1 మొదటి ఒప్పందతక కూడా భూమి మేనే ఒండు ఆదరనా స్థలము ఆరాధాతకు సంబంధించున నియమాలు ఇక్కి 2 ఇదు యణుగిండీకే ప్రత్యక్ష గుడారంకోరు ఒండు గదిన సిద్ధం చెంచు ఇదు వెలుపలి గది ఇతుకోరు ఒండు బల్ల సన్నిధికోరు ఇక్కిరా రొట్టలు ఎంచుసు ఇతూనే పరిశుద్ధ స్థలం ఇండు అకాకు 3 ఇంకా రెండో తెర పెరుగులే మరొండు గధీక్కి ఇతున అతి పరిశుద్ధ స్తలం ఇందు అగుచు 4 అత్తుకోరు బంగారంతో చెంద సాంబ్రాణి గిన్నె ఇక్కి ఇటే ఇంకా బంగారంతోడుగయింద నిబంధన మందసం కూడా ఇక్కి ఇంకా ఆ పెట్టేకోరు చిగురించున ఆహారోను కోలు నిబంధనకు సంబంధించున రెండు రాతి పలకలు ఇక్కి 5 కరుణ పీటం ఇండు అకీరు మందసం మూత మేనే బాగతన తేజస్సు తో నిండున కెరూబుల వివారిక్కటకం సాధ్యం అల్ల 6 యీయులడిన సిద్ధం చెందక యాజకులు క్రమం తప్పకుండా ప్రత్యక్ష గుడారం కోరు పెరుగులే గదికోకు వంచు అయిలు సేవలు చేయ్యాకు 7 కానీ ప్రధాన యాజకుడు వాటకాలతకు ఓండుసారి మాత్రమే వులి రెండో గదికోకు వారాకు ఆనికే అణా వారుర్తుకు మున్నె అదు అత్తు ప్రజలు తెలియధే చెంద దోషాల కొరకు బాలి అర్పించి ఆ రేగత కియికోరు వాకిండు వారాకు 8 ఇతుబట్టి ఆ మొదటి గది ఇంధగా అతిపరిశుద్ధ స్ధలంకోరు ప్రవేశించురు మార్గం వెల్లడి అగుదులిండు పరిశుద్ధత్మ స్పష్టం చెయ్యక్కి 9 ఆ గుడారం ఈ కాలతకు ఒండు ఉదాహరణగా ఇక్కి ఈ అర్పణలు కానుకలు ఆరాధించురు వ్యక్తి మనస్సాక్షిన ఉత్తమంగా చెయ్యమాడిదే వొసు 10 ఇయ్య అనేక రకాల ఆచార సంబంధమన ప్రక్షాళనాలకు అనుసంధానంగా ఇంద కలితన్నిలే ఇయ్య పుది వ్యవస్ధ వారురంత వరకు నిలిచి ఇక్కిరు శరీర సంబంధమాన నియమాలు 11 ఆనికే క్రీస్తు వారోగురు నల్ల వాతలు ప్రధాన యాజకుడిగా వంచు కియ్యిలతో చేయరాదు సృష్టి ఆన ప్రపంచతకు పాత గుడారం కిండికే అరగతన ఘనమానదు అరగ్గతన పవిత్రమానదు పరిపూర్ణమానదు ఆన గుడారం గుండా వంచు 12 మేకల కోడె దూడల రెగంతో అల్లకుండా క్రీస్తు అడేరు శాశ్వత విమోచన కొరకు అత్తు సొంత రెగంతో అతి పరిశుద్ధ చోటుకోరు ఓండుసారే వంచు 13 అంతుకిండికే కేవలం ఎద్దుల రెగము మేకల రెగము మాడుదుడ బూడిదన చెల్లడాం ఆచారపరంగా అశుద్ధమన అయిలున పవిత్ర పరిచికె 14 ఇక నిత్యమాన ఆత్మ ద్వారా ఎంతిరు కళకం ఇళ్ళకుండా దేవురుకు అతుకు అదే సమర్పించుండ క్రీస్తు రెగం సజీవుడానా దేవురుకు సేవ చేయుర్తుకు నిర్జీవమాన పనులనుండి నంబుర్జ్ మానస్సాక్షిన ఎంతగా శుద్ధి చేయగలదో ఆలోచించుంగో 15 ఈ కారణం కోరు ఈ పుది ఒప్పందాతక క్రీస్తు మధ్యవర్తి గా ఇక్కి ఇన అంతుకిండికే మొదటి ఒప్పందం దిగిలే ఇంద ప్రజలను అయిలు చెంద పాపా కలుగురు శిక్ష నుండి వుటేకీర్తుకు ఒండామో చేత్తోసు కాబట్టి దేవురు ఆగస అయిలు ఆయిల శాశ్వతమాన వారసత్వాత వీలు కలుగుసు 16 ఏదైనా వీలునామా వుటెచు వొనికే ఆ వ్యక్తి చేత్తోగురుత నిరూపణ ఆగుము 17 మరణం ఇందికేనే వీలునామా చెల్లుబడి ఆగాకు అత్తున రాసినమో పేగుసు ఇంధగా ఆ వీలునామా చెల్లుదుల్లా 18 కాబట్టి మొదాటి ఒప్పందం కూడా రెగం ఇళ్ళకుండా ఎరుభూగుళ్ల 19 మోషే కూడా ధర్మశాస్త్రం కోరు అడ్డి ఆదేశాలన ప్రజలకు వివరించున తరువాత కోడెదూడల మేకల రేగత తన్నితో కలిపి ఎర్రని ఉన్ని హిస్సోపు తో అత్తున వాకిండు ధర్మశాస్త్రం చుట్ట మేనే ప్రజలడేరు మేనే చిలకరించుసు 20 తరువాత ఇదు ఒప్పదపు రెగం ఈ ఒప్పందం కోరే దేవురు నింగులుకు ధర్మశాస్త్రపు ఆదేశాలన తంచు ఇండు సొంచు 21 అనిగే ఆ రేగత ఆదరణ మేనే గుదరంకోరు సేవకుపయోగించురు పాత్రలడ్డి మేనే చిలకరించుసు 22 ధర్మశాస్త్రం ప్రకారం దాదాపు వస్తువులిండు రెగం శుద్ధి అగాకు రెగం చిందికాదోనికే పాపాలకు క్షమాపణ కలుగుదుల్లా 23 కాబట్టి పరలోకంకోరు ఇంధయులుకు నకలుగా ఇటే ఇందాయ జంతుబలులు వల్ల శుద్ధి ఆగలసిక్కి ఆనికే అసలు పరలోకతకు సంబంధించున శుద్ధి ఆగుమిండికే అంతుకిండికే శ్రేష్టంమన బాలులు జరుగుము 24 అంతుకిండికే కియిలతో నిర్మాణం జరుదు నిజమైన తతుకు నకలుగా ఇంద అతి పరిశుద్ధ స్తలంకోకు క్రీస్తు ప్రవేశించదుల్లా ప్రస్తుతం ఆయన నంబురదేరు కోసం దేవురి సన్నిధికోరు కనిపించుర్తుకు ఏకంగా పరలోకంకోకే ప్రవేశించుసు 25 అంతనే అల్ల ప్రధానయాజకుడు ప్రతి వాటకాలం అత్తుదు అల్లారాదు వేరే రెగం వాకిండు అతి పరిశుద్ధస్థలం కోరు ప్రవేశించుసు ఆనికే పదే పదే అతున అదే అర్పించునుగుర్తుకు అటుకు ఊగుళ్ల 26 ఓండువేల ఆయన పదే పదే అటుకు వోగాలసి వందికే భూమి ప్రారంభం నుంచి ఆయన అనేకసార్లు హింస పొందాల్సి వారువు కానీ ఆయన ఈ కలాంతంకోరు ప్రత్యక్షమై ఓండేసారి అతున అదే బలిగా అర్పించడం ద్వారా పాపాత వంగోడుసు 27 మంచురడ్డి ఓండేసారి చెతొక్కు తరువాత తీర్పు జరగాకు 28 అనిగే క్రీస్తు అనేకమంది పాపాలన వంగోడడం కోసం ఓండుసారే అత్తున అదే అర్పించుసు ఆయన రెండోసారి అనుపించనిక్కి ఆనికే ఈ సారి పాపాలకొఱకు అల్ల కానీ అత్తు కోసం సమనంతో వేచి ఇక్కిరాయ రక్షణ కోసం కనిపించనిక్కి