12

1 Nankaba mutakusima nga mukwenda wa Kilisito, nkulaghilua kwetongela kwesinda nankaba ntalineki nkutungo, nkubhaghambila obhi Mukama Kilisito alekiye nabhonekeliwa kandi nebhi qnsukuliye. 2 Nimaniye musasa aikiloje Kilisito oghu miaka ekumi neenaa ehoyo oghu akatwaluwa mu eghulu. Alabha haatwahuweyo mumubhili keda mumoyo siye tanimaniye Luhanga niye amaniye. 3 Nkutoda kughila nti, Luhanga alabha namukwete mu mubhili keda atali mu mubhili, Luhanga niye amaniye eki nimaniye. 4 Ningu akatwaluwa mukikalo kya Luhanga kisemeleye kimu, ti Luhanga amughambilayo bhintu ebhi muntu atakauguba kusobholola, kandi ebhi muntu atasimilanuwe kubhugha nanga mbhyakuswekaniya munu bhantu kubhilukilija. 5 Nangwesinda kubhugha ekyabhayo musasa ngoghu, noo etali abhwanje nenka nkwesinda abhwa bhintu ebhikulekagha bhantu bhambona bhucheke. 6 Nankabha ntuwamu kwesinda, tankubha ndi mudoma baa, nanga nkubha nimbugha majima. Noo takwesinda nanga tambaliye ebhi mughuye nineghesiya nebhi mubhone ninkola bhileke bhantu bhanelilikana kusaliya ngoku kibonganuwe. 7 Anuma ya Luhanga kumalakunjoleka bhyakusukuluwa bhyamani ebhi bhyona mu eghulu, ampa kijibhukyamani kya bhulwaye obhwambona-bhoniye ngoku ehuwa likusalilagha muntu limutubitiye, akakola eki kutanga kwesinda abhwa ebhi onzolekiye ebhi bhyona Sitani abolagha kukolesiya bhulwaye obhu kumbona-bhoniya. 8 Nkasabha Mukama milundi esatu nti anjiyo kubhona bhona oku. 9 Noo bhieli mulundi ankukaghamu ati: <>. Nabhweki mkwesinda kubhugha bhintu bhabhone ngoku Kilisito aniye akumpagha mani gha kumuheleliya. 10 Ekinikyo kikulekagha abhwa Kilisito ndeduwa, mubhucheke, bhantu kumbakisiya, mubhijibhu, bantu kumpighanija kandi kubhana-bhona. Nanga nkakubhagha ndi mucheke obhu nibhuwo Kilisito akumpagha mani. 11 Nee fooye nga mudoma kwebhugho ninesinda ntiyo, noo ninuwe mwampambilije kwebhugho ntiyo ninuwe mwabhagha mubonganuwe kunsinda mutiyo, nankabha nimukwelilikanagha muti kandi na mughaso, abhamukughila ghamu:<> abhatabhasaiye baa. 12 Obhu nanabhagha nanu eghi nkagumisilija kandi nakolagha bhwakulolela nabhyakuswekaniya kwoleka ngoku ndimukwenda kwonini wa Kilisito. 13 Eki ntakoliye eghi nikughila nti musaghike, ngoku nkukolagha mubhibhula bhya bhaikilija nkasobhiya, munganile. 14 Netekaniye kwisa kubhalola mulundi ghwakasatu tankubhabhela kizibhu nanga tankwisa kughila nti mumpe bhintu bhyanu 'nkubala kuikilija kwanu kugume. Mumaniye ngoku bhana bhatabonganuwe kuteghekela bha bhyaye bhabho, noo bha bhyaye bali nakulolela bhana bhabho siye Paulo ndi gamubhyaye wanu nkubhakola ntiyo. 15 Naabhweki nakudeduwa kukaniye, nkwehelayo kimui kandi mpeyo koona akankolinako habhwanu bhuyesiye kubhakunda bhyoni, kikuleka enuwe munkunde kukee? 16 Mumaniye ngoku ntaghiliye nti mumpe sente syebhinetaghisibhuwagha noo bhantu bhakughilagha bhati, nkambayo enuwe sente mumaghezi kandi mumulingo ghwa kubhasoma na. 17 Bhuye bhaikilija bhana kyanje abha kuntumagha eghi aliyo oghu ebho bhaiyo sente mumulingo ghutaikiyekusindetela. 18 Obhu natumiye Tito na muikilija munakyatu oli onji oghu mumaniye bhuye bhakabhakumaniyo mueghi sente? Tamumaniye ngoku siye amui na Tito twakolagha eghi bhintu bhisusane kandi tuli nakighendeleluwa kimui? 19 Keda nibhuwo mwelilikana muti bhwile obhu bhwona tukwete kwetonganililana ewanu kuti katulinekitusobheiye? Twabhughagha bhintu ebhi mumajima mumaso gha Luhanga abhwatu kulungana na Kilisito bhaikilija bhanakyanje ebhi twakoliye bhyona bhikabha abhwakubhagumiya mukuikilija kwanu enuwe abha tukundiye. 20 Ekineyungililiye ningu ninasiye eghinsabhola kusanga bhanji bhatakwetwalikaniya ngoku nkubala bhaikilija kwetwalikaniya. Nkakubhasanga ntiyo nkusaliluwa kandi mbafubhile ngoku mutangumbaliye nkale. Tineyungiye nti ninasiye eghi nsobhola kusanga musuye ntongani, etima, kinigha kihingulane, bhuli omui ali akwebhalila bhiye nimubhughangana kubi muli na lughambo, muli namie panko ebihiye kandi mutatekane. 21 Neyungiye nti ninatodiye kwisa eghi Luhanga akulekanighuwe mpemukikiye mumaso ghanu nkutuntulaha bhwa bhaikilija bhakaniye abhana bengiye kwekukamu bhibi bhyabho bhyakwebiya bhya bhusiani nakweghamba kwakitiyokitiyo ebhi bhanakwete kukola.