1 Furo ke po ri ki kpa dho , " Bubu ma ri po ni dho, iga ku nja nru ro nzi dhe dz' di ri nza ndi ma ke Inri nza pithinga si kpakpanga na na ri nja ro ri." 2 Do aza goti , Yesu dz ngue Pero ma Yoane ma na ndi dhi Yakobo ma na, fu kpa dho ke da chu tso ndindiro bbo ngu tsijo na nga kpa gue ndi maro dhe. Fu ga ke si ndi nyi le fu kpa nyo nji. 3 Ke ro ru di chacha , na ri goti ri uu huu pli nza ru ro ka ndi uuu i dz jo nichu kpale dho ma na ri bai. 4 Furi goti fu kpa nja ,Elia ma Musa na lo ndima ti Yesu na ro . 5 Furo Petro pori Ysu dho ii, " Rabbi, Iga ko di e na ri thoenga pli, ndiri goti Ko chie d'udza ju gbo di, nidho ddi, Musa dho ddi, Elia dho ddi." 6 (Di dho ke chungue adu ma ndi po na ri nza, dho na lo kpa do lu ngue.) 7 Fu ro ii si kpa ronga tso dde gbru. Fu ii na ro Lechu rrngueni, " Iri ku bbo ma ji na ma du , a ni rrr ke." 8 Furo dhechu Yesu una kpa njanga ndima ro lu gbru ro , kpa nja ie ma nza , fuga Yesu dhe e diro. 9 Ngutsi djo ro kpa dhvu na nga na , Ke ka ri ja kpa dho i, nzi ni dra ninja na avuri ro ie dho ma, kpu ma nru du , ma ka ve gaga dhedhe na nru ka na ro nanga jo. 10 Kpa li ngue fu lo dza bbonga ndima thi na dhe, ndiri goti kpa ngu ringa dhu ndima kalu " Dhedhe na nru ka na lo le ngbeni na ri " Furi ka e ngba l e ri pori? 11 Ke u na ra na kpa dhu ngue ri ki ketso, " Ka a du ro ngandidha kpa ke ri i ringa ni Elia chu si nji?" 12 Fu lo goti ke ngu kpa dho i, " Bubu nganga ringani Elia chu si nji nja ndi thi kru ku na lo thi dde. Furo ngba yu dhe ka ri ndi ni i ri bai nru du ke nzani bbo furo kpa ka ke ndro ndro? 13 Ma po ri ni dho Elia si bbhlo, Ndiri goti kpa nji kwe ndima ji na ritsi kero,didi ndi le ndi na lo po ngue ke jo na ri dha". 14 Ndi u na ra na kpa dhinga na Yesu ma ve si ro, , furo kpa nja ngue bi ku na nru kpari, fukpa ronga tso ndi ma dde ro, Kandi na kpa ma ma ngu ndima tsonga le fu kpa na. 15 Yesu nru be na nga na nru nanga ke ngeeni bo , nru mo ke nja ndi ma dhu ke chu dde. 16 Ke dhu ri kpa tso, " Ni ka da ni ni kana fu kpa na adhu jo?" 17 Fundru ka na na dichukpa ke ngu ngee lo ke dho, " Lodi na ke, ma sie ma dza kpetsingba ni dhinga na; ke na ku na ri ku chi le tso chi na che thi, 18 Fu ri yu ke bu guna ndi dhi dr ri ke dr na ri na; ke tso na bhusa ma jini, ke ndi ku ka nari goti ke do ni do. Ma zoni ni u na ra kpa ro ndiro chu kpa di fu le thi ngba na ro furo ri toni kpa ro to." 19 Ke ka ri goti ngu kpa dho i, " Ni nga dho udha na kpa , ni ka na ka ma di kru thicha? Ni tso ka ma ve thicha? furo ke pori ani si ngba na ma dhinga na." 20 Kpa ka ngba bu ke dhinga na. Yesu cher dhi le thi nja na ngana thechu, go di ngba nanga ja kpakpangana. Furo ngba buni guna ro ngba di ndi dze gugulu bhusa ndani ndi tso na ro. 21 Yesu dhu ri ngba ba tso i, " Furi ka lu ngba ngbangana?" Le ba ngu lo ke dho ," Jada nga jolo. 22 Bijaina ri ngba bu kazi na ma , da na ma nja ndi kwi ngba kwi dde. Njati ni dho chu ri ka ngba ro , a nji ko zo ni ko ko tsotso." Ysu po ri kedho , " Njati ri ka ni dho ngbaro? Kru ku na lo njini ni uu ri na kpa dho." 24 Fuga fuga ngba dhi ba na huu ngue bo ndi chu na ," Ma uri ngba! Ako ma nga dza udha ku na ke tsotso!" 25 Furo Yesu nja ndi dhinga na nru kpari dda na ri ro, ke di ngue che le thi i ndi ri poro, " Ni ngatso ndi dhi dhe dhi le thi, ma ja ri ni dho , a si fu ngba na ro, ndirigoti nzi ni ki ngu ke na." 26 Furo go vu ngue fu ngba na ro huhu ndi hu ro , kpakpanga na nd ngba na nga dr ro. Ngba njini ngue bblo dhe na ri bai , ndiro nru kari pongueri " Ke dhedhe ." 27 Furo Yesu lu ngue ngba ndi thoro, ke da ngue ngba rona furo ngba toni ndi kojo. 28 Furo Yesu ngu adza na ri goti, ke u na ra na kpa dhu ri ke tso nzanga nja nru chu ro, " A du dho ka kodho fu go di ni nza ?" 29 Ke ka ri po kpa dho, " Fudi go ni ka ni di nza furi bai nga ri nzidha na ri ro. 30 Kpa ka ra d'ingana fugaro Galilaya lu ndi ma da ro. Ke nza jii ngue nru chu ndi ku na nga ri, 31 Didho ke ngu ndi u na ra na kpa dho longadi . Ke ngu ri po kpa dho iribai, " Nru Du tsotso kpa si bu nja nru tho thi na , ndiri goti kpa si ke kwikwi. Ngba ke pka ve ke kwi ro , ke ki ke ngbeni gbo no jo." 32 Furo kpa nzi ngu ke ti na lo ro chu ri , kpa ngu ke tso ndi ma ri dhu na ri do nji. 33 Kpa ka si Kapernaum na ba gu. Nichukpa dza na ndi ma ngue ro ke ka ri dhu kpa tso," Chuna ka ni e loti adu jo?" 34 Furo kru kpa go ngue di. Dho na ri , chu na kpa ngu nga dhu ndi makalu chuna ii ma kaka ndie bho ke ndima kana na ri djo. 35 Guna ke di nanga na ro ke gbangue ndi una dre ndidjo arori na kpa tso dingana, furo ke ka ri po kpa dho, " Njati di ke jiri ndi e andzike ro , ringani ke di nru kwe goti ndirgoti ndichu njinji kru nru jo." 36 Ke ka di rengba dzi furigoti ke li ngba kpa kana . Ke li ngba ndi kudjo , furo ke pori kpa dho i, 37 Dichukpa ke chu ko maro dho na i nzu bai di na nru ro , fuke chu ko ma, ma ko na ke, nza ko ma diro ri , ndechu ma cho na ke ma ddi." 38 Yoane ka ri po k dho," Mwalimu, ma nja ni ke go ndi di niro dho na ro , ma gue ri gu ke dho, jo na ri nzi bi kona ri." 39 Furo yesu ka ri po, " Nzi ni gu fu ke tso, ditho , ni ke ka nza ndi nji fubu bobo nji ro ma ro dho na njati ndi ke che lo ti alutilu ma jo ro. 40 Dike e nza ndi ndro ma roro , fuke ku madho ke. 41 Ndiro dikpale bu da ma ni juu kopo di nanga tsi Kristo dza nru niku na ri jotsi na ro, ma ri po bubu nidho iribai, ndi le nzi kobe vivi ri 42 Njati dike li ndi avu dichukpa rere uu ri na nzu skanga ndudha dho ro, ri e e bblo le chi bbo nga udha dhi ju ke chu, ndirigoti le bu fu ke juda na. 43 Njati ni tho ni mba cher na ro, akr ri kr ni roro, Ri e e bblo ni tsu shiga bagu nichukpa ni tho na , 44 kaz na ni ra aro ni tho na na ri djolu, furi ku choro nunu ku na kaz nzi ndi dhedhe ro. 45 Njati ni ko ma ni mba cher na ro akr ri kr , ni eee bblo nitsu shinga dhi bagu tsutsu ni tsuro, 46 kaz na ni ra aro ni ko na na ri jolu. Funja i ku nzi dhe na oicha ma , nzi dhedhe na kaz ma na. 47 Njati ni nyo ma ni tsu cher na ro , a tu ri tu . Ri ku bblo pli ni tsu Ginri dza pi dhingana , dichukpa ni nyo na , aro ni nyo na le ve ni bu kaz na na ri jolu, 48 Fuga chu le ka chu ku nzi cheniche na oicha ma , ndidhi nzi dhedhe na kaz ma na 49 Didho , kru ndru dzi ka thini kaz chulu ku na le li na ri bai. Didho ku kubblo pli ku na ritsi , njati ku dza wawanga thatha ro, furo ka ni ri ki ngu wawa a du na? Nidhi ku nyi ni thi niniro, ndiro chu ni di ddi nikalu