¹ Chi muka adesire n'obwalagale oku ,amango ga buzinda abandi baishi chiberula n'obwemere ,bakayunvirhiza emirhima mirhebanyi n'enyigirizo z'abazimu. ² Oku bugongolyo bw'abigiriza babi bagwerhe ecimanyiso cokutumirhwa omuntimanya zabo ³ Bakachika abnntu okurhola n'okuheruka nampu bayake ebilyo mungu alemaga lyo biyankirirwa omukuvuga omunkwa n'abali bikubagirwa , na abamanyire okuli. ⁴ Bulya ngasi byoshi Mungu alemire biba binja, nantabyo byankalekwa , chasinga biyankirirwe omu kuvuga omunkwa ⁵ Bulya byoshi byachesibwe okumwanzi gwa Mungu n'okumahuno ⁶ Omukukengeza ebyo okumilondane , waishiba mukozi mwinja wa Yesu kristo, olya walisibwe emyanzi yo bwemwere n'enyigirizo nyinja zilya washimbulire okubinali. ⁷ Olahire endibi zirhagwerhi makwamane z'abagikulu. ⁸ Ochikomereze obuchese ;bulya okuchikomereza okuba n'emisi yomubiri kushinganine hitya ,chikwoki obuchese bushinganine okubyoshi bugwerhe echiragane ch'obulamu bwabuno n'obwanachiishe . ⁹ Ogwo gulimwanzi gwakuyemerrwa gunashinganine okuyankirirwa. ¹⁰ Rhuli rwakola ,n'okushihangana ,bulya rhuhebire obulangalire bwirhu oku Mungu ozine, yeri muciza wa abantu boshi , bwenene abemezi. ¹¹ Oderhe eyi myanzi, onayi igirize. ¹² omuntu yeshi yeshi arhaganyagusagya obusole chi obe lwiganyo okubemezi ,okumwanzi,oku bworhere ,omubuzigire ,omu bwemere ¹³ Kuhika inyishe , ochihangane okusoma okuhanula n'okuigiriza ¹⁴ Orhaleke okukolesa enshokano ekuli mwo ,n'eyiwahabagwa okubulebi, haguma n'okuhebwa kw'amaboko g'obushimanane bwabashosi . ¹⁵ ochishwekere okwebyo , oshihane okubyo lyo bugenderere bwawe bubonekana emw'abantu boshi. ¹⁶ Olange obugumana bwawe n'enyigirizo zawe , obere omugarhi k'ebyo ,bulya omukujira ntyo wachiciza wene , na wachichiza abakuyunva