1 Ma Paulo , Yesu Kristu jotsina ndi ku mbi joro, dinga na le djo Tomoteo na, Ni Filemona dho , ma dhi bo jidha dhi luba, ndi dhi dingana ma nji nji na na ke, 2 ko dhi vena Apia ni dho ma di, Ginri dza la ko du na na ke ndi dho ma di, ni dhi dhi dza na ndi ma tso nju na bakristu dho ma ku di: 3 Ginri Kodhi Baba , ko dhi bho ke Yesu Kristo ma na bu zolo ma ngoi ma na ni jo kru. 4 Ma madha ngu ma dza Ginri dho ninga na nzi ma ni nga vi ma dza ndzidha na ro. 5 Ma rr ni dhi jidha ndi dhi ko dhi pi Yesu na ni ku na na udha furi chu ku kru ngba u ri na nru dho. 6 Ma ri ndzi ke tso udha na ni di na ri riri Kristu dza lo dho, furi i dhoni kolu kru ku na blo nji kpari lu. 7 Dho na lo ma ngue bho ke na ndi dhi ma ba e kpakpanga nidza bo jidha dza lo dho. dho na lo ni le djo lu nja ku na uu ri na nru thi jo tso koe ko. 8 Ri ku fu lodho chu ma ma rr lili Kristu na ndiro chu ma ja ni dho du ma ni ka ni nji nari, 9 fu ri goti , furi ma ndzi ni tso jidha dza lo dho,Ma Paulo , ngo ke ndidhi kpajo mbitso le su Kristu jo na ke 10 Ma nga dhu ni tso ma dza ngba Onisimo djo, ku ke chu ma gu tseretsere djo ma ku ro. 11 Di dho ke ngue a nji nga dza nji ro nidho , furo kpadjo ndi ku madha na nidho ndi dhi ma na ma ddi. 12 Ma cho ke , ma zkpa ngaga ni nangana. 13 Ma ji ro ma ka ma choe ketso ma ku na nga na ma di, ndiro chu ke ko ma tsotso ro vi ni ringa na ,go ma di tseretsere tso kweloi jo na ngana. 14 Furo ma nza ji e ri ma nji nikpa ritsi ro nza ma po ri ni dho ro ri. Furi ma nji ndiro nidza bblonga nzi di kpakpangana ni nji na ri bai ro , ndiro ri e nini ro ni nji bblo ni thi na na ri. 15 Nja ro ni nga ro ndo e ni ke na kar saa ju kpali dho , ndiri goti ke ve ngu ni dhingana theyu nga dho dde. 16 Ndiro nzi ke njini nokpa bai dhe ro , ro ke di nokpa jo pi bai , pli le ji na le jo bai__ malai jo ro chu bbo, ndiri goti ni dho ma pli ddi, inga ri e le ndi na ma , inga Bhoke Ginri na ma ddi. 17 Njati ni ra di ma nzi ni dza luba ro , ako fu ke ma ni ka ni ko na ri bai. 18 Njati ke taeni ta ma ni dho ro , inga ke na e ni dza be ma ro a li furi kru ma jo. 19 Ma, Paulo , iri ma ndi ma nganga tho na ri ku: Ma si ni dho be bu luti ni. Ndiro nji ri di ni vi ni dza shinga ma dza lo djo ri ro. 20 Bubu chu ledjo , ba ma ba madha ro Ginri na ni la jo ro ; furi chu ma hi dho kwe bu Kristu na. 21 Ni ma ni dza kari dha chu ro , ma ndinga ni dho , chumachuri niri nji pli ni tso ma ndzi na ri jolu ro. 22 Fu ri ma na , a thi lu do na na gi nanga ma dho, di dho ma uri u nidhi ndzi dha dzalo dho , ma ka ma ba kpakpanga ngba ma u ni ronga ro be. 23 Epafura , ningana ma ku mbijo kristu jotsina na ke, zuu ni ro nga, 24 Marko ma, Aistako ma, Dema ma, Luka ma, ma u na nji dhi ma di zu ni ronga . 25 Bhoke Yesu Kristu dza ngi chu dini thi na ma ddi. Amina.