¹ Yuda mbe sungu sa Yesu Klistu gumisa Yakobo ambesa Zegi oni hi nako, o nabandako tipoyi ako ni Yesu Klisto. ² Nangulu ngba ha du nbanya ganaga sako ako na kula n'a alise. ³ Gumiyen wa oni hinkoni ngulu onike ti luma misakatoni nzoni mibiwa ako iwiye tipoyi ako imiako ira baso tipoyi boyambi mudumu mi nyu nako nzu. ⁴ Sanga n'a ndagba oni, amumu ni nkiya ako azelia ako mbita ngbengbe leke yongo nakana mu sa malo tizegi tini gbegbeleke koso Zigi kele ba ni bosiko. ⁵ Miza fuka nako bâti iyo, oni ini ni ngba ngba yongo mu Zegi kase mu, gugusu animu on kusu ako na tee ejipito, oza pilani pila. ⁶ Ti du wo bâti kili ni de de yongo na we kili, na singa kindiii na ngbayakanagasa ko, ako bahati Bata, na gine kili niyango sako. ⁷ Temu na Sodomo na atemu Zingi semu we palangbate, tidawa weakoo tipoyi pitee na gbegbeleke yongose zuna gabala gbi sa Zegi. ⁸ Tidu wa muyo, à II mudumu na masuma sakoo, akoo n'a gbelenka kppoto sako, ako na senga malu. ⁹ Nzoka nde, anzelu Mikaeli longbomu on a ka Zabulo, akoo yingisi kpoto Mose, akoo aka naliko de de yongo Ni gbegbeleke, sesenge koo: Sanga Zegi na fuka Ali ako. ¹⁰ Omi nda gboni, onizafuka kanaga gbegbele amoni iwa, oni bafanya kanaga wa muyo ti ni von go. ¹¹ Dinga sako, Sanga oni landi gini mu ti kaina, Ako botii ti pipili yingi be Balama, ako yingi ako sisiliki ti kora. ¹² Akowa akiwi na ndagba ani kili, na yuga gbaya kanaga sako ako du wa alizo Sanga indigi, yuku na ha nako wa yugu ngula mu muge kunga mbuma du, kpinu bahati iyo tanlan se kulu. ¹³ Kele yugu we yagba ndigi na kusa negilli mu, na no za yinga ndagba mbili. ¹⁴ Tipoyi ako Enoka, isibe Ali iyo banda Adamu, akofukase ama: Mogele Zegi gamu na aba santu sa sigi. ¹⁵ Tipoyi akokana de de yongo ali ani nzu, ti po opili ambe gbegbele leke ni sango ani yini akoo ni a mbe gbegbele yongo sako na ali gbegbeleke a ni. ¹⁶ Ako su na bafuka yeye yongo sako, ako zagbo masumu sako, ako zata na ndagba ani lulu se, ako na ngba kpolo sako weze anayi kpati nyi mu dumu na hien ndendelikpa fuga du nako. ¹⁷ Kasi, monangume, mobaduo tipoyi hemu ti gini aba postulu Na Gbenge sani Zegi ¹⁸ À ko go na hinya ti suka logbo, ti na kula ambe yahuyahu, na ndagba gbegbeleke hanla kpoto ako. ¹⁹ À ko su na kpala gumi ba ma bokeseni ani kpote zanga molimo. ²⁰ Tipoyi oni a gumisa, ene gele ene kili ka ali boyambi soini ni ngba ngba, na sambu soni na ndangba elilimbi sa mbe ngbanga du, ²¹ À ni ma tanai na dangba gumi sa Zegi, kini sungulu ngulu sa wani gbenge bosi Zegi, tipoyi bomoyi mven na molazoo. ²² Gasi ako, à mu na ka. ²³ Gusu ako na ndagba we ; na amu kazoo, a mawa ga na duo mounduako tipoyi gu nde zizindi bango na kpoto ako na zilan na be landimo. ²⁴ Ni mudumu pe ba banda oni na ndagba hein nzu nakana ya oni ti, kosu na banda oni ya oni kulu na malo sesepeli. ²⁵ Zegi niti ko, ba Gusu ani ti gini bosi ko wani gbenge. À ti du ni malo, gbenge ni ndendelikpa, ni ngulu, mbita logbo nzu, na wameama na logbo mu n'a ga mu ! Amen !