1 Paulo, mushiekwa wa Yesu kristo na mwene wabo Timoteo, Filimoni, mu muimwa wet kandi miretu mukozi, 2 imwa mwali wetu Afia na Arkipo, miretu wi kubwisa ndambala, nyi mwi shengero ilili mwage: 3 mutla nyi mbonga zibe imwenu kulyoka imwa Muungu ishe wetu kandi nawetu yesu kristo; 4 ngenderere kuhana mukongwa imwa Mungu, myakitwisa izina lyabe mwa mahuno gani, 5 kulya ngwete myazi yu bwemere bwabi mukati lya nyawetu Yesu Kristo nyi ngolezi yabe nyija mwa bashukwa boshi. 6 Nyamuhuna ngolezi yabe ikome, hanyanya lya kristo, nyi kweresa yago mija goshi imwetu. 7 Hanyanya lya yibyo, nyirikirwe nyu busime bwingi nyi kuva mutima kudekerera hanyanya li ngolezi zage nyija, kulya, kukulengera mitima ya bashukwa ikatuza. 8 Kyatuma, kiri ngangaba ni lhuma imwa kristo, kukusarangira bilya ibyumenene, 9 ko kuko hanyanya li ngolezi zage nyija, nyakuhuna, kulolekeza ko nyiri, Paulo, mushaja kandi kongera bushekwa (mushwekwa) wa Yesu kristo 10 Nyakwinginga nga mwana waningabut niri mwi migozi, Onezimo, 11 uali nga ndaye bihazi ibikalenga, ti zene akola umenene imwabe nyi mwani. 12 Nyahutumira ye, yenene ibunda lyani. 13 nyangifijire nyi musigalane, lya ndabala hutali, bishozi nyiri mu migozi yu bushwekwa hanyanya li mwazi mwija. 14 Geke, ndashubi lozize nyibigire buzira musalilo gwage, lya buija buabe buta butale nga uwakugira kwimisi,ti kuke kulowa kwabe. 15 Ngaba akalyoka imwabe kukishazi kinini, lya wijimubona mwi myakula, 16 Byatali kandi nga mija, ti mukulu kuhima mija, nga mwene wetu musimwa, na nyani nyenene, nya kandi weyuye bwenene, mu magala ti geke mu nawetu. 17 ili ungwasire nga mwira wabe, umwangilile nga nye yuno. 18 nyiri akahubira, nyiri hali mwenda akugwete, ngubike mu luhande lwani. 19 nye Paulo, nyibisarazire mwa mboko gani nyenene, ngalyula, lyutadeteko wigwete mwenda wenene imwani, 20 ko kuko, mwene wetu, mboni imwabe yubo wija, mu nawetu, hulika mukati lya kristo. 21 Mukulangira mboerezi yabe kyatuma nyakusarangira, manjire lyo nya kubwira. 22 Geke, umbikire kyajo ho ngijigwejera, kulya nzalilo nyakuheza mukongwa kwa mahuno genu. 23 Epafra, mirani ukagwatwa mu yesu kristo, 24 Nyakulamusa, geke Marko, Aristarki, Dema, Luka, birani mbi ngolezi. 25 Mbonga za nawetu yesu kristo zibe kuguma nyi miima yesu.