర్ఘశాంతత తోసిపుచ్చక 5 నిటు మొండితనం మారారు నిటు హృదయత బట్టి దేవురి న్యాయమాన తీర్పు జరుగుతూ ఆ 6 ఉగ్రత రోజున దేవురి రోశత పొగుచెందుంగక్కిరే ఆయన 7 ప్రతిఓండుకు అత్తు పనులు చొప్పున ప్రతిఫలం తరాకు నల్ల పనులన ఓపికగా పాతిగాట మహిమ ఘనత అక్షయత లను దేవురామోకు నిత్యజీవం తారాకు 8 ఆనికే స్వార్ధపరులు సత్యత వుటేచ్చు దుర్నీతిన జరుగించురాయ మేనికి దేవురు ఉగ్రత మహా రోషం వారాకు 9 చెడ్డ పని చెయ్యురు ప్రతి మొంచ్చో ఆత్మకు మున్నె యూదునకు తరువాత యూదేతరునుకు బాధ వేదన కలుగాకు 10 ఆనికే నల్ల పని చెయ్యురు ప్రతి వ్యక్తికి మున్నె యూదునకు తర్వాత యూథేతరునికి మహిమ ఘనత సమధనం కలుగాకు 11 దేవురుకు పక్షపాతం ఇళ్ల 12 ధర్మశాస్త్రం ఇళ్ళకుండా పాపం చెంద అయిలు కూడా ధర్మశాస్త్రం ఇల్లదోయిన నాశనం ఆక్కు ధర్మశాస్త్రం ఇందు పాపం చెందయా ధర్మశాస్త్ర ప్రకారం తీర్పు పొందాకు 13 ధర్మశాస్త్రం కేకురాయిలుకు అల్లా అతుకు అనుసరించి ప్రవక్తిరించురాయులనే దేవురు నీతిమంతులుగా ఎంచాకు 14 ధర్మశాస్త్రం ఇల్లారు యూథేతరులు ధర్మశాస్త్ర సంబంధమాన పనులు చెయ్యురు అయిలుకు ధర్మశాస్త్రం ఇల్లదోయిన అత్తుకు అదే ధర్మశాస్త్రం లాగా ఇక్కకు 15 అంతిరు ఆయా మనసాక్షి కూడా సాక్షంతారక్కి అయిలు ఆలోచనలు అయిలుమేనే తప్ప మోపడమో ఇల్లారదే తప్పిల్లకుండా సోన్నాడమే చెయ్యకు అంతిరాయ హృదయాలమేనే ధర్మశాస్త్ర సారం రాసినట్టే ఇక్కకు 16 నటు సువార్త ప్రకారం దేవురు యేసు క్రీస్తు ద్వారా మొంచురు రహస్యాలన విచారించి రోజున ఈ విధంగా జరగిక్కి 17 నీను యూదుడవిండు పేరు ఎచుండు ధర్మశాస్త్రత బట్టి దేవురికోరు అతీసేయిక్కిరా అల్లే 18 ఆయన చిత్తం తెలుజు ధర్మశాస్త్రంకోరు ఉపదేశం పొంది ఎదు నల్లదో తెలుజు అతుకు మెచ్చుమ్ గార అల్లే 19 జ్ఞాన సత్య స్వరూపమైన ధర్మశాస్త్రం గలిగి నాను గుడ్డాయిలకు దారి కటిక్కురామను చికటికోరు ఇక్కిరాయులకు వెలుగు కటిక్కురామోను 20 బుద్ది ఇల్లారాయిలన సరిదిద్దురామో చిన్న కుట్టిలకు ఉపదేశం చేయురామో ఇండు నీకు నీనే అగుసుంజిక్కిరంగా అల్లే 21 మున్నె మొంచకు ఉపదేశించురామో నీకు నీను బోధించుంగుమాట తెక్కతనం చెయ్యకూడదిండు సోన్నూరు నీనే తెక్కతనం చేయక 22 వ్యభిచారం చేయమానిండు సోన్నూరు నీనే వ్యభిచారం చేయక విగ్రహాలను అసహ్యంచుగాట నీను గుడులన ధోసింగార 23 ధర్మశాస్త్రంకోరు గొప్పలు సొనింగురు నీను ధర్మశాస్త్రం మీరి దేవురుకు అవమానం ఎత్తారిక 24 మిమ్మును బట్టే అల్లే దేవురి పేరు యుదేతరుల మధ్య దూషణ పాలగిక్కీ ఇండు రాసి ఇక్కి అల్లే 25 నీను ధర్మశాస్త్రత అనుసరించురామనికే నీకు సున్నితి ప్రయోజనం వర్తించాకు గాని ధర్మశాస్త్రత అతిక్రమించురామనికే నిటు సున్నితి సున్నితి అల్లారట్టె 26 కాబట్టి సున్నితి ఇల్లారామో ధర్మ శాస్త్ర నియమాలు పాటించునుకే సున్నితి ఇల్లదోయిన సున్నితి పొందునట్టే అల్లే 27 సున్నితి పొందదోయిన ధర్మశాస్త్రత అనుసరించి జీవించురామో లేకణాలు సున్నితి కలిగి ధర్మశాస్త్రత అతిక్రమించూరు నీకు తీర్పు తీర్చాకు అల్లే 28 మెనుకు యూదుదుగా కండిభుగురామో యూదుడు అల్లా శరీరంకోరు మెనుకు కండిబుగురు సున్నతి సున్నతి అల్లా 29 అంతరంగంకోరు యూదుడాన ఆమె యూదుడు సున్నతి హృదయతకు చెందునదు అదు ఆత్మకోరు జరుగురుదే గాని అక్షరార్ధమైనదు అల్లా అంతిరూ అయిలునే నంబరు దేవురు మెచుండుసు