¹ Yesu arhondera ayigiriza oku burhambi bw'enyanja olubaga lw'abantu balimuzungulisire, ashonera omu bwarho omunyanja n'olubaga lwabera okw'idaho oku chikwi. ² Abayigiriza binji okmiga omu migirizo ababwira: ³ Yunvagi, omurhwezi w'emburho agendaga ajirhwera. ⁴ Erhi akol'aja rhwera, mburho nguma za rhogera okuburhambi bwe njira, haisha orhunyunyi rhwazirya. ⁵ Ezindi z'arhogera o'kuchikunguzo ah'olukarabuye arhali budaka bwinji, zana mera chi obudaka bwali ntabwo; ⁶ Izuba erhi libasha zayuma emizi erhali hisire hali. ⁷ Ezindi zarhogera omumishugi : emishugi yamera ,yazi gwerheza ya mera zirhalehekaga bishi. ⁸ Ezindi zarhogera ahal'idaho linja: zaleheka amalehe zamera zanakula na zanaleheka ,nguma yaleheka makumi gasharhu ,enguma zaleheka makumi galindarhu , na enguma igana. ⁹ Aderha , erhi ogwarhe amarhwii g'okuyumva oyumve ¹⁰ Erhi aba okola aliyene , abantu balimuzungulusire haguma nabalya ikumi na babiri bamudosa enyanya zeyo migani ¹¹ Ababwira erhi mwehe mwaberirwe okumanya amahwe ga Mungu ci emwabala boshi bali embuga banakakolerwa okumigani ¹² Lyo nka bakasinza baheneke cibarhabone na bakayunva, bayunve ci barhamanye lyo barhagi yemera n'okubabalirwa . ¹³ Ababwira kamurhamanyiri ogwo mugani? gurhigi mwaichimanya migani yoshi ¹⁴ Oyu murwezi arhwera akanwa. ¹⁵ Ababoli okuburhambi bwenjira erhi akanwa kahanwa ,nabo erhi bakanyunva , honaho hanaishe shetani, anabarhenze mwo gulya mwanzi gwa rhweragwa omumirhima yabo. ¹⁶ Kwonokwo abanabo bobabalya barhweragwa ahali olukarabuye ,erhi baba banayunva gulya mwanzi banaguyankirira n'obushagluke; ¹⁷ Ci barhaligwerhe mizi omundalala zabo ,cikone babera ho kashanzi katya erhi haisha ehya kahuso ni vurugu enyanya zogw'omwanzi yabanjira yakubahirimya. ¹⁸ Aba nabo bobarhwezirwe omumishugi, balibantu bayunvirhe gulya mwanzi , ¹⁹ Okukoya koya kwomw'igulu n'okurhebekana enyanya z'ebirugu ,n'enyifinjo z'ebintu binji zabadaha mwo zagugwerheza ogw'omwanzi ,gurhalehekaga. ²⁰ Nababobarwezirwe ahali obudaka bwinja bobantu bayunvirhe gulya mwanzi banaguyankirira , n'okuleheka amalehe ,liguma makumi gasharhu ,liguma makumi galindarhu ,liguma igana ²¹ Abwira gurhu mubwine kabanalerhe itara n'okulihira idako ly'akashasha kandi erh'idaku ly'enchingo? Kakurha kulihira oku mugwarhizo gwalyo? ²² bulya nta mwanzi gwafulisirwe,gurha fululuka, ntagwo gwihwe gurha kayalagizibwa. ²³ ogwerhe amarhwiri gw'okuyunva, ayunve. ²⁴ Ababwira kandi erhi muchilange, oku byo mwaja yunva,oligere mwaja gerera abandi lwo ninyu mwanaishi gererwa na kulusha. ²⁵ Bulya ogwerhe ye wanahabwe na orha gwerhi ciru ehyajira bana munyaga hyo. ²⁶ Aderha kandi,obwami bwa Mungu bushushanyibwe n'omuntu warhweraga emburho okwidaho; ²⁷ Omukugweshera n'okuzuka budufu n'omushi; ezomburho zanamera. N'okukukula nkoku arhalichimanyire. ²⁸ Bulya idaho lyone linna leheke, burhanzi ehyasi, o,ukenje, nabuwinda enderhere byoshi bijirikane omukenje. ²⁹ Nka akaba amalehe gakola gayezire anaheke akere bulya ebihumbulwa biahikirire. ³⁰ Achiriderha: rhushushanye na bichi obwami bwa Mungu? Erhi rhubuhire omulwiganyo luhi? ³¹ Kwo bunali nka nderhere ya haradali, erhi rhwerwa omudaho, chir'ankaba yo nsunguli kulusha enzindi nderhere ziri omwidaho. ³² erhiba ya marhwerwa enemere n'okukula, n'okuba nnene bwenene kulusha eyindi mirhi y'enshogo gunashamike amashami mahamu chiru na orhunyunyi rhwo munankuba rhwanalama omwidako lye chihoho chagwo. ³³ Okumigani minji ya mwen'eyo akagi babwira omwanzi gwage nkoku banalihashire oku guyunva. ³⁴ N'abuzira lwiganyo arhababwira akanwa, okubwifufu akamanyisa abaganda bage. ³⁵ Lwo no lwo lusiku erhi biba bijingo Yesu ababwira, erhi rhuikirire ishiriza. ³⁶ erhi baba basengeruka olubaga, banamuheka omu bwarho. N'agandi marho gali haguma naye. ³⁷ Hayimuka echihukirizo chihamu ch'empusi na oluhusihusi lwa shurha obwarho kuhika bwa yunjula mishi. ³⁸ Naye,alihunire omwidako oku mishi. banamutula banamwira: Mwigizira kabirhakubwiziri gurhi okuhera kwirhu? ³⁹ Anazuka,ashoholera erya mpusi, abwira enyanja: hulika! onarhuze! N'erya mpusi yana hulika, hanab'omurhula. ⁴⁰ Achiri babwira: Bici birhumire muyobohire? cici cankarhuma mwabula obwemere? ⁴¹ Baja mwe choba chihamu bwenene na okubwirana bone na nene. Alind'oyu, chiru nempusi n'enyanja bya mukenga?