1 Nanga kusalia ndiegulu enyanyangya na nsomesia mindya kandabbo na kuholukana humahuma, abbuhise bbakoli ndibbaki katiko ndiaki sa gbutua mili sambuka. 2 Nakulika mamoti na bbo, nabbakubbaliana katolomoti mbangana moti na kubbutika ka gbutuami sambuka. 3 Na kuolukana ka saa salo, nakubbuzibha ndibbekina ndibbabbi menjo makanga kola kima. 4 Na kubbutolia: bbuye ka gbutuamili, sambuka nkatolianu ndya kubba sa kwelivikama. 5 Nakutukaku: nakuohukana ndibbetolo kasaankaga na kasaa sobbi, bbabbi ndibbamoti. 6 Na kuolukana ka saa ndiake kominamulumoti, nakubbutakanabhe ndi bbetolo na kubbutolia: bbulimenjo wo moti makanga kola kima? 7 Nabbakunsikiaku: nanga kalibhe mpka mindia kiekya kakola mulimo na kubbutolia bbuye katiko sagbutua mili sambuka. 8 Ndya bohi tamaligoligo, mwalimu satiko sagbutua mili sambuka na kuntolia ntelemili mindiaki ubbweke bbakoli na ubbusasule mpela ndibbo katandikilia mbusa na dhakililia na mindiateketia; na bhwele ndiabho nabba. 9 Nabhwele ndiabbo nabba kuekebhua na kambono njo nakibbuheka bbeho ndibba kasaa komi na mulumoti na bbakumpa miompka ambanga moti. 10 Ndye ndibba teketa bbahibha bbakuhena bhiahisi; na bba kupata dede. 11 Ndie bbabbupa, dede kili na kibbutina na mwalimu sa ndabboi. 12 Na bbakuonga: ndibbadhakililia bbakoliaka sasa, moti ino kukingianisa nabbo na bbesu ndikimweni bbusu sienjo najunga sienjo ndibbe kibhona ka tolo na zunga. 13 Nkuma natibbo na kusikiaku na kuntolia subbabbo moti bbotwami, kikolindye kabbongi baa; nangaseki bbiki bbaliani ka mbangana? 14 Ogbe ndiakugbokeliani, na uye ni. Kakabba pesia mindia dhakililia nesio nkupesia. 15 Kalima zima kindiamo kolokazi kola ndienibhalia na kugudha ndiamo? nanga iso ndyako aluzukania nangemi nibbongya. 16 Mindya kadhakililia adha kiteketa, ndye na mindya tevetia adha kudhakililia. 17 Mbono ndya Yeso adhaya ka Yelusalemu, na kubbubbua bbakwenda ndibbaki komi na mubbali, na kubbutolia na nesio: 18 Bbuzibhe, kikafhayasu ka Yelusalemu, mukwampka akibhisibhua kakibbo kwa bbampka gbulu gbuluabbo bbakoli. Ndibbambombi na tumikalamu bbada kunkolesia akuwe. 19 Nabbakimbwa, subba bbampka na tebhiagaki bbindaki; na mwenisaki bbusu. 20 Ndya ama bbanikimi ndya Zebedayo na kubhika kindya Yeso nabaniki ndibbaki, nakubbuna mekulu bhiabhia neye na kungaki kima. 21 Nakingieti: obhali nikukolilieki? natoliaki, bbaniki ndibbomo bbali bbalike, moti kakibbokoako, sana kuluku na mindietolo sana kumesu kakusalia ndiako. 22 Yeso na kusitiaku: okohibhi ndio kakungahi. okutoka nuelia kakibbali ndieki nueliyaku? nabbakundyeti, kikitokaa. 23 Nakubbusikiaku kibbali: ndyamo nobbo ni bbukunuwa; noo nobbukulika sana kibboko ndya sakuluku na kibboko, ndya sakumesu njo kani bbuzibhi, alidya Ndibbabha abbubbalio. 24 Bbakwenda, ndibetolo komi ndie bbahoka bbinjo, kilinakubbutina sanibhua sinina bbadabbo bbebbali. 25 Yeso nkumi, na kubbueka: natoliabbo bbhuhibhia nkuwa na kialo bbangisa, na bbangbeku ndibbabbo abbakubhisabhe bbilagilo koabbo. 26 Kolokubba bbinje kindyabbenu. Mindya kubba na kakabba, kungbeku koanu abbakwenda; 27 Mindya nakabhala bbaki mindya kateketa koanu. abbenkoli mindya bbenu. 28 Andibinjo nesio mukwampka abhikaa, bahabbankolise, no zunabbuha bbuliki mabbonga lamisa miabbo. 29 Ndye abbikatukaki ka Heriko, bhiabbampka na bbankuntomba Yeso. 30 Bbubbuzibhe, bbampka bbebbali, bbamadakandaiso baliki kanesio na bbagugia bbiyo hoo! nkumasu ukikwelie kobbu, mukwa Daudi! 31 Bhiayabbo na bbakubbutanuka nagiabbo bbudake, nabbo bbaka dwelili okikwelie kobbo, nkuma, mukwa Daudi! 32 Yeso nakutelema na nibbuhekina nakugiyeti Holulia bbukakabba nibbukolilieki? 33 Nabba kuntolia Nkumasu isondiasu adakaniaki kakabba zibha. 34 Nanga, Yeso yabbi na nguchuma; na kibbubhisabhe; kibbo iso ndiabbona kuokudhana dumbi, na bbakuntomba.