1 Chocho ke si Yerusalema na nanga na,ke ka si Betafage Betania kuso ndidhi olive dhi glu kuso,roYesu ka aro chocho kpa cho, 2 Ke ka ri po kpadho ii: ani ra ni nji ku na bba kana,nika si fuga ro ni tsu fudza, ni si ddikpa punda dza ngba ro le su ndi ro,nza djo ndru ro dji na ri;ani klo ri ni mbari madhona. 3 Njati ddikpa ke dhu ri nitso : Addudho ka ni ri nji fu? ni leri bboke ku ri dza nji na.Furo kpa ri bbabba thechu. 4 Bbubbu chu chocho kpa ra e funja ro kpa ka si punda kalu ro arugu le chi ndi ddikpa dza i tsoro,chu tsoro furo kpa ka ri klo thechu. 5 Ddikpa fuga kpa kana e na ke ka ridhu kpatso,ni ka addu nji fuga?Addu dho ka ni ke fu punda kalu klo? 6 Kpa ka ri le Yesu po ngue ri nari bbai,furo kpa ka kpa bba bba ndima u rina. 7 Kpa ka fu punda kalu mba Yesu dhi ngana,bblo ndima hu e ndima ro ru ridjo ro,Yesu ka dji ridjo thechu. 8 Bi ndru ka ndima ro ru hu guna,nja ndru ka nzaguro ndima ka kle na tsubi hu. 9 ke nji ndidhi ke una nru ngu huu: hozana!ke ro dho mani godhaba naro si nake. 10 Aluti si na pi ronga leni,Daudi dho pi,kodhi Baba ! hozana aru nga na. 11 Yesu tsu ngue Yerusalema na,bbo dra dza na.Ke nja nga ndirolu gbru,ke nja fudza njini na rits' kru.Furi goti,ke ma ndi una dre ndijo aro ri na ku na kpa ma na ra Betania na,nga ngu ti ti ro. 12 Bbu dyi,Betania naro kpa ka tuni ro,Yesu uu ngu kwi. 13 Kenja ngue Figi dhi tsu da nga naro keddi ngue ri ni ndi si nyodha dhi tsukpa ro ri djo ri.Furo ngba ke singue rikuso tchutchu ro rits ro ngue ridjo nga,dhonalo ri ngue nga ri ra ndikpa oo na do ri. 14 Furo ke wa ngue fu tsu ii ndi ripo na rina:nzi ddile ma cho nidjo tsukpa ro nyo, nari ke una ra na kpa ma rr ngue ddi. 15 Ke si ngue Yerusalema na,nari goti ke tsu ngue ginri dza dza na ro,ke nja ngue nru ndima dhi rits' na nga dz'fudza nari ro; ke dro ngue ndima dhi rits' na nga dz' na kpa dhi rits' guna,narigoti kedi ngue kpa di fudza naro. 16 Ke nza bba ngue ddi ke ma dz' ndidza rits' ro ri. 17 Furo ke nga ngue lo ddidha tso ki ndrudho: Ke pori rindini: madza dza ka e nz'dha dhi dza nru bbu kru dho,ro nichu nji fudza gbu bai dhi dza. 18 Dini dza na bbobbo kpa ma ngandi na kpa ma rr ngue fulo rigoti kpa di ri ne ndima hwi ke hwi,dhonari kedza lo rr ngueni nru kpar dho. 19 Ngati ngue ro ketu ngue ni bbo bba naro tu. 20 Bbutso kpa ngu si ngu ro,chocho kpa si ngue ri nja cha Yesu wa e na tsu dyu dyu ndi ti ti na hwe. 21 Petero nja ngue tsu dyu ri ro ke pori,bboke anjari chana ni ti e lo djo na tsu dyudyu. 22 Yesu ngu lo kedho:Ani di udha na. 23 Bbubbu ma pori nidho ddike pori ngudho atuni fugaro ndirigoti abuni ddana ma nza ndi thi jaja ro ro rika ndi njini kedza udha bbai kedho. 24 Furi ro maripo nidho,kru ni ndz'nari ani uu ddi ddi bblo ni bari nari bbai,ndiro furits' nika ni baba. 25 Njati ni dani rona nz'dhadho ro ni e ni thi na lo na ni lai djo ro, ani sa kpa nji ni ro na chelo sa ni thi djo ro ndiro kodhi rana baba ma ddi sa ri nidho dde. 26 Ndiro njati ninji ni la i zu nza ro kodhi rana baba mangu ni zu nji nzi chu. 27 Ke ki ngu ngue Yerusalema na ro Yesu di bbi ginri dza dza lu,furo ginri dza na bbo bbo kpa ma ngandidha dhi bbo bbo kpa ma di ndima ndri chu chu ke ro. 28 Kpadi ripo: nidho ka ie bbu furits' njidha dhi kpa kpa nga. 29 Yesu ngu logoti kpadho:ma ma ngu ngaro chu dhu nitso nari goti njati ni uri tso madho ro furo chu ma ve ie dza kpa kpa ngana ma ma furitsi nji nari po. 30 Yohana dza batizo ka si ngue ndru dhoro,ddi ma ra naro?Ani ngu fulo goti madho. 31 Furo kpa di nga ddi ndi ma kana ii: ko pori rana ro ro nru si ripo ndiro ka ni e ke uu nzi adduro? 32 Furo ndima pori nru dhoro ma ro:kpa ngu nru do nji dhona lo nru chu ngue ri dda na ngu nru ti na Yohana ngue Ginri dza chochoke. 33 Ndiro kpa ngu lo Yesu dho: konza churi ri.Furo Yesu ngu lo ro kpadho.Ma ma nzi ddi ngu ngba kpa kpa nga na ma ma njie furi nari po nidho ri.