1 Maddi e nga mathi na mamaro nzi ma ngu ni bba njedha manji ro dd'e. 2 Dhona lo njati mabbu njedha ni dho ro , ie ka ka ndi bbu kwe ma dho ngarie ddinga njedha ba ma na na le ro? 3 Mandie ilo ni dho nimaanji na ri bbai nzi ni thi buni ro, mavesiro, njedja kalu kae ndima bbu kwe maddho na kru ndru, bbo djo mali mathi na ndru ma dza hwe sie ni kru dhi hwe. 4 Ri ku bbo dd'o dd'o kana, glo ma thi glo ro, bbo nyodda kana chu mandie ilo ni dhori, nga ndi bbu njedha nidhori dd'e, ro nja dd'e ni chu ngbabbu ma madza jidha ku nidho nari dd'e 5 Njati ddikpa le bbue njedha mathi dhoro, fule na bbu njedha madho ri, fule nji furi n kru ro nza ma gbe ma ri djo bbo ro. 6 Ni ka na bi ku na ndru mblo fule mblo ro, furi kaka. 7 Furo chu ni nji fuke zo ndirigoti ni pi ke iso nzi njedha dyi gu tini ke djolu ro. 8 Mari nz ni tso ni dho jidha bbo fuke dho; 9 Ma i lo ndinidho nja machuri, nithi mambu nari lu, bbubbu ma ni a djonidjo kru ku na lo lu nari dd'e. 10 Ro, njati ni nji ddikpa le zo nji ro, ma ma ngu fu le zo nji nji chu, ro ri chue ngba di ritsi zo ma manji ro, ri ku nidhi lo dho Yesu Kristo chulu nzi go nyo pi gu kodjo ro, dhonalo konza chu ke dza nji kpari nza ri. 12 Masie Gindr dza hweloi dho Troa na na nga na, ngba ma chu Gindr pu e hweloi dhi dzaitso madho ro, ma nza bae bb'o le ka le di le th ro nari ro kari maddi ri, dhonalo mdhi djona Tito roma sie fu bba nza; 13 Riku fulo dho ma bba kpa madhoro fubbaro mara Makedonia dhi ngo na. 14 Madha ngu kodhi Gindr dho, kechu liri kosi lo djolu Yesu Kristo, na kechu ra di kolu li nariku lochudhadz ngu dju kru ngalu na ri! 15 Ko Gindr dza ndru, koku, Gindr dho ddiddi blo dz ngu Yesu Kristo na na che bbai go go na ndru kana inga lo sani sa na ndru kana: 6 Nja kpa dho, koku ddiddi dhedz dhe nari bbai, ddi bbu dhe dd'e; nja kpa dho ko ngue ddiddi shi dz ku nari bbai, ndibbu shi dd'e, ro ietso ka kaka afu lo na? 17 Dhonalo ko nzi riji kodi Gindr dza lo nga ngbu ngbu ri, njabi ku na ndru ra di nji nari bbai riri koloti chuko chu ro, Gindr dhoro ndisi ro, Kristo na Gindr nji.