Chapter 20

సాతానుకు అగదంకోరు చెర 1 ఒండు దేవదూత పరలోకం నుండి దిగి వారాటం పాతే.అత్తు కికోరు ఒండు బేరు గొలుసు,అగాధం తాళం చెవి ఇక్కి. 2 అదు అపవాది,సాతాను ఇంగిరు పేర్లు ఇంద అదు సర్పం ఆన మహా సర్పత పుడుసుండు వెయ్యి వాటకాలం వరకు అగాధం కోరు భూగోడుసు. 3 అత్త అగదంకోరు భూగోటు, అత్త ముసోటు అత్తుకు మూద్రోడుసు.ఆ వెయ్యి వాటకలమయ్యే వరకు ప్రజల్ని మోసం చెయ్యకుండా అదు ఆగదంకోరే బందీగా ఇక్కిము.తర్వాత కొద్దీ సమయం అత్త ఉట్టెక్కుము. మొదటి పునరుత్థానం 4 అప్పుడు సింహాసనాలు పాతే.అత్తుమేనే ఉక్కుండ ఐలుకు తీర్పు సోన్నురు అధికారం కుడుచ్చు.యేసును గురించి ఐలు సోన్నుండ సాక్ష్యం కొరకు,దేవురు వాక్కును ప్రకటన చెందతుకు తల బొటోడిచుండ భక్తుల ఆత్మలు పాతే.ఐలు క్రూర మృగత గాని,అత్తు విగ్రహత గాని పూజిక్కుల్లా.ఆసుకు నుదిటి మేనే గాని కి మేనే గాని ముద్ర వొడొటిక్కిళ్ళ.ఐలిప్పుడు సజీవులయి క్రీస్తుతో కలుజు వెయ్యేళ్లు పరిపాలిచ్చుసు. 5 ఆ వెయ్యి వాటకాలం ముగిసే సరికి సేట్ఠోనాయ మిగులున ఐలు సజీవులు అగుళ్ల.అదే మొదటి పునర్జీవితం. 6 ఈ మొదటి పునర్జీవితంకోరు పాల్గొన్నాయ పరిశుద్ధులు దీవెన పొందునాయులు.ఐలుమేనే రెండో మరణతుకు అధికారం ఇళ్ల. ఐలు దేవురుకు.క్రీస్తును యాజకులు క్రీస్తుతో కూడా వెయ్యి వాటకాలం పరిపాలన చెయ్యకు. సాతాను విడుదల.4.గోగు,మాగోగు పతనం 7 వెయ్యి వాటకాలం ముగుసునాక సాతాను అత్తు చెరకోరు నుండి విడుదల అక్కు. 8 అదు బయల్దేరి నాలు దిక్కులకోరు ఇంద గోగు,మాగోగు ఇంగిరు దేశాలన మోసం చెందు యుద్ధతుకు సమాకూర్చకు. 9 ఐలు అంతట వ్యాపించి పరిశుద్ధుల శిబిరమైన ప్రియ పట్ఠానత ముట్టడి ఓడాకు.అప్పుడు పరలోకంనుండి అగ్ని దిగివొందు ఐలన దహించి ఓడాకు.5.సాతాను పతనం 10 ఐలన మోసం చెంద అపవాదిన గందకము ఇంద అగ్ని సరస్సుకోరు భూగోడాకు. అటినే క్రూర మృగం,అబద్ద ప్రవక్త ఇక్కి.ఐలు నావారు పగలు కలకాలం బాధలు బుగాకు. 6.అవిశ్వాసుల పతనం.అంతిమ తీర్పు 11 తర్వాత వల్ల సింహాసన్తా అత్తుమేనే ఉక్కుండ ఒకాయనను పాతే.ఆయన సన్నిధి నుండి భూమి ఆకాశాలు వొడొక్కు.కానీ ఐలు వొగుర్తుకు చోటు కండిభుగుళ్ల. 12 సెత్తోనయులు గొప్పయిలైన అల్పులైన ఆ సింహాసనము మున్నె నిలబుధు ఇక్కటం పాతే.అప్పుడు గ్రంధాలు తెరుచ్చు.మరో గ్రంథత కూడా తెరుచ్చు.అదు జీవ గ్రంధం.ఆ గ్రంధాలకోరు తమ కార్యాలను గురించి రాసి ఇంద త బట్టి ఐలు తీర్పు పొందుసు. 13 సముద్రం అత్తు కోరిందా సేట్ఠోన ఐలన అప్పగించుసు.మరణము,పాతాళ లోకము ఆసుకు వసంకోరు ఇంద సేట్ఠోనయిలా బట్టి అప్పగించుసు.ఐలడ్డు తమ తమ కార్యాలను బట్టి తీర్పు పొందుసు. 14 మరణత పాతలాన్ని అగ్ని సరస్సుకోరు భూగోడాటం జరుగుసు.ఈ అగ్ని సరస్సే రెండో మరణం. 15 జీవ గ్రంధం కోరు పేరు ఇల్లారామున అగ్ని సరస్సుకోరు భూగోడుసు.