¹ Bazigirwa murha yemere ngasi murhima,cikone mukazigera emirhima; lyo numanye rhi eliy'emwa Mungu. Bulya balebi banji bo bushumi bajire omw'Igulu. ² Ebya mulangula omurhima gwa Mungu: Nngasi murhima guyemire oku Yesu kristo ayishire omu mubiri, guli gwa Mungu; ³ Na ngasi murhima gurha yemiri Yesu, gurha li gwa Mungu, chigo gulya gwa anti-kristo olya mwayunvagya enyanya zokuyisha kwage, noyo buno akola aba omu Igulu. ⁴ Mwe bana barho mukola bana ba Mungu, mwanabahimire mira, bulya oli omundalala zinyu yemukulu kulusha oli omu Igulu. ⁵ Bohe bali b'igulu chochirhumire balibaderha okw'igulu, n'Igulu linabayunve. ⁶ Rhwehw rhuli ba Mungu, oishi Mungu anarhuyunve, ci orhayishi Mungu arharhuyunva. Aho horhumanyira omurhima gw'okuli n;omurhima gwa mahusha. ⁷ Bazigirwa rhusimane rhwene na nene bulya obuzigire buli bwa Mungu, na ngasi yeshi wanka zingirana oyo abusirwe na Mungu, oyo amanyire Mungu. ⁸ Orhazigirana arhayishi Mungu, bulya Mungu aba buzigire. ⁹ Obuzigire bwa Mungu bwa bonekine emunda rhuli, okuba Mungu arhumire omwana wage w'echusha omw'igulu, mpu lyo rhulama muli ye. ¹⁰ Nobo buzigire, arhali mpu bulya rhwe rhwasimire Mungu, Cikone ye wa rhusimire, arhuma omwana wage okuba kahumanya oku byaha birhu. ¹¹ Bazigirwa erhi ankaba Munngu arhuzigire kwa mwene oku rhugwasirwe nirhu rhusimane rhene nanene. ¹² ntaye muntu yeshi okula obwine Mungu; nka rhwa simana rhwene nanene Mungu anabera muli rhwe no buzigire bwage buyenire muli rhwe. ¹³ Rhumanyire okurhulamire omundalala zage naye arhuli mo bulya arhuhire omurhima gwage. ¹⁴ Nanirhu rhwa bwine rhwa nayemera oku larha arhumire omwana wage okuchiza igulu. ¹⁵ Owanka yemera oku Yesu ali mwana wa Mungu, Mungu adekerera omundalala zage naye abera muliye. ¹⁶ Na nirhu rhukolaga rhuba rhubanyire obuzigire Mungu arhujira ko rhuba rhuyemire ntyo. Mungu buba buzigire, na ngasi olamire omu buzigire, erhi ali omu Mungu na Mungu muliye. ¹⁷ nkoku baba, ko norhu rhuyorha o mw'igulu, cho chirhuma obuzire bubabuchire mulirhwe lyo rhuishi gwarha oburhwali olusiku lwo okutwirwa olubanja. ¹⁸ E'choba chirhaba omuzigire chi obuzigire boshinganyire buna male echoba chilerha obuhane, owe choba erhi arhaseziri omu buzigire. ¹⁹ Emwirhu rhumusima bulya ye wa rhanzire rhusima burhanzi. ²⁰ Omuntu anka ankaderha asima Mungu agali shomba mwene wabo erhi anali mushumi bulya orha nka sima omulumuna alya ali abona gurhi ankasima Mungu orhaboneka. ²¹ Arhuhire irhegeko oku owanka sima Mungu anasima mwene wabo.