3

1 Timisewa, wetegheleliye kini, omubhilo bhyakumalilila mpelo bhintu bhya kabii bhilibhoo. 2 Nanga obhwile obhu bhantu blalibha bhanii, bhalikunda sete bhaliepanka, bhebimba bimbiye, bhabhughi bha kubii, bhalibha ntaghua abha bhiya bhabho, bhalibha bhatwesimagha, bhatahikiliye. 3 Bhatali na mutima abhatakughuagha, bhantu bha bhikoko, bhasakaye, abhatalindiye, abhatamaniye kisimiye kyona, 4 bhalibha ngaya, bha tambighana, bha myepanka, bhalikunda ebhi bhabaliye kusalia Luhanga, 5 bhaliefola bhantu bha dini, noo bhalibenga mani ghayoo. Osele abhantu abha. 6 Bhaliyo mu bhantu bha abhakwehibagha mumanumba, na bhabakila bhakali bhali mitima ghucheke na bhatakubhonagha, abha bhibii bhitwaliliye, abha kweghomba kwa mubhili kutwaliliye, 7 Mbanagha bhintu bhiyaka na bhatakweuba kuhika akukenga majima. 8 Ngoku Yone na Yaombule bhahakaniye Musa, nukuwo abhantu abha bhakuhakaniye majima,bhyelilikane bhyona bhibii na tabhali na kuhikilija kwa majima. 9 Noo tabhalituloo bhwele bhukaniye, nanga esile lyabho lilibhonekeluwa na bhantu bhona, ngoku lya bhasasa bhali bhabhili lye yelekiye. 10 Abhwa wee, okakwama njeghesiya yanje, kwetwalikaniya kwanje, kighendeleluwa kwanje mu bhwomili, kuhikilija kwanje kugumiliya kwanje, bhudoti bhwanje, kukunda kwanje, kuguma kwanje, 11 Kumpinganija, bhambonabhoniya. Kubhonabhona ntabhone omu Antiyokiya, Ikoniyo, lesitula. Kubhonabhona kwengiye ha ntagumisilijiye? Na mukama anjiyamubhijibhu ebhi bhwona. 12 Kuni, abhakubha bhabaliye kukola omu Yesu Kilisito bhalibha bhonabhoniya. 13 Noo bhantu abhasakaye (bhabii) na abhakwekolagha kubha bhalungi bhakweyongela omu bhibii. Bhakubhuliya bhanji nabho bhonini bhabhule. 14 Okale omubhighambo ebhiweeghiye, ebhimanukuuwe bhyamajima, onakengiye oghu akakweghesiya bhiyo. 15 Kutandikila mu bhuto, omaniye bhihandiko bhilikwela, ebhikuguba kukuwa magheji gna kuleka nojunuwa kusalila mu nikiliija mu Yesu Kilisito. 16 Bhuli kihandiko kikaletuwa na Luhanga na kili na mughaso habhwa kweghesiya, kughwisiisiya, kunanula bhiintu bhiyegiye, kulaghila omu majima, 17 nukuwo omuntu wa Luhanga ahikilile na kutekanijibhuwa bhwa bhuli kikoluwa kilungi.