1 Ndya Yeso adakya tolia bbakwenda komi na mulubbali, nakiya koi, kaegasa na tolia bbapka looki ndya mambombi ka inzi mabhena ka kyalo. 2 Yowana, ndya oki nabbakaongi nalika nkomo kima ndya kilisto, akola na kintolia ka bbakwenda ibbaki: 3 Alibhe pka mindya sobholi bhikaki, mani kindekimbilia mindetolo? 4 Yeso na kinsikiaku: oiye ontoleye yohana ndio okiya na ndyo tangiya: 5 ibbadakani iso bbuzibhe, bbangenge bamalamala bbudetage, bbamatumbi na bbakilama, bbaddakanagikitoi, kitoi aukuddane, ibba kuwa bbaumbuke na looki emabbonga aokenia kaabbo. 6 Akili pka njo kakibba kwegengia ndiamo! 7 Nisi bbeyelilia, Yeso nakibbutolia mbizia bbampka kima gbolusi ndya Yohana: andiki ndubbuizibhai kelungu? ngadda moti ndya dingi na kukuma? 8 Noo, bbakuya njibha? mulukumoti alolibhongo emabbonga? obbikejibhe, bbali ka ndabbo ndya salia gboluaki noo mindya andika ozibhe nitiki looki kindyako. 9 Bbui jibheke? nabi? bbinzo nibbutolia kolia nabi. 10 Nanga mindya andika: ojibhe, anitiki looki kindiako kei swako, kabbongisa nesio. 11 Nikutoli kemenemene, kebbo mindya bbokotiana na nkali, kaenikani gbolua apka kolia Yohana Bbatizi. kusalia bbolusi ndya gulu aligbolusi sini. 12 Tuka tomonolio ndya Yohana bbazibhe ndindi, kusalia ndya gulu amotia ali ndya bbatua ngala. 13 Nanga bbanabii na bbilagilo bbakola kunabbi kindya Yohana; 14 Na, kabba ndo kabhala ibha, andie Elia mindiabbhika. 15 Mindiali na kitoi sa okaa aoke. 16 Nikienyenyagisa yoo bbokoti nani? akienyaga bbya bbaniki ibbaliki kindya bbampka bhiyabbo bbaliyo, na kionga: na bbaniki ibbetolo, 17 Nabbakionga: kibbindi kaanu nsengu, noo bbukubbini kilimbi kanu bbukuoki zidi. 18 Nanga Yohana abhikiya, kolokuliaga na nuwa, na bbakionga: ali na mulimo. 19 Mukuwa muluku abhikia, liaga na nuwa, na bbakionga: alimuliagi, na munu, alasa mindyamo mbiziabba mpka na bbampka ibbali na bbuliki zidi. Noo kugbuluapka ndiake aenikana kandiakola. 20 Dumbi nakisekedana kainji mabhena kindya kolekana masano nanga bbabbi kenge bbakesiekembeku. 21 Okinua, korazima! okinua, Betesaida! nanga, kabba masano ndya kolekana subbanu akolekana ka Tyr na ka sidona tukakala bbesikiaku, agbakunda nabhulu ndya kambamba musa. 22 Adduwa ndulu nikibbutolia: katolo sa musango, Tyr na ka sidona akikolebuwa tuti bbiani keewee. 23 Nawee, Kaperenaumu, okubhala bbakumeise nduako gulu? baa. Bbakukusimisa nduwa tolo sa kuwa; nanga, kabba masano ndya kolekana subbako akolekana ka Sodomo, atoddi enekanai lelu. 24 Andulu nikutolia: tolo sa musango, kyalo ndya ka Sodomo bbadakikola tuti bbiani kee wee. 25 Katomoli njoo, Yeso nabba looki, nakionga: nikusindia abha, nkumami mindya gulu naka dduddu, na ndyo nsomiya kima kindya mpka semenemene na ibbabbahibhi sinisini, na anisai kabha niki. 26 Kibhalia, abha nikusindia nisi obhalia bbinjo. 27 Kima pooni nipebhwa na Abha; na mpka kakimwibha miki, kindya kamwibhi, Abha, mpka baa kakimwibha Abha, kekabbe na mwibhi miki na mpka mindya miki enikilianaki. 28 Obhike kindyamo, bbenuponi obbo lelagia na obbo kumbananagia nidakibbu humulisa. 29 Onigbe kitama kewee na owene bbilagilo ndiamo, nanga ni bbongia na ddota sa mulima; bbukuumula molimoli. 30 Nanga kitama ndyamo abbongia, na nkumba ndyamo abbelemana.