¹ Eloke iko, bahikolo pe baninga bami inyo bole laibuluoko imi pe ikapo imi bokiha nye oka nkolo bahikolo. ² Lalaka Ewodi pe lalaka Synthiche bayale laemengo emo oka nkolo. ³ Pelawe, monango mokendi o lako bondele obahunge, ibo babunaki ntina ika ewangelio lami pe laimengo pela bainkina bamunaki lami olo tomo bale baena obeku elobiko. ⁴ Bobuluwa ntango inkuma olina ika nkolo, laisiela bobulua. ⁵ Boloko mpiyo bonya inyo buebana labato, nkolo aya kaiko. ⁶ Tabo yake lalo keketi, nde oloboko lonkuma buenia Nyambe behenga benya inyo ole Nyambe laba bondeli pe la bengengo lambeko. ⁷ Pe nkuti eka Nyambe, ependa manya mankuma, ongo batela beloko benya inyo ebikaneno binya inyo oka Yeesu kilito. ⁸ Ipali, biboto inkuma ile holo ilela loumu, lehembo, inkuma ile peto ilangema eli la bokanga, ele emengo pe elila loumu, eya iyamba ele obikaneno binya inya. ⁹ Lambuekole inyo bombuambe, pe imboke inyo pe imbuene inyo olemi boisalela pe Nyambe kuti engoyala lainyo. ¹⁰ Laobuluwa ba oka nkolo laihokela inyo boisiele etelo eko emengo enyainyo itina imi bokanenaki boloti nde ntango pamba. ¹¹ Epa mpohemi etepelami, laitina laoka boloti lalolenge lolemi pe lotelimi. ¹² Laeba obika onsuluwa pe oikulaka, manda inkuma laekola lamimbi labonkanda, laibatisi pe labonkata. ¹³ Lakela inkuma la o nkuma onzikia ntimba. ¹⁴ Eloke iko bondekele boloti hoya kobanga obahei bami. ¹⁵ Bueba inyo kaika bato ba Pilipo oibango ika baloko baka ewangelio ohakimi Masedona iboko laimo taibomba lami oipaki nde pa iyambaki nde. ¹⁶ Nko inyo bakelaki, ntina bontindaki o Tesalonika, mbala ipe, iyoho mi ohilia mpoha imi. ¹⁷ Epambe lankomba ikapo, nde la pomba mambo ihokiama o ibondo imi. ¹⁸ Laboba pe lale oikulaka, lapuluamaki labiomba lobato la Epaphrodite lima oleinyo nga balasi babomango bampimbo mbeko engoimenya, Nyambe pe ekia boloti olende. ¹⁹ Pe Nyambe akokia mpoha inya inyo lolenge lole ibati inande, laloumu oka Yeesu kilito. ²⁰ Laehe eyayo papa lokemo obileko la biloko koboiko. ²¹ Beka basantu bankuma oka Yeesu kilito bohikoli bolelami babo beko. ²² Basantu bonkuma, babo beka pe penda bale oitumba ika Cezar. ²³ Ngolu eka Yeesu kilito eyale labelimo benya inyo.