¹ Nnyinginzire embere lya byoshi ,hajirikana isala okuinginga amahuno, n'okuvug'omukwa ,okubantu boshi. ² Emwa abami n'emwa boshi balya balengekire lyo rhugwarha akalamu kinja k'omurhula n'echihumula omu buchesibwe bwa ngasi lugero,n'obushinganyanya . ³ Ebyo biri binja na byakusimisa emalanga ga Mungu muchiza wirhu . ⁴ ye olonzize oku abantu boshi bachunguke ,n'okumanya okuli. ⁵ bulya haba Mungu muguma yene ,na muhumanya muguma aha garhi ka Mungu n'abantu yesu kristo mwene muntu. ⁶ wachihanaga yene okuba ngombozioku boshi . obyo budima bwahabagwa oku kasangi kage. ⁷ N'okobwo budima , nahebirwe ho nka mwigiriza na ntumwa . ndesire okuli ntadesiri bushumi mwigiriza w'ab'olubaga omu bwemere n'okuli. ⁸ Nnozize abalume akasalira ngasi hantu balambule n'amaboko gacire enyanya buzira bukali erhi ntanya mbi. ⁹ Nnonzize ,oku abakazi babe n'enyambalo nyinja haguma n'obukuze n'olugero barhakachiinjihya omu kuhunga emviri,erhi, erhi njuma ,erhi mishangi y'echishingo. ¹⁰ Chi bachilengehe n'ebijiro binja nk'onku bishinganine okubakazi bayemire okukolera Mungu . ¹¹ Omukazi ayunve enyigirizo erhi anarhuzize n'omugarhi k'okucirhohya. ¹² Nntahanyiri oluhuma oku omukazi okuigiriza erhi okurhambula omulume ,ci agwasirwe alame omukulika. ¹³ Bulya Adamu ye wabumbagwa mbere,eva naye akulikira ; ¹⁴ arhanali Adamu ye warhebekanaga ,ci omukazi ,n'erhi arhebekana ;ayaga. ¹⁵ ci aishi chunguka ,omukuba muzire nka akabera n'olugero omubwemere ,omu buzigire n'omubuchese.