1 Paulo, mukwenda wa Yesu Kilisito, akubala kwa Luhanga, bhwo'kughambila endagano yobhwomili obhuli ewa Yesu Kilisito, 2 ewa Timitewa, manu wanje mukundibhuwa: Ngughuma, n'embabhaji na kasinge bhigube kuhebhuwa hali Luhanga esetuwe hamui na Yesu Kilisito mukama watu! 3 Nkusima Luhanga, oghu bhatita bhakolelagha, na noghu n'kwete kukolela na magheji ghasemeye, omukilo n'ekisana kukala nina kusuka omukati ke sala syanje. 4 Nkinjisukiya maligha ghawe, no kwekumbula kukubhona, nikuwo neighuwe okudeduwa, 5 nina suka o'kwilija kwawe kwamajima okwali kuli mu mamba LOHISI no'mukati ka nina wawe YONEKI oghu nkubhagha ni gumiye, kukala nawe. 6 Ni kiyo kilekiye ni n'kusukia no ku mukiya ekisembo kya Luhanga eki watungiye amigisa y'engalo siyanje. 7 Nanga taghuli mutimaghwa bhwobha oghu Luhanga atuhaye, noo mutima ghuli naamami, ghw'engoji noghwo'kwetegheleliya. 8 Utabha n'obhwobha obhukaiso o'kubhuhela Mukama watu, kida siye omu kwatuwa, kuyo agumisilije hamui nanje omu kutebheja, ekighambo . 9 Abhwobhutoki bhwa Luhangaoghu akatujuna, nokutubhilika, etali bhwa bhikoluwa bhyatu, noo alinekighendeleluwa, na kukwamilana n'enghuma esi atuhaye omu Yesu Kilisito obhwele bhwe mpela bhutakaikiyo, 10 na sikayoleka abhwele bhuni akwisa kwa Yesu Kilisito, omujuni watu oghu akasagha o'luku noghu oghwakalwa nasiya olliku no kuwelekelela kwe kwe kighambo. 11 Abhw'enjili eghi mubhawo na hebhebhuwe kubha mweghesiya na mukwenda, okomebhuwe kweghesiya abhakafwile. 12 Nibhwo nanga abhweki n'kubhonabhona, kiyo tandi na n'soni, nanga nikengiye oghu nahikilije, na ngumibhuwa nanga ku ali n'obhutoki bho kulinda nguli yaaje kwikiya akilo eki. 13 Olinde omu nikilija n'omukukunda ebhili omu Yesu Kilisito, ekyokulolelaho kisemeye ekimuatugiye kulugha ewanje. 14 Olinde omu guli, omumani gha mwoyo oghuikiliye oghuli muetuwe. 15 Omumaniye ngoku bhona abhali omu ASIA bhakajuluka, nga Figela na Hemogeni. 16 Mukama asuliye egughuma siye omunumba y'Onesifolo, nanga amupolesiagha bhwelebyona, n'atakwatiye nsoni okukwatuwa kwanje. 17 Noho, obhwu asuye e Roma, akabala namani ghona n'a atunga. 18 Mukama amuhe gughuma ew'omukama ebhilo ebhi. Omaniye munu ngoku muntu akoleye bhilungi bhikomiye Efeso.