¹ Nga elela ngano balendisi okilito nga elela ngano nseinya nga elela ngano ikabo bolemo nga elela ngano bahei. ² Paa ibuluako ipenda ile naemengo moto olanga ndenge emo bolimo mo bikanelo nzenze imo. ³ Tokelake lobo labokila lokondo lape lalueheni nsande loyasuwa lokuenye ngaba ninga bakena bale oliko iwe. ⁴ Omo lomo onyainyo alendake mbo linande kaika alenda ke pela ika baninga. ⁵ Boloti bolikila Yeesu kilito iho loyalela boloko. ⁶ Eyali nga iyango ika Nyambe talenda, nga aleile imponua loyala nenge emo la Nyambe. ⁷ Nde ahoya lohola nde kaika apua lolenge loka bntamba ayahiya ngamoto opalaitina. ⁸ Aho yasuloya nde kaika ahoya tika botosi te oiwa i ekulusu. ⁹ Eloko eiku Nyambe aholo yobohangiya obonkonzi e apa lina iloliko ika maina mankuma. ¹⁰ Kela nko olina ika Yeesu mabongo mankuma mango bokumamela. ¹¹ Pe nkota inkuma itatola mate Yeesu kilito ale nkolo obonkumu boka Nyambe ihe. ¹² Nkoboiko bahikolo lolenge lona kainyo. ¹³ Intina ile Nyambe abota oleiho lolenge lole boti bonande. ¹⁴ Kela inkuma tokelake mbo inkuma nimaima mahikitela. ¹⁵ Olingi bayale mpeli mpamba pe peto bana baka Nyambe bepa mpeli oiyongo ika lolula bolobe pe lolibama lonkeke iyonga dalapo omolongo. ¹⁶ Olemi la iloba ilobiko pe langa yamua obokolo boka kilito mi tipua mpamba petisala mpamba. ¹⁷ Sayaha bola layale empulu pe laitinaka boka buambi lale laibuluako pela buambi bonyainyo bankuma. ¹⁸ Inyo pe bobulua konenge , eloko pe bobuluwe manda emo lami? ¹⁹ Lalikia olina ika nkolo Yeesu labo tindele Timote kela lakembe mikaika noamba mbo ibolenda inyo. ²⁰ Intina timbela moto omo ane olelami moha emo, lopua onse moloko mbo iyahiho. ²¹ Onkuma bakomba mboiba loko kaika pe bapo kombe inka Yeesu kilito. ²² Bueba atikamaka onkaka, loyapa obosala boka ewangelio lami, nga ngahoa laihe. ²³ Lalanga lobutindela ongobuluemi onenge elangami. ²⁴ Pe bo ihimie bohiko oka nkolo bongo yale lami kaika. ²⁵ Labuene, me kaika lobotindela bohikolo omi Epaphrodite bokendi lami olo tomo ola etumba ombekele inyo akokiye mpoha emi. ²⁶ Aiko olangaki iho balue onkuma, pe aliki laliale uebaki we ikoni inande. ²⁷ Aliki laikoni, kaiko, pe pene laiwa nde Nyambe abokelaki bahei pe apa nkonde, ndelami laitina pe yala labahei oliko ika bahei. ²⁸ Laho botinda laiholo lantina bobulue lobuene, pela yale labahei bapopennde. ²⁹ Bomuamba, olina ika nkolo, laibuluako pe bomiya bato balolenge loiko. ³⁰ Epa ntina eka bosala boka kilito aiyaki nde pe menela iwa aya obobia ntina bahangia omanda epande obosala bonkelela inyo.