Gbutusi 25

1 Dumbi kusalya ndiagulu akenyaganana kabakali ibbakabbuibhi bbaluku, ibba bbagbeya taala ndyabbo takana muluku mindyabo. 2 Bbetano subabo bbabbi ntwesile, na betolo ndibbo bbaibhi kima. 3 Ndugba bbampka, nibbakibhika na bbagbei matala ndyabbo, bbokulukugba mowula nabbo; 4 Nabo makulu bbo kulukugba, na mowula babbi subambika. 5 Nisi munyake kavike vwangu kimapone na bbakimeisa na kilala. 6 Sobbesakililia, na kikuga: onjibhe munyake, oyonta nkane! 7 Dumbi bakali baponi ndibakabuibhi bbalukuna bakijujuka, na bakululisa bakatodobha ndyabbo. 8 Ba ntwesile tolya bba ngbeku: okipesiye ka mowula, ndyako nanga tala ndyasu alimikiya. 9 Bba ngbeku na bakisikyaku: baa; kakibaveika besu na kabenu; buyengendyabo, kindi bakisumbaga nasumba. 10 Vwele ndyabbi ke bbenu, mundiaki, akidda; ndibbabbi menjo dumbi nabbaki ngila naye kabugeni samahano; dumbi kikuku na bbakudaka. 11 Ndibabbavika mbusa; nabbakitandika ekaki: Nkamami, Nkamami, okyokudilie. 12 Noo nakigye: nibbutoli kamazima kibbuibhi. 13 Otekete, nanga koibhibaa tolo, na saa. 14 Akibba byampka nakya, kagendo, na kibbuweka bbakoli nibbaki, napesiabo kimamabonga. 15 Nakupesia mutitalanta, na mundyetolo talanta tano, na mundyekesalo talanta moti bulimpka kingyanana nkamani ndyaki; nakudetaga. 16 Menjo mindyaena talanta tano aiya, kolesiahi, na kihena edyekina tano. 17 Na bhwelesi, mindyaena talanta bbali napatali youbbali. 18 Mindyekatoka addakuya teseka kadduddu, na somiambangana samwalimu mindyaki. 19 Kasumi ndyakolia, mwegisi mundya bbonyeli ndya kanilia, na kisikisa mbangani. 20 Ye mindya bamba sente tano nakumbikabbe, nakumbandyekina tano nakugieti: Nkumami, onipa sente tano; uzibhe, nienibhe ndyetolo tano. 21 Mwegisi kunakugieti: njo abbongia, ulingoli mindyemenemene; obbigba ntwamazima na kimapipi nkukupesya amamada ugode kadedelwa ndya nkumako. 22 Ye mindya bamba sente bbali nakumbikabbe, nakumbandyekina bbali nakugieti: Nkumami, onipa sente bbali; uzibhe, nienibhe ndyetolo bbali. 23 Mwegisi kunakugieti: njo abbongia, ulingoli mindyemenemene; obbigba ntwamazima na kimapipi nkukupesya amamada ugode kadedelwa ndya nkumako. 24 Mindyakali na mavi nakisekeddana todde, nakionga: Unkumami, nihibhi ya nisi olimuluku mamota, mindya kuhululaga kindya kakuni, namindya kikumesaga ndya kaheyi; 25 Nitaya, na niya somiahi talanta ndiakoka dduddu; onjibhe, ogbee ndyali ndyako. 26 Mwegesi mindyaki nakinsikiaku: nkoli makalama na nkusi, oibhi nisi ikihululaga kindya kakuni, na nkikumesaga kindya kaheyi; 27 Akugbokilania osikise mbangana ndyamo ka mambahisilyaga, na, kasikiami, ikibbuabhe ndyali ndyamo na nugaso ndyamo. 28 Ombuebhe talanta, na opesie mindyali na talanta komi. 29 Nanga okupanga, mindyalinayi na akibbanahibhyiaki, noo mindya kalinaiyi bbakimbuabhe nandalinayi. 30 Na nkoli mindyakali namugaso, omumakie kakilimikiaga ndyakachenge, mani akibba na lubbeiso na kweliangaga. 31 Ndya miki mindya muluku andakibhika subba tiendisa ndyake, na bba Malaika, nakiuka kambakatisa kusalia sa ndieddisa, 32 Bbakialo poni akikumana namusake. Na kibbugabhanisa bbe na bbekoyi, biya mbundili akibbubhisa bbantama na ntuli sabbameme; 33 Na akibbubhisa bbantama na kuluku nantulisabbamene nakumesu. 34 Ndumbi salia gbulusi nakionga kabbeeibbali kakuluku: bbubhike, bbenu ubbolina nkisa ndya Abha; bbugbe kusalia ndya bbabbupesia tuka ndya bba tandika kyalo. 35 Nanga nioki inja, na onipi lieli; nioki nyota, onipe ma nuwa; nibbi bbya ngenu, nokunihikya; 36 Nibbi ndumbu, nokunilolisa; yenilualia, nakubhika njibbamu; hinigbeibhuwa, nokuniduabhe. 37 Nakinsikiaku kemenemene: Nkumami, kikutangi maniinja na kugbei, nakikupilieli; kedda bhalalibbo, nakikupilibbo manuwa? 38 Kitangi genitomotina, na nokuniyikiya; mani ndumbu, na kukulolisa? 39 Mani kikutangia noluali, kedda kankomo, nikikiya bhiya sako? 40 Nasalia gbolusi nakisikiaku: nikikutolia kemenemene, nikilinja nponi ndya ndolinai okole kima kindya mikimoti wa mbusa sini kabbalugandami bbalio, alikemi obbonikolilia. 41 Katoddai nakibbugia ibbali na kumesu: bbunitukebhe, bbukinibhwa; muyekakala ndyakakisiabhe ndyabbabbi na bbongisi ka mulimo nabba Malaika ibbaki. 42 Nanga nioki inja, konipi lieli; niokin nyota kunipilibbo manuwa; 43 Nibbi ngenu, na kunibbali, nibbindumbu kunipibhonga malola; yinigbeibhuwa naniniluali kobhiki tangiami. 44 Nabba kisikiaku: Nkumami ndikikutangi inja nakugbe, na nyota na nolingeni, noli ndumbu, noluali, na gbeibhu, ndikikukolili kimaponi? 45 Na kisikiaku: nikutolia kemenemene nikilinja poni ndubbukukoli bbakima kamoti wambusa aliemi mundebbukukoli ksmi. 46 Na bbebbakiya kamwenabbusu ndya katolo poni, noo tuan mazima ekepesibhwa muliki ndya katolo poni.